କୋଲକାତା, ୧୧ା୧୧: ଅନ୍ତର୍ଜାତୀୟ କ୍ରିକେଟ୍ ରେ ଅନ୍ତିମ ଦିନରେ ଇଂଲଣ୍ଡର ବାମହାତୀ ଦ୍ରୁତ ବୋଲର ଡେଭିଡ ୱିଲି ୧୦୦ ଟି ୱିକେଟ୍ ସହ ନିଜର ଦିନିକିଆ କ୍ୟାରିୟର ଶେଷ କରିଛନ୍ତି। ୩୩ ବର୍ଷୀୟ ୱିଲି ନିଜର ୧୦୦ ତମ ଦିନିକିଆରେ କୋଲକାତାର ଇଡେନ୍ ଗାର୍ଡେନ୍ସରେ ପାକିସ୍ତାନ ବିପକ୍ଷରେ ୨୦୨୩ ବିଶ୍ୱକପ୍ ମୁକାବିଲାରେ ନିଜର ଶ୍ରେଷ୍ଠ ପ୍ରଦର୍ଶନ ଦେଇଥିଲେ। ସେ ଏହି ଇନିଂସର ୩୭ ତମ ଓଭରରେ ଆଘା ସଲମାନଙ୍କୁ ଆଉଟ କରି ଏହି ସଫଳତା ପାଥିଲେ।
ଅଷ୍ଟ୍ରେଲିଆ ବିପକ୍ଷ ମ୍ୟାଚ ପୂର୍ବରୁ ୱିଲି ଘୋଷଣା କରିଥିଲେ ଯେ ସେ ୨୦୨୩ ବିଶ୍ୱକପ ପରେ ସମସ୍ତ ପ୍ରକାର ଅନ୍ତର୍ଜାତୀୟ କ୍ରିକେଟରୁ ଅବସର ନେବେ। ବାମହାତୀ ବୋଲର ଇଂଲଣ୍ଡର ଅନ୍ତିମ ଲିଗ୍ ମ୍ୟାଚ୍ ପୂର୍ବରୁ ୧୦୦ ମାର୍କରେ ପହଞ୍ଚିବା ପାଇଁ ତିନିଟି ୱିକେଟ୍ ପଛରେ ଥିଲେ।
ତେବେ ଏହି ମ୍ୟାଚରେ ଇଂଲଣ୍ଡ ପାକିସ୍ତାନକୁ ୯୩ ରନରେ ପରାଜିତ କରିଛି। ଇଂଲଣ୍ଡ ଅଧିନାୟକ ଜୋସ ବଟଲର ଟସ ଜିତି ପ୍ରଥମେ ବ୍ୟାଟିଂ କରିବାକୁ ନିଷ୍ପତ୍ତି ନେଇଥିଲେ। ଅଧିନାୟକ ବାବର ଆଜମଙ୍କ ନେତୃତ୍ୱରେ ଟିମ୍ ପାକିସ୍ତାନ ବୋଲିଂ ଆରମ୍ଭ କରିଥିଲା। ଇଂଲଣ୍ଡ ୫୦ ଓଭରରେ ୯ ଓ୍ବିକେଟ ହରାଇ ୩୩୭ ରନ କରିଥିଲା। ଫଳରେ ପାକିସ୍ତାନ ପାଇଁ ବିଜୟ ଲକ୍ଷ୍ୟ ୩୩୮ରନ ରହିଥିଲା। ପାକିସ୍ତାନ ୪୩.୩ ଓଭରରେ ୧୦ ଓ୍ବିକେଟ ହରାଇ ୨୪୪ ରନ କରିଥିଲା।
