କେସିଙ୍ଗା,୧୩ା୮(ତୁମେଶ୍ୱର ସାହୁ): କଳାହାଣ୍ଡି ଜିଲା କେସିଙ୍ଗା ଏନ୍ଏସିର ୪ ଜଣ କାଉନସିଲର ମୋ’ ବିରୋଧରେ ଅନାସ୍ଥା ଆଣିବାରେ ଚେଷ୍ଟା କରିଥିଲେ। କିନ୍ତୁ ସେଥିରେ ବିଫଳ ହେବାରୁ ମୋ’ ବିରୋଧରେ ଏବଂ ଏନ୍ଏସିର ବିଭିନ୍ନ ଉନ୍ନୟନ କାର୍ଯ୍ୟରେ ବାଧା ସୃଷ୍ଟି କରିବାକୁ ଜିଲାପାଳ ଓ ଭିଜିଲାନ୍ସରେ ଅଭିଯୋଗ କରିଛନ୍ତି। ଏ ନେଇ ଅଧ୍ୟକ୍ଷ ବୁଧବାର ଏକ ଖବରଦାତା ସମ୍ମିଳନୀ ଡାକିଥିଲେ। ଓ୍ବାର୍ଡ ନମ୍ବର ୧ରେ ଉନ୍ନୟନ କାର୍ଯ୍ୟରେ ନିମ୍ନମାନର ଓ ଦୁର୍ନୀତି ହୋଇଛି ବୋଲି ୪ ଜଣ କାଉନସିଲର ଜିଲାପାଳ ଓ ଭିଜିଲାନ୍ସ ବିଭାଗରେ ଅଭିଯୋଗ କରିଥିବାର ଜଣାପଡ଼ିଛି। ବଗାଡ଼ ଗ୍ରାମରେ ୩୫ଲକ୍ଷ ୩୧ହଜାର ୪୬୭ ଟଙ୍କା ବ୍ୟୟ ଅଟକଳରେ ନିର୍ମାଣ ହୋଇଥିବା କଂସେଇ ଖାନା ଓ ମାର୍କେଟ କମ୍ପ୍ଲେକ୍ସର ଶୁଭ ଉଦ୍ଘାଟନ ଚଳିତ ମାସ ଅଗଷ୍ଟ ୩୧ରେ ଏନ୍ଏସିର ସ୍ବାୟତ୍ତ ଶାସନ ଦିବସ ଉପଲକ୍ଷେ ଉଦ୍ଘାଟନ କରିବା ପାଇଁ ଏନ୍ଏସି ପକ୍ଷରୁ ନିଷ୍ପତ୍ତି ହୋଇଛି କିନ୍ତୁ ଏନ୍ଏସିର ୪ ଜଣ କାଉନସିଲର ଓ୍ବାର୍ଡ ନମ୍ବର ୧ର ମଞ୍ଜୁ ସାହୁ, ଓ୍ବାର୍ଡ ନମ୍ବର ୩ର ରୋହିତ ଜୈନ, ଓ୍ବାର୍ଡ ନମ୍ବର ୫ର ମଞ୍ଜୁ ମାଝୀ ଓ ଓ୍ବାର୍ଡନମ୍ବର ୧୧ର କାଉନସିଲର ରାମାକାନ୍ତ ଜେନା ଏହା ନିମ୍ନମାନର ଓ ଦୁର୍ନୀତି କାମ ହୋଇଛି ବୋଲି ଜିଲାପାଳ, ଭିଜିଲାନ୍ସ ଡିଏସ୍ପିଙ୍କ ନିକଟରେ ଅଭିଯୋଗ କରିଛନ୍ତି। କିନ୍ତୁ ଏନ୍ଏସିର ଉକ୍ତ ଉନ୍ନୟନମୂଳକ କାର୍ଯ୍ୟକ୍ରମରେ ଏହି ୪ ଜଣଙ୍କ ସମେତ ପାରିଷଦବର୍ଗ ମଧ୍ୟ କାଉନ୍ସିଲଲ ମିଟିଂରେ ମଞ୍ଜୁରୀ ପାଇଁ ଦସ୍ତଖତ କରିଛନ୍ତି। ଗତ ୨୦୨୨-୨୩ ଆର୍ଥିକ ବର୍ଷରେ ନିର୍ମାଣ ହୋଇଥିବା କଂସେଇ ଖାନା ଓ କମ୍ପ୍ଲେକ୍ସ ଗୃହ ଉଦଘାଟନ ୩୧ ତାରିଖରେ ହେବା ପାଇଁ ନିଷ୍ପତ୍ତି କରାଯାଇଛି। କିନ୍ତୁ ଅଧ୍ୟକ୍ଷଙ୍କ ବିରୋଧରେ ଉକ୍ତ ୪ଜଣ କାଉନସିଲର ଅନାସ୍ଥା ଆଣି ପଦବୀରୁ ହଟାଇବା ପାଇଁ ଚେଷ୍ଟା କରିଥିଲେ। ସେଥିରେ ବିଫଳ ହେବାରୁ ଅଧ୍ୟକ୍ଷଙ୍କୁ ବଦ୍ନାମ କରିବାକୁ ଚେଷ୍ଟା ଲଗେଇଛନ୍ତି। ଏ ସଂକ୍ରାନ୍ତରେ କେସିଙ୍ଗା ଏନ୍ଏସିର ଅଧ୍ୟକ୍ଷ ନୃପରାଜ ଯାଦବଙ୍କୁ ପଚାରିବାରୁ ଏନ୍ଏ୍ସିର ୪ ଜଣ କାଉନସିଲର କରିଥିବା ଅଭିଯୋଗ ସମ୍ପୂର୍ଣ୍ଣ ଭିତ୍ତିହୀନ ତାହାର କୌଣସି ସତ୍ୟତା ନାହିଁ। ୨୦୨୨-୨୩ର କାମ ଯାହା ସମ୍ପୂର୍ଣ୍ଣ ହୋଇ ଆସନ୍ତା ୩୧ ଅଗଷ୍ଟ ୨୦୨୫ରେ ଉଦ୍ଘାଟନ ହେବାକୁ ଯାଉଥିବା ବେଳେ ବର୍ତ୍ତମାନ ଏମାନଙ୍କୁ କାମ ନିମ୍ନମାନର ହୋଇଥିବା ଜଣାପଡ଼ିଛି। ସତ କହିବାକୁ ଗଲେ ଏମାନେ ମୋତେ ଅନାସ୍ଥା ଆଣି ମୋ’ ପଦରୁ ହଟାଇବାକୁ ଚାହୁଁଥିଲେ, କିନ୍ତୁ ଅନ୍ୟ ସମସ୍ତ କାଉନ୍ସିଲର ଏପରିକି ଭାଜପାର କାଉସିଲର ମଧ୍ୟ ମୋତେ ସମର୍ଥନ କରିବାରୁ ଏମାନଙ୍କ ଚକ୍ରାନ୍ତ ବିଫଳ ହୋଇଥିଲା। ତେଣୁ କରି ଏହି ୪ ଜଣ ମୋତେ ବଦନାମ କରିବା ପାଇଁ ବିଭିନ୍ନ ଉନ୍ନତିମୂଳକ କାର୍ଯ୍ୟକୁ ବାଧା ଦେବା ପାଇଁ ବିଭିନ୍ନ ସମୟରେ ଅପଚେଷ୍ଟା କରୁଛନ୍ତି। ସେମାନଙ୍କ ସମସ୍ତ ଅଭିଯୋଗର ଯେକୌଣସି ତଦନ୍ତର ସାମ୍ନା କରିବା ପାଇଁ ମୁଁ ପ୍ରସ୍ତୁତ ଅଛି। କାଉନସିଲରଙ୍କ ଅଭିଯୋଗ ଭିତ୍ତିହୀନ ଓ ତାହାର କୌଣସି ସତ୍ୟତା ନାହିଁ। ଚଳିତ ମାସ ୩୧ରେ ଉଦ୍ଘାଟନ ହେବାକୁ ଥିବା କଂସେଇଖାନା ଓ ମାର୍କେଟ କମ୍ପ୍ଲେନ୍ସକୁ ବିରୋଧ କରି ମୋତେ ବଦନାମ କରିବାକୁ ଚେଷ୍ଟା କରୁଛନ୍ତି ଓ ବିଭିନ୍ନ ଉନ୍ନୟନମୂଳକ କାର୍ଯ୍ୟ କରିବାରେ ବାଧା ସୃଷ୍ଟି କରିବାକୁ ଚେଷ୍ଟା କରୁଛନ୍ତି ଏବଂ ମୁଁ ତଦନ୍ତର ସାମ୍ନା କରିବାକୁ ପ୍ରସ୍ତୁତ ଅଛି ବୋଲି ଅଧ୍ୟକ୍ଷ ପ୍ରକାଶ କରିଥିଲେ।