ନୂଆଦିଲ୍ଲୀ,୧୮।୭: ଦିଲ୍ଲୀର ଜନ୍ତର-ମନ୍ତରରେ ଶନିବାର ଏକ ଅଭାବନୀୟ ଘଟଣା ଦେଖିବାକୁ ମିଳିଛି। କକରୋଚ ଜନତା ପାର୍ଟି (CJP)ର ପ୍ରତିଷ୍ଠାତା ଅଭିଜିତ ଦୀପକେ ସେଠାରେ ଅନଶନରେ ବସିଥିବା ବେଳେ ଜଣେ ମହିଳା ହଠାତ୍ ତାଙ୍କ ଉପରକୁ କାଳି ଫିଙ୍ଗିଛନ୍ତି। ଏହି ଘଟଣା ପରେ ସେଠାରେ କିଛି ସମୟ ପାଇଁ ଉତ୍ତେଜନା ପ୍ରକାଶ ପାଇଥିଲା।
ପ୍ରତ୍ୟକ୍ଷଦର୍ଶୀଙ୍କ କହିବା ଅନୁସାରେ, ଅଭିଜିତ ଦୀପକେ ମଞ୍ଚ ଉପରୁ ସେଠାରେ ଉପସ୍ଥିତ ଥିବା ଲୋକଙ୍କୁ ସମ୍ବୋଧିତ କରୁଥିଲେ। ଏହି ସମୟରେ ଜଣେ ମହିଳା ହଠାତ୍ ତାଙ୍କ ପାଖକୁ ଆସି ସିଧାସଳଖ ତାଙ୍କ ମୁହଁକୁ କାଳି ଫିଙ୍ଗି ଦେଇଥିଲେ। ଏହି ଘଟଣା ପରେ ଦୀପକେଙ୍କ ସମର୍ଥକ ଏବଂ ସେଠାରେ ଉପସ୍ଥିତ ଥିବା ଲୋକଙ୍କ ମଧ୍ୟରେ ଉତ୍ତେଜନା ପରିସ୍ଥିତି ସୃଷ୍ଟି ହୋଇଥିଲା।
ଘଟଣାସ୍ଥଳରେ ଥିବା ସୁରକ୍ଷାକର୍ମୀ ଏବଂ ସମର୍ଥକମାନେ ତୁରନ୍ତ ସେହି ମହିଳାଙ୍କୁ କାବୁ କରିନେଇଥିଲେ। କାଳିମାଡ଼ ଯୋଗୁ କିଛି ସମୟ ପାଇଁ ସଭାକାର୍ଯ୍ୟ ବାଧାପ୍ରାପ୍ତ ହୋଇଥିଲା। ଏହି ପୂରା ଘଟଣାର ଭିଡିଓ ଏବେ ସୋସିଆଲ ମିଡିଆରେ ବେଶ ଭାଇରାଲ ହେବାରେ ଲାଗିଛି।
Odisha’s No.1 Odia Daily
