ରାଞ୍ଚି,୫।୧: ଏବେ କୁଲ କ୍ୟାପଟେନ ମହେନ୍ଦ୍ର ସିଂ ଧୋନିଙ୍କୁ ନେଇ ବଡ ଖବର ସାମ୍ନାକୁ ଆସୁଛି। ସୂଚନାନୁସାରେ, ମହେନ୍ଦ୍ର ସିଂ ଧୋନି ରାଞ୍ଚି କୋର୍ଟରେ ଅପରାଧିକ ମାମଲା ଦାୟର କରିଛନ୍ତି। ସୂଚନାନୁସାରେ, ମହେନ୍ଦ୍ର ସିଂ ଧୋନି ମିହିର ଦିୱାକର ଏବଂ ସୌମ୍ୟା ବିଶ୍ୱାସଙ୍କ ବିରୋଧରେ ଠକେଇ ଅଭିଯୋଗ କରିଛନ୍ତି ଏବଂ ସେମାନଙ୍କ ବିରୋଧରେ କୋର୍ଟରେ ମାମଲା ଦାୟର କରିଛନ୍ତି। ସୂଚନାନୁସାରେ, ଧୋନି ପୂର୍ବତନ ଖେଳାଳି ମିହିର ଦିୱାକର ଏବଂ ସୌମ୍ୟା ବିଶ୍ୱାସଙ୍କ କମ୍ପାନୀ ଅର୍କା ସ୍ପୋର୍ଟସ ମ୍ୟାନେଜମେଣ୍ଟ ଲିମିଟେଡ ବିରୋଧରେ ଠକେଇ ଅଭିଯୋଗ କରି ଏକ ମାମଲା ଦାୟର କରିଛନ୍ତି।
କୁହାଯାଉଛି ଯେ ମହେନ୍ଦ୍ର ସିଂ ଧୋନି ଏବଂ ମିହିର ଦିଓ୍ବାକରଙ୍କ ମଧ୍ୟରେ କ୍ରିକେଟ ଏକାଡେମୀ ଖୋଲିବା ପାଇଁ ଏକ ଚୁକ୍ତି ହୋଇଥିଲା। ସୂଚନା ଅନୁଯାୟୀ, ଧୋନି ଏବଂ ମିହିରଙ୍କ ମଧ୍ୟରେ ଏହି ଚୁକ୍ତିନାମା ୨୦୧୭ରେ ସ୍ବାକ୍ଷରିତ ହୋଇଛି। ସୂଚନାନୁସାରେ, ମିହିର ନିର୍ଦ୍ଦିଷ୍ଟ ସର୍ତ୍ତ ପାଳନ କରିବାରେ ବିଫଳ ହୋଇଥିଲେ। ଏହି କାରଣରୁ ଧୋନି ମିହିରଙ୍କ ବିରୋଧରେ ମାମଲା ଦାୟର କରିଛନ୍ତି।
ଫ୍ରାଞ୍ଚାଇଜ ଫି ଏବଂ ଲାଭ ବାଣ୍ଟିବାରେ ଆର୍କା ସ୍ପୋର୍ଟସ ବିଫଳ ହୋଇଥିଲା। ଧୋନି ୧୫ଅଗଷ୍ଟ ୨୦୨୧ରେ ପ୍ରାଧିକରଣ ପତ୍ର ବା ଅଥରିଟି ଲେଟରକୁ ବାତିଲ କରିଥିଲେ। କୁହାଯାଏ ଯେ ଧୋନିଙ୍କୁ ବାରମ୍ବାର ଆଇନଗତ ନୋଟିସ ପଠାଇବା ପରେ ମଧ୍ୟ ମିହିର ଦିୱାକରଙ୍କଠାରୁ କୌଣସି ପ୍ରତିକ୍ରିୟା ମିଳି ନଥିଲା। ଏହି କାରଣରୁ ଧୋନିଙ୍କୁ ଏହି ପଦକ୍ଷେପ ନେବାକୁ ପଡିଲା। ତେବେ ଚୁକ୍ତିନାମା ଅନୁଯାୟୀ ଧୋନି ୧୭ କୋଟି ଟଙ୍କା କ୍ଷତି ସହିଛନ୍ତି।
ମହେନ୍ଦ୍ର ସିଂ ଧୋନି ଏବଂ ମିହିର ଦିୱାକରଙ୍କ ମଧ୍ୟରେ ଦୀର୍ଘ ଦିନ ଧରି ଭଲ ବନ୍ଧୁତା ରହିଆସିଛି। ସୂଚନା ଅନୁଯାୟୀ, କ୍ରିକେଟ ଏକାଡେମୀ ଖୋଲିବାକୁ ଦୁହେଁ ଏକାଠି ଯୋଜନା କରିଥିଲେ। କିନ୍ତୁ ଧୀରେ ଧୀରେ କିଛି ପ୍ରସଙ୍ଗରେ ଉଭୟଙ୍କ ମଧ୍ୟରେ ବିବାଦ ଖବର ଆସିବାକୁ ଲାଗିଲା, ପରେ ମହେନ୍ଦ୍ର ସିଂ ଧୋନି ଏହି ଅପରାଧିକ ମାମଲା ଦାୟର କରିଥିଲେ।
