ନୂଆଦିଲ୍ଲୀ,୧୭।୭: ବର୍ତ୍ତମାନ ସାରା ବିଶ୍ୱରେ ଇ-କମର୍ସ ସାଇଟଗୁଡିକରେ କ୍ରେଡିଡ୍ କାର୍ଡ ଠକେଇ ବଢୁଥିବାରୁ ଏହାକୁ ନେଇ ଚିନ୍ତା ବଢୁଛି। ବିଶେଷକରି ହ୍ୟାକ୍ ଓ୍ବେବ୍ସାଇଟଗୁଡିକରୁ ଏଭଳି ଠକେଇ ବଢୁଥିବା ସାମ୍ନାକୁ ଆସିଛି। ଅନ୍ଲାଇନ କ୍ରେଡିଡ୍ କାର୍ଡ ସ୍କିମିଂରେ ସାଇବର ଅପରାଧୀମାନେ ଅନ୍ଲାଇନ ଶପିଂ ଓ୍ବେବ୍ସାଇଟରେ ସ୍କିମିଂ କୋଡ୍ ଦେଇ କ୍ରେଡିଟ କାର୍ଡର ସୂଚନା ଚୋରି କରିଥାନ୍ତି। ଗ୍ରାହକ ଦେଉଥିବା ସୂଚନାକୁ ଏମାନେ ଚୋରି କରିନେଇଥାନ୍ତି। ମାଲ୍ଓ୍ବେର ବଢୁଥିବାରୁ ଏହି ଓ୍ବେବସାଇଟଗୁଡିକଠାରୁ ଦୂରେଇ ରହିବା ଲାଗି ସରକାର ଲୋକଙ୍କୁ ସତର୍କ କରାଇଛନ୍ତି। ସରକାରଙ୍କ ସାଇବର ସିକ୍ୟୁରିଟି ଏଜେନ୍ସି ସର୍ଟ-ଇନ୍ ପକ୍ଷରୁ କୁହାଯାଇଛି ଯେ, ବିଶେଷକରି ୭ ହ୍ୟାକ୍ ଓ୍ବେବ୍ସାଇଟରୁ ଏଭଳି ଠକେଇ ମାମଲା ସାମ୍ନାକୁ ଆସିଛି। ଏହି ଓ୍ବେବ୍ସାଇଟଗୁଡିକ ମଧ୍ୟରେ ଆଇଡିପିସିଡିଏନ୍-କ୍ଲାଉଡ ଡଟ୍କମ୍, ଜବଲି ଡଟ୍କମ୍, ହିସ୍କଆର୍କ୍ୟୁ ଡଟ୍ନେଟ, ସିଡିଏନ- ଏକ୍ସଏଚ୍ଆର୍ ଡଟ୍କମ୍, ର଼୍ୟାକ୍ସଏକ୍ସ-ଏଚ୍ଆର ୍ଡଟ୍କମ୍ , ଟିଏଚ୍ଏକ୍ସଆର୍କ୍ୟୁ ଡଟ୍କମ୍, ଏଚ୍ଆଇଭିଏନ୍ଡି ଡଟ୍ନେଟ୍ ଭଳି ସାଇଟ୍ଗୁଡିକ ପ୍ରତି ସତର୍କ ରହିବାକୁ କୁହାଯାଉଛି।
