ଭୁବନେଶ୍ୱର,୫।୫: ସ୍ବାସ୍ଥ୍ୟସେବା କ୍ଷେତ୍ରରେ ଏକ ୫ଜି କନେକ୍ଟେଡ୍ ଆମ୍ବୁଲାନ୍ସ ନିର୍ମାଣ କରିବା ପାଇଁ ଭାରତୀ ଏୟାରଟେଲ, ଆପୋଲୋ ହସ୍ପିଟାଲ୍ସ ଓ ସିସ୍କୋ ସହ ଏକ ମିଳିତ ସହଭାଗିତା ହୋଇଛି। ଏଭଳି ଏକ ଅତ୍ୟାଧୁନିକ ପ୍ରଦର୍ଶନକୁ ବେଙ୍ଗାଲୁରୁଠାରେ ଦୂରସଞ୍ଚାର ବିଭାଗ ପକ୍ଷରୁ ଏୟାରଟେଲ୍କୁ ଆବଣ୍ଟିତ ୫ଜି ଟ୍ରାଏଲ ସ୍ପେକ୍ଟ୍ରମ ଉପରେ ପରିଚାଳନା କରାଯାଇଥିଲା। ଏହି କଷ୍ଟମ-ଡିଜାଇନ୍ଡ ଷ୍ଟେଟ୍-ଅଫ୍-ଦ-ଆର୍ଟ ୫ଜି କନେକ୍ଟେଡ୍ ଆମ୍ବୁଲାନ୍ସରେ ଅତ୍ୟାଧୁନିକ ମେଡିକାଲ ଉପକରଣ ସାଙ୍ଗକୁ ରୋଗୀ ମନିଟରିଂ ଆପ୍ଲିକେଶନ ଓ ଟେଲିମେଟ୍ରି ଡିଭାଇସ୍ଗୁଡିକ ଏଥିରେ ସୁସଜ୍ଜିତ ଭାବେ ସଂଯୋଗ ରହିଛି। ଏହା ରୋଗୀର ସ୍ବାସ୍ଥ୍ୟ ଡାଟା ବା ତଥ୍ୟକୁ ବାସ୍ତବ ସମୟରେ ହସ୍ପିଟାଲକୁ ସ୍ଥାନାନ୍ତର କରିଥାଏ। ଏହାବ୍ୟତୀତ ଆମ୍ବୁଲାନ୍ସରେ ଅନ୍ବୋର୍ଡ କ୍ୟାମେରା, କ୍ୟାମେରା ଆଧାରିତ ହେଡ୍ଗିୟର ଓ ପାରାମେଡିକ୍ ଷ୍ଟାଫ୍ଙ୍କ ପାଇଁ
ବଡିକ୍ୟାମ୍ ମଧ୍ୟ ଉପଲବ୍ଧ ରହିଛି। ଆମ୍ବୁଲାନ୍ସର ସମସ୍ତ ଅଲ୍ଟ୍ରା-ଫାଷ୍ଟ୍ ଓ ଲୋ-ଲାଟେନ୍ସି ଏୟାରଟେଲ୍ ୫ଜି ନେଟ୍ୱର୍କ ସହ କନେକ୍ଟେଡ୍ ହୋଇ ରହିଛି।
