ଗଞ୍ଜାମ,୧୫ା୨(ବିଦ୍ୟାଧର ସାହୁ ): ସମଗ୍ର ରାଜ୍ୟରେ ମହା ଶିବରାତ୍ରି ଜାଗର ଯାତ୍ରା ପାଳିତ ହେଉଥିବା ବେଳେ ଗଞ୍ଜାମରେ ମଧ୍ୟ ଏହି ଜାଗର ଯାତ୍ରା ମହା ଆଡମ୍ବରରେ ପାଳିତ ହେଉଛି । ଶୈବପୀଠ ମଧ୍ୟରୁ ପାଳିବନ୍ଧ ପଞ୍ଚାୟତ କଣ୍ଟିଆଗଡ଼ ନିକଟରେ ଅବସ୍ଥିତ ବଟେଶ୍ୱର, କାଇଁଚପୁର ପଞ୍ଚାୟତ ମାଳି ଜଗନାଥ ପୁର ନିକଟରେ ଅବସ୍ଥିତ ବାବା ଵାଲୀ ଲୋକନାଥ, ହୁମା ପଞ୍ଚାୟତ ବୋରିଗାଁ ବାବା ଝାଡ଼େଶ୍ୱର ମନ୍ଦିରରେ ହଜାର ହଜାର ଭକ୍ତ ଓ ଶ୍ରଦ୍ଧାଳୁଙ୍କ ଭିଡ଼ ଦେଖାଯାଇଛି ।
ସେହିପରି ଖଣ୍ଡେଶ୍ୱର, ବାବା କାଶୀନାଥ, ପୁଡ଼ୁଗେଶ୍ୱର, ମକରେଶ୍ୱର, ସ୍ଵପ୍ନେଶ୍ଵର, ସିକେରେଶ୍ୱର ଆଦି ଶୈବ ପୀଠ ଗୁଡିକରେ ପ୍ରବଳ ଜନସମାଗମ ଦେଖିବାକୁ ମିଳିଛି । ବଟେଶ୍ୱର ମନ୍ଦିରରେ ଆସୁଥିବା ଭକ୍ତଙ୍କ ପାଇଁ ମାଗଣା ପାଳୁଅ ଉଖୁଡା ଭୋଗ ଏବଂ ଵାଲୀ ଲୋକନାଥ ଠାରେ ମାଗଣା ଖେଚୁଡ଼ି ଭୋଗ ଭକ୍ତଙ୍କୁ ବଣ୍ଟନ କରାଯାଉଛି । ଏହି ଉପଲକ୍ଷେ ଛଅ ଖଣ୍ଡ ଗ୍ରାମବାସୀଙ୍କ ଦ୍ୱାରା ପରିଚାଳିତ ବଟେଶ୍ୱର ମନ୍ଦିର ପରିଚାଳନା କମିଟି ପକ୍ଷରୁ ପ୍ରଥମ ଥର ପାଇଁ ସ୍କୁଲ ଛାତ୍ରୀଛାତ୍ରଙ୍କୁ ନେଇ ନୃତ୍ୟ ପ୍ରତିଯୋଗିତା ଅନୁଷ୍ଠିତ ହେବ ବୋଲି କାର୍ଯ୍ୟକାରୀ ସଭାପତି ଶିବ ପ୍ରସାଦ ସ୍ୱାଇଁ ସୂଚନା ଦେଇଛନ୍ତି । ସେହିପରି ବାଲିଲୋକନାଥ, ନୀଳକଣ୍ଠେଶ୍ଵର ପୀଠରେ ଚଳିତ ବର୍ଷ ଭକ୍ତମାନଙ୍କ ପାଇଁ ସାମାଜିକ ଅପେରା ମଞ୍ଚସ୍ତ ହେବ ।
