ଓ୍ବାଶିଂଟନ,୭।୬ : ଇରାନର ବାଲିଷ୍ଟିକ ହାଇପରସୋନିକ ମିଶାଇଲ କାର୍ଯ୍ୟକ୍ରମ ସହ ଜଡିତ ଥିବା ଇରାନ, ଚାଇନା ଏବଂ ହଂକଂର ଗୋଷ୍ଠୀ ତଥା ସଂସ୍ଥା ଉପରେ ଆମେରିକା ପ୍ରତିବନ୍ଧକ ଲଗାଇଛି। ଟ୍ରେଜେରୀ ବିଭାଗ ଅନୁଯାୟୀ, ଇରାନର ହାଇପରସୋନିକ ମିଶାଇଲ ବିକାଶ କାର୍ଯ୍ୟକ୍ରମ ପାଇଁ ଇରାନର ପ୍ରତିରକ୍ଷା ମନ୍ତ୍ରଣାଳୟ ଏବଂ ଏହାର ଅନୁବନ୍ଧିତ ସଂସ୍ଥାଗୁଡ଼ିକୁ ସାତଜଣ ବ୍ୟକ୍ତି ଏବଂ ୬ଟି ସଂସ୍ଥା ସାହାଯ୍ୟ କରିଥିଲେ।
ଇରାନର ପ୍ରତିରକ୍ଷା ମନ୍ତ୍ରଣାଳୟ ସହିତ ଜଡିତ ଏକ ଫାର୍ମରେ ସେଣ୍ଟ୍ରିଫୁଗ ଏବଂ ଅନ୍ୟାନ୍ୟ ସାମଗ୍ରୀ ବିକ୍ରି କରିଥିବା ଅଭିଯୋଗରେ ଚାଇନାର ଫାର୍ମ ଝେଜିଆଙ୍ଗ କ୍ୱିଗଜି ଉପରେ ଆମେରିକା ମଧ୍ୟ ପ୍ରତିବନ୍ଧକ ଲଗାଇଛି। କ୍ୱିଗଜ ଏବଂ ହଂକଂର ଲିଙ୍ଗୋ ପ୍ରୋସେସ ଇଞ୍ଜିନିୟରିଂ ଲିମିଟେଡର କିଛି ଅଧିକାରୀଙ୍କ ଉପରେ ମଧ୍ୟ କଟକଣା ଲାଗୁ କରାଯାଇଛି। ତାଲିକାରେ ମଧ୍ୟ ବେଜିଂରେ ଇରାନର ପ୍ରତିରକ୍ଷା କୂଟନୀତିଜ୍ଞ ଡାୱଡ ଦାମଘାନୀଙ୍କ ନାମ ରହିଛି। ଯିଏ ଇରାନର ଶେଷ ବ୍ୟବହାରକାରୀଙ୍କ ପାଇଁ ଚାଇନାରୁ କ୍ରୟକୁ ସଂଯୋଜନା କରୁଛି।
ଏହି ପ୍ରତିବନ୍ଧକ ସମ୍ପୃକ୍ତ ବ୍ୟକ୍ତି ଏବଂ ସଂସ୍ଥାଗୁଡ଼ିକୁ ଆମେରିକାରେ ରଖାଯାଇଥିବା ସେମାନଙ୍କର କୌଣସି ସମ୍ପତ୍ତି କିମ୍ବା ଆର୍ଥିକ କ୍ଷେତ୍ରକୁ ପ୍ରବେଶକୁ ବାରଣ କରିବ। ଏହା ସହିତ, ଏହି ଲୋକମାନେ ଏବଂ ସଂଗଠନଗୁଡିକ ଆମେରିକୀୟ କମ୍ପାନୀ ଏବଂ ନାଗରିକମାନଙ୍କ ସହିତ ବ୍ୟବସାୟ କରିବାକୁ ସମର୍ଥ ହେବେ ନାହିଁ । ହାଇପରସୋନିକ ମିଶାଇଲ ନିର୍ମାଣ ପାଇଁ ଇରାନର ଦାବି ପରେ ଆମେରିକା ଏହି ପଦକ୍ଷେପ ନେଇଛି।
