ଶିମଲା/ନୂଆଦିଲ୍ଲୀ,୨୮ା୨: ହିମାଚଳ ପ୍ରଦେଶରେ କଂଗ୍ରେସ ସରକାର ଏବେ ବିପଦମୁକ୍ତ ହୋଇଛି। ସୁଖବିନ୍ଦର ସିଂ ସୁଖୁ ସରକାରଙ୍କ ନଗର ଉନ୍ନୟନ ମନ୍ତ୍ରୀ ବିକ୍ରମଦିତ୍ୟ ସିଂ ବୁଧବାର ସକାଳେ ମନ୍ତ୍ରୀ ପଦରୁ ଇସ୍ତଫା ଦେଇଥିଲେ, କିନ୍ତୁ ସନ୍ଧ୍ୟାରେ ଦଳର ନେତା ତଥା ପର୍ଯ୍ୟବେକ୍ଷକଙ୍କ ବୈଠକ ପରେ ସେ ଇସ୍ତଫା ପ୍ରତ୍ୟାହାର କରିବାକୁ ନିଷ୍ପତ୍ତି ନେଇଛନ୍ତି। କଂଗ୍ରେସର କେନ୍ଦ୍ରୀୟ ପର୍ଯ୍ୟବେକ୍ଷକମାନଙ୍କ ସହ ଆଲୋଚନା ପରେ ବୁଧବାର ରାତିରେ ବିକ୍ରମାଦିତ୍ୟ କହିଛନ୍ତି, ସଙ୍ଗଠନକୁ ସୁଦୃଢ଼ କରିବା ପ୍ରତ୍ୟେକ ବ୍ୟକ୍ତିଙ୍କ ଦାୟିତ୍ୱ। ସେ ସକାଳେ ଦେଇଥିବା ଇସ୍ତଫାକୁ ଦଳର ବୃହତ୍ ସ୍ବାର୍ଥ ଓ ଏକତା ଦୃଷ୍ଟିରୁ ମୁଖ୍ୟମନ୍ତ୍ରୀ ସୁଖବିନ୍ଦର ସିଂ ସୁଖୁ ଗ୍ରହଣ କରିନାହାନ୍ତି। ତେଣୁ ସେ ଇସ୍ତଫାପତ୍ର ପ୍ରତ୍ୟାହାର କରିନେଇଥିବା କହିଛନ୍ତି।
ସରକାର ଗଠନର ୧୪ ମାସ ପରେ କଂଗ୍ରେସକୁ ଶକ୍ତ ଧକ୍କା ଲାଗିଥିଲା। ପୂର୍ବତନ ମୁଖ୍ୟମନ୍ତ୍ରୀ ସ୍ବର୍ଗତ ବୀରଭଦ୍ର ସିଂଙ୍କ ପରିବାର। ଏହାର ପରିଣାମ ସ୍ବରୂପ ରାଜ୍ୟ ସଭାର ଏକମାତ୍ର ଆସନ ପାଇଁ ମଙ୍ଗଳବାର ଅନୁଷ୍ଠିତ ନିର୍ବାଚନରେ ଶାସକ କଂଗ୍ରେସକୁ ପରାଜୟର ମୁହଁ ଦେଖିବାକୁ ମିଳିଛି। ଏତିକି ନୁହେଁ, ୬ କଂଗ୍ରେସ ବିଧାୟକଙ୍କ କ୍ରସ୍ ଭୋଟିଂ ଯୋଗୁ ସୁଖୁ ସରକାର ଉପରେ ସଙ୍କଟର ବାଦଲ ଛାଇଯାଇଥିଲା। ସୁଖୁ ସରକାରଙ୍କୁ ସଂଖ୍ୟାଲଘୁ ଦର୍ଶାଇ ଉଭୟ ଶାସକ ଓ ବିରୋଧୀ ଦଳରୁ କ୍ଷମତା ପରିବର୍ତ୍ତନର ସ୍ବର ଉଠାଇଥିଲେ। ଏହି କ୍ରମରେ କଂଗ୍ରେସ ଷ୍ଟଲଓ୍ବାର୍ଟ ବୀରଭଦ୍ର ସିଂଙ୍କ ପୁଅ ବିକ୍ରମାଦିତ୍ୟ ସିଂ (ଶିମଲା ରୁରାଲ) ରାଜ୍ୟ କ୍ୟାବିନେଟ୍ ମନ୍ତ୍ରୀ ପଦରୁ ଇସ୍ତଫା ଦେଇଥିଲେ। ଇତିମଧ୍ୟରେ ବିଧାନସଭା ବାଚସ୍ପତି ବିଶୃଙ୍ଖଳିତ ଆଚରଣ ପାଇଁ ୧୫ ଭାଜପା ବିଧାୟକଙ୍କୁ ଗୃହରୁ ବହିଷ୍କାର କରିଛନ୍ତି। ଶିମଲାରେ ପହଞ୍ଚତ୍ଛନ୍ତି। କଂଗ୍ରେସ ଅଧ୍ୟକ୍ଷ ମଲ୍ଲିକାର୍ଜୁନ ଖାର୍ଗେ ମଧ୍ୟ ଏନେଇ ଓ୍ବ୍ାୟନାଡ୍ ଏମ୍ପି ରାହୁଲ ଗାନ୍ଧୀ ଓ ସାଧାରଣ ସମ୍ପାଦିକା ପ୍ରିୟଙ୍କା ଗାନ୍ଧୀ ଭଦ୍ରାଙ୍କ ସହ ଆଲୋଚନା କରିଛନ୍ତି। ହିମାଚଳର ସ୍ଥିତି ଉପରେ କଂଗ୍ରେସ ଟିମ୍ ଗୁରୁବାର ସନ୍ଧ୍ୟା ସୁଦ୍ଧା ଖାର୍ଗେଙ୍କୁ ରିପୋର୍ଟ ଦେବେ। ଏଆଇସିସି ମୁଖ୍ୟାଳୟରେ ଅନ୍ୟତମ ସାଧାରଣ ସମ୍ପାଦକ ଜୟରାମ ରମେଶ କହିଛନ୍ତି, ୨୦୨୨ ଡିସେମ୍ବରରେ ରାଜ୍ୟବାସୀ କଂଗ୍ରେସକୁ ଦେଇଥିବା ଜନାଦେଶକୁ ସମ୍ମାନ ଜଣାଇବା ଆମର ସର୍ବୋଚ୍ଚ ପ୍ରାଥମିକତା। ତେଣୁ ରାଜ୍ୟର ସ୍ବାର୍ଥ ଦୃଷ୍ଟିରୁ ଉପଯୁକ୍ତ ନିଷ୍ପତ୍ତି ନିଆଯିବ।
