ନୂଆଦିଲ୍ଲୀ,୯।୩: ଭାରତୀୟ ସେନାର କର୍ପସ ଅଫ ଇଲେକ୍ଟ୍ରୋନିକ୍ସ ଆଣ୍ଡ୍ ମେକାନିକାଲ ଇଞ୍ଜିନିୟର୍ସର କର୍ନେଲ ଗୀତା ରାଣା ଇତିହାସ ସୃଷ୍ଟି କରିଛନ୍ତି। ପୂର୍ବ ଲଦାଖର ଫରଓ୍ବାର୍ଡ ତଥା ଦୁର୍ଗମ ଅଞ୍ଚଳରେ ଫିଲ୍ଡ ଓ୍ବାର୍କଶପ୍ର ଦାୟିତ୍ୱ ସମ୍ଭାଳିବାରେ କର୍ଣ୍ଣେଲ ଗୀତା ରାଣା ପ୍ରଥମ ମହିଳା ଅଧିକାରୀ ହୋଇଛନ୍ତି।
ନିକଟରେ ଭାରତୀୟ ସେନା ମହିଳା ଅଧିକାରୀମାନଙ୍କୁ କମାଣ୍ଡର ଭାବରେ ଦାୟିତ୍ୱ ଗ୍ରହଣ କରିବାକୁ ଅନୁମୋଦନ କରିଛନ୍ତି। ଯାହା ପରେ କର୍ଣ୍ଣେଲ ଗୀତା ଏହି ସଫଳତା ହାସଲ କରିବାରେ ପ୍ରଥମ ମହିଳା ଅଧିକାରୀ ହୋଇଛନ୍ତି। ଚାଇନା ସୀମାରେ ନିୟୋଜିତ ସ୍ବାଧୀନ କ୍ଷେତ୍ର କର୍ମଶାଳାକୁ କର୍ଣ୍ଣେଲ ଗୀତା ନିର୍ଦ୍ଦେଶ ଦେବେ।
ମହିଳା ସେନା ଅଧିକାରୀଙ୍କ ପାଇଁ କର୍ପସ ଅଫ ଇଞ୍ଜିନିୟର୍ସ, ଇଲେକ୍ଟ୍ରୋନିକ୍ସ ଏବଂ ମେକାନିକାଲ ଇଞ୍ଜିନିୟର୍ସ ଏବଂ ଅନ୍ୟାନ୍ୟ ଶାଖାରେ ସ୍ବାଧୀନ ୟୁନିଟକୁ ନିର୍ଦ୍ଦେଶ ଦେବା ପାଇଁ ସେନା ନିକଟରେ ୧୦୮ଟି ପଦବୀ ଖାଲି କରିଛି। ଆଗାମୀ ଦିନରେ ଅନ୍ୟ ମହିଳା ସୈନିକମାନଙ୍କୁ ମଧ୍ୟ ଏହିପରି ନିଯୁକ୍ତି ଦିଆଯାଇପାେ। ମହିଳା ଅଧିକାରୀ ଯେଉଁମାନେ ବୋର୍ଡରୁ ଅନୁମୋଦନ ପାଇବାକୁ ସକ୍ଷମ ହେବେ ସେମାନଙ୍କୁ ମଧ୍ୟ କମାଣ୍ଡ ରୋଲ ଦିଆଯାଇପାରିବ ଏବଂ ଭବିଷ୍ୟତରେ ସେମାନଙ୍କୁ ଉଚ୍ଚ ପଦବୀରେ ନିଯୁକ୍ତି ଦିଆଯିବ।
