ବାଲେଶ୍ୱର ଅଫିସ,୨୧।୨: ବାଲେଶ୍ୱର ପୌରପାଳିକା ନିର୍ବାଚନ ପାଇଁ ୩୧ଟି ୱାଡର୍ର୍କୁ ନେଇ ସୀମା ନିର୍ଦ୍ଧାରଣ ସାଙ୍ଗକୁ ଆସନ ସରଂକ୍ଷଣ ବ୍ୟବସ୍ଥା ରାଜ୍ୟ ସରକାରଙ୍କ ନଗର ଉନ୍ନୟନ ବିଭାଗ ପକ୍ଷରୁ ଏକପ୍ରକାର ଚୂଡ଼ାନ୍ତ ହୋଇଯାଇଛି। ବିଭାଗୀୟ ପକ୍ଷରୁ ରୋଟେସନ୍ ଏବଂ ଜନସଂଖ୍ୟା ଅନୁପାତରେ କେଉଁ ୱାଡର୍ର୍କୁ ଅଣସଂରକ୍ଷିତ, ମହିଳା, ତଫସିଲଭୁକ୍ତ ଜାତି ଏବଂ ତଫସିଲଭୁକ୍ତ ଉପଜାତି ବର୍ଗଙ୍କ ପାଇଁ ସଂରକ୍ଷଣ ରଖିବେ ସେଥିପାଇଁ ଚିଠା ପ୍ରସ୍ତାବ ଓ ଗାଇଡ୍ ଲାଇନ୍ ପୂର୍ବରୁ ଜାରି କରାଯାଇଥିଲା। ଏପରିକି ଆପତ୍ତି ଉପରେ ମଧ୍ୟ ଶୁଣାଣି ହୋଇସାରିଛି। କିନ୍ତୁ ରୋଟେସନ୍କୁ ନେଇ ପୌରାଞ୍ଚଳର କେତେକ ୱାଡର୍ର୍ରେ ଅନିୟମିତତା ହୋଇଥିବା ଆଲୋଚନା ପଛରେ ହେଭିୱେଟ୍ ନେତାମାନଙ୍କୁ ବାଦ୍ ଦେବାକୁ ଗଡ୍ ଫାଦର ଚକ୍ରାନ୍ତ କରୁଥିବା ଆଲୋଚନା ହେଉଛି।
ପୌରପାଳିକାର ୧, ୨୮ ଓ ୩୧ନଂ. ୱାର୍ଡ ରୋଟେସନ୍ ଫର୍ମୁଲାରେ ନ ପଡ଼ିବା ଘଟଣା ସ୍ଥାନୀୟ ୱାଡର୍ର୍ର ଭୋଟରମାନଙ୍କୁ ଏକପ୍ରକାର ବିସ୍ମିତ କରିଛି। ସେହିପରି ୬ନଂ. ୱାଡର୍ର୍ରେ ସାଧାରଣବର୍ଗ, ବିଶେଷକରି ସଂଖ୍ୟାଲଘୁ ସମ୍ପ୍ରଦାୟର ଭୋଟର୍ ୯୯% ରହୁଥିବା ବେଳେ ଉକ୍ତ ୱାଡର୍ର୍କୁ ତଫସିଲଭୁକ୍ତ ଉପଜାତି ବା ଆଦିବାସୀ ବର୍ଗଙ୍କ ପାଇଁ ସଂରକ୍ଷଣ କରାଯାଇଛି। ଏ ବାବଦରେ ଜିଲାପାଳ, ବିଭାଗୀୟ ଶାସନ ସଚିବ ଏବଂ ନଗର ଉନ୍ନୟନ ବିଭାଗର ମନ୍ତ୍ରୀଙ୍କୁ ବିଭିନ୍ନ ଆପତ୍ତି ଅଭିଯୋଗ କରାଯାଇଥିଲେ ମଧ୍ୟ ଆବେଦନକାରୀଙ୍କ ଆବେଦନ ପ୍ରତି ଗୁରୁତ୍ୱ ଦିଆଯାଇନାହିଁ। କାହା ସ୍ବାର୍ଥ ପାଇଁ ଏପରି ଅନିୟମିତତାକୁ ପ୍ରଶୟ ଦିଆଯାଉଛି ତାହା ଏବେ ସହରରେ ଚର୍ଚ୍ଚାର ବିଷୟ ହୋଇଛି।
କାଉନ୍ସିଲରମାନଙ୍କୁ ଚଞ୍ଚକତା ପୂର୍ବକ ରାସ୍ତାରୁ ହଟାଇ ଦେଲେ ଆଗାମୀ ପୌର ନିର୍ବାଚନ ପରେ ପୁଣି ପୌରପାଳିକାକୁ ନିଜ କବ୍ଜାରେ ରଖିବା ପାଇଁ ଯୋଜନା ପ୍ରସ୍ତୁତ ହୋଇଛି। ଏହି ଯୋଜନାରେ ରାଜ୍ୟର ଜଣେ ହେଭିୱେଟ୍ ନେତାଙ୍କୁ ଗଡ୍ ଫାଦର ବୋଲି ବିବେଚନା କରାଯାଉଛି। କିନ୍ତୁ ଏହି ଯୋଜନାକୁ ହେଭିୱେଟ୍ କାଉନ୍ସିଲରମାନେ ସ୍କାନ୍ କରିସାରିଲେଣି। ଆବଶ୍ୟକ ସ୍ଥଳେ ସମସ୍ତେ ଏକଜୁଟ୍ ହୋଇ ଏହାର ପ୍ରତିବାଦ କରିବେ। ସଫଳ ନ ହେଲେ ସ୍ବାଧୀନ ଭାବେ ନିର୍ବାଚନ ରଣାଙ୍ଗନରେ ପୌରାଧ୍ୟକ୍ଷ ପଦବୀରେ ଲଢ଼େଇ କରିବାର ରଣହୁଙ୍କାର ଦେଉଥିବା ସାଧାରଣରେ ଆଲୋଚନା ହେଉଛି।