ନୂଆଦିଲ୍ଲୀ,୩ା୧୧: ଜ୍ଞାନବାପି ମସ୍ଜିଦ ପରିସରର ବିଜ୍ଞାନ ଭିତ୍ତିକ ସର୍ଭେ ନଭେମ୍ବର ୧୭ ସୁଦ୍ଧା ଶେଷ କରି ରିପୋର୍ଟ ଦାଖଲ କରିବାକୁ ଉତ୍ତରପ୍ରଦେଶ ବାରାଣସୀର ଏକ ଅଦାଲତ ଭାରତୀୟ ପ୍ରତ୍ନତାତ୍ତ୍ୱିକ ସର୍ବେକ୍ଷଣ ସଂସ୍ଥା (ଏଏସ୍ଆଇ)କୁ ନିର୍ଦ୍ଦେଶ ଦେଇଛନ୍ତି। ସମୟ ବଢ଼ାଇବାକୁ ଏଏସ୍ଆଇ କରିଥିବା ନିବେଦନ ଉପରେ ଜିଲା ଜଜ୍ ଏ.କେ. ବିଶ୍ୱେସ ଉପରୋକ୍ତ ନିର୍ଦ୍ଦେଶନାମା ଜାରି କରିଛନ୍ତି। ସର୍ଭେ ଶେଷ ହୋଇଥିଲେ ମଧ୍ୟ ରିପୋର୍ଟ ପ୍ରସ୍ତୁତ କରି ଦାଖଲ କରିବା ପାଇଁ ସମୟ ଆବଶ୍ୟକ ବୋଲି ଏଏସ୍ଆଇ ଅଦାଲତଙ୍କୁ କହିଥିଲା। ଗତ ମାସ ୫ ତାରିଖରେ ଅଦାଲତ ଏଏସ୍ଆଇର ସର୍ଭେ ସମୟକୁ ୪ ସପ୍ତାହ ବଢ଼ାଇବା ବେଳେ ଆଉ ସମୟ ବଢ଼ାଯିବ ନାହିଁ ବୋଲି କହିଥିଲେ।
