ନୂଆଦିଲ୍ଲୀ,୩୦।୧୨:ଚଳିତ ଆର୍ଥିକ ବର୍ଷର ୨ୟ ତ୍ରୈମାସରେ ଭାରତର କରେଣ୍ଟ ଆକାଉଣ୍ଟ ଡେଫିସିଟ୍ (ସିଏଡି) ବଢ଼ିଥିବା ଜଣାପଡିଛି। ବିଶେଷ କରି ଭାରତୀୟ ରିର୍ଜଭ ବ୍ୟାଙ୍କ (ଆର୍ବିଆଇ)ର ସଦ୍ୟତମ ରିପୋର୍ଟ ଅନୁସାରେ ସିଏଡି ପୂର୍ବ ତ୍ରୈମାସଠାରୁ ୨%ରୁ ଅଧିକ ବୃଦ୍ଧି ଘଟିଛି। ଚଳିତ ଆର୍ଥିକ ବର୍ଷର ୨ୟ ତ୍ରୈମାସରେ ସିଏଡି ବୃଦ୍ଧି ପାଇ ଜିଡିପିର ୪.୪%ରେ ପହଞ୍ଚତ୍ଛି। ଏପରିକି ଏହା ପୂର୍ବ ତ୍ରୈମାସରେ ସିଏଡି ହାର ୨.୨% ରହିଥିଲା। ସେହିଭଳି ଆର୍ବିଆଇ ଡେଟା ଅନୁସାରେ ଆର୍ଥିକ ବର୍ଷ ୨୦୨୨-୨୩ର ୨ୟ ତ୍ରୈମାସରେ ପ୍ରାୟ ୩୬.୪ ବିଲିୟନ ଆମେରିକୀୟ ଡଲାର (ଜିଡିପିର ୪.୪%) ହ୍ରାସ ପାଇଥିବା ରେକର୍ଡ ହୋଇଛି। ଅପରପକ୍ଷରେ ପ୍ରଥମ ତ୍ରୈମାସରେ ସିଏଡି ୧୮.୨ ବିଲିୟନ ଡଲାର (ଜିଡିପିର ୨.୨%) ରହିଥିଲା। ଏପରିକି ଗୋଟିଏ ବର୍ଷ ପୂବେ ଏହାର ପରିମାଣ ଭଲ ରହିଥିଲା। ବିଶେଷ କରି ୨୦୨୧ ସେପ୍ଟେମ୍ବର ବା ୨ ତ୍ରୈମାସର ପରିମାଣ ୯.୭ ବିଲିୟନ ଡଲାର (ଜିଡିପିର ୧.୩% ) ଥିଲା। ଉଲ୍ଲେଖଯୋଗ୍ୟ , ୨୦୨୨-୨୩ ଆର୍ଥିକ ବର୍ଷର ଜୁଲାଇରୁ ସେପ୍ଟେମ୍ବର ମଧ୍ୟରେ କରେଣ୍ଟ ଆକାଉଣ୍ଟ ଡେଫିସିଟ୍ ବଢ଼ିବାର ପ୍ରମୁଖ କାରଣ ହେଉଛି ଉଚ୍ଚ ବାଣିଜି୍ୟକ କ୍ଷତି ଜାରି ରହିବା। ବସ୍ତୁଗୁଡିକର ବ୍ୟବସାୟିକ କ୍ଷତି ୨୦୨୨-୨୩ ର ପ୍ରଥମ ତ୍ରୈମାସରେ ୬୩ ବିଲିୟନ ଡଲାରରୁ ବଢି ଦ୍ୱିତୀୟ ତ୍ରୈମାସରେ ୮୩.୫ ବିଲିୟନ ଡଲାର ହୋଇଛି। ସୂଚନାଯୋଗ୍ୟ, ଉଚ୍ଚ ବାଣିଜି୍ୟକ କ୍ଷତି ଯୋଗୁ କରେଣ୍ଟ ଆକାଉଣ୍ଟ ଡେଫିସିଟ୍ ବଢିଥାଏ। ଏହା ଅର୍ଥନୀତ ଦୃଷ୍ଟିରୁ ଭଲ ଖବର ନୁହେଁ। ଏହା ଜରିଆରେ ଦେଶର ବାଣିଜ୍ୟ ଆକଳନ କରାଯାଇଥାଏ। ଦେଶରେ ରପ୍ତାନିଠାରୁ ଆମଦାନୀ ଅଧିକ ହେଲେ ସିଏଡି ବଢ଼ିଥାଏ।
