ନୂଆଦିଲ୍ଲୀ,୫।୧୧: ଛତିଶଗଡ଼ ବିଧାନସଭା ନିର୍ବାଚନ ପୂର୍ବରୁ ମହାଦେବ ବେଟିଂ ଆପ ମାମଲା ସହ ଜଡିତ ଜଣେ ବ୍ୟକ୍ତି ରାଜ୍ୟ ମୁଖ୍ୟମନ୍ତ୍ରୀଙ୍କୁ ଟଙ୍କା ଦେବା ଦାବି ଉପରେ ଭାଜପା ଆକ୍ରମଣାତ୍ମକ ଢଙ୍ଗ ଦେଖାଇଛି।
ଏହି କ୍ରମରେ ରବିବାର ଦିଲ୍ଲୀରେ ଅନୁଷ୍ଠିତ ଭାଜପା ସାମ୍ବାଦିକ ସମ୍ମିଳନୀରେ ଭାଜପା ନେତା ସୁଦର୍ଶନ ତ୍ରିବେଦୀ ଛତିଶଗଡ଼ ମୁଖ୍ୟମନ୍ତ୍ରୀ ଭୁପେଶ ବାଘେଲଙ୍କୁ କଡ଼ା ଟାର୍ଗେଟ କରିଛନ୍ତି। ଦୁର୍ନୀତିର ଅନେକ ପିତା ଅଛନ୍ତି ବା କରପଶନ ହାଜ ମେନି ଫାଦର୍ସ ବୋଲି କହି ସୁଦର୍ଶନ ତ୍ରିବେଦୀ ମୁଖ୍ୟମନ୍ତ୍ରୀ ବାଘେଲଙ୍କୁ ଟାର୍ଗେଟ କରିଛନ୍ତି।
ସୂଚନାଯୋଗ୍ୟ, ପ୍ରବର୍ତ୍ତନ ନିର୍ଦ୍ଦେଶାଳୟ (ଇଡି) ଏହି ମାମଲା ସହ ଜଡିତ ଜଣେ ବ୍ୟକ୍ତିଙ୍କ ବୟାନକୁ ଦର୍ଶାଇ ଦାବି କରିଛି ଯେ ମହାଦେବ ବେଟିଂ ଆପର ପ୍ରମୋଟରମାନେ ଏପର୍ଯ୍ୟନ୍ତ ଛତିଶଗଡ ମୁଖ୍ୟମନ୍ତ୍ରୀ ଭୁପେଶ ବାଘେଲଙ୍କୁ ପ୍ରାୟ ୫୦୮ କୋଟି ଟଙ୍କା ପ୍ରଦାନ କରିଛନ୍ତି ଏବଂ ଏହାକୁ ଯାଞ୍ଚ କରାଯିବା କଥା।
