ଭୁବନେଶ୍ୱର, ୧୩।୫(ବ୍ୟୁରୋ): ବୁଧବାର ସକାଳେ ରାଜ୍ୟରେ ଚିହ୍ନଟ ହୋଇଥିବା ୧୦୧ ଆକ୍ରାନ୍ତଙ୍କ ତଥ୍ୟ ଦେଇଛନ୍ତି ରାଜ୍ୟ ସରକାର। ଆଜି ଚିହ୍ନଟ ଆକ୍ରାନ୍ତଙ୍କ ମଧ୍ୟରୁ ୯୦ଜଣ କ୍ୱାରାଣ୍ଟାଇନ ସେଣ୍ଟରରେ ଥିଲେ। ୮ଜଣ କଣ୍ଟେମେଣ୍ଟ ଜୋନ୍ର ହୋଇଥିବା ବେଳେ ଅନ୍ୟ ୩ ଜଣ ଲୋକାଲ ଲୋକ। ଏ ନେଇ ସ୍ବାସ୍ଥ୍ୟ ଓ ପରିବାର କଲ୍ୟାଣ ବିଭାଗ ପକ୍ଷରୁ ସୂଚନା ମିଳିଛି।
ବାଲେଶ୍ୱରର ୩୩ ଆକ୍ରାନ୍ତଙ୍କ ମଧ୍ୟରୁ ୨୪ଜଣ ସୁରଟ ଫେରନ୍ତା ହୋଇଥିବା ବେଳେ ୩ ପଶ୍ଚିମବଙ୍ଗ, ୨ ବାଙ୍ଗାଲୋର, ଜଣେ କଣ୍ଟେନମେଣ୍ଟ ଜୋନ୍ରୁ ଏବଂ ଅନ୍ୟ ୩ ଜଣ ଲୋକାଲ ଲୋକଥିବା ଜଣାପଡ଼ିଛି। ସେହିପରି ସୁନ୍ଦରଗଡ଼ରୁ ଚିହ୍ନଟ ସମସ୍ତ ୭ ପଜିଟିଭ ରାଉରକେଲା କଣ୍ଟେନମେଣ୍ଟ ଜୋନ୍ର। ସେମାନେ ସମସ୍ତେ ପୂର୍ବ ପଜିଟିଭ ସଂସ୍ପର୍ଶରେ ଆସି ସଂକ୍ରମିତ ହୋଇଛନ୍ତି। ଗଞ୍ଜାମରୁ ୫୨, କେନ୍ଦୁଝରରୁ ୨, ଯାଜପୁରରୁ ୭ ପଜିଟିଭ ଚିହ୍ନଟ। ଯାଜପୁରର ୭ ପଜିଟିଭ ମଧ୍ୟରୁ ୫ ପଶ୍ଚିମବଙ୍ଗ, ୨ ମହାରାଷ୍ଟ୍ର ଫେରନ୍ତା।
