ନୂଆଦିଲ୍ଲୀ,୨।୩: ବିଭିନ୍ନ ଗୁରୁତ୍ୱପୂର୍ଣ୍ଣ ମାମଲାର ଶୁଣାଣି କରି ସବୁବେଳେ ଚର୍ଚ୍ଚାରେ ରୁହନ୍ତି ଡି ଓ୍ବାଇ ଚନ୍ଦ୍ରଚୂଡ। ଦେଶର ମୁଖ୍ୟ ବିଚାରପତି ଡି ଓ୍ବାଇ ଚନ୍ଦ୍ରଚୂଡ ଚଳିତ ବର୍ଷ ନଭେମ୍ବରରେ ଅବସର ନେବାକୁ ଯାଉଛନ୍ତି। ୨ବର୍ଷ ସିଜେଆଇ ପଦରେ ବସିବା ପରେ ସେ ମୁଖ୍ୟ ବିଚାରପତି ପଦରୁ ଅବସର ନେବେ। ୨୦୨୨ନଭେମ୍ବରରେ ସେ ପଦାଭାର ସମ୍ଭାଳିଥିଲେ। ତେବେ ଆପଣ ଜାଣନ୍ତି କି ଅବସର ପରେ ସିଜେଆଇଙ୍କୁ କ’ଣ କ’ଣ ସୁବିଧା ମିଳିବ, କେତେ ଟଙ୍କା ପେନଶନ ମିଳିବ। ଆସନ୍ତୁ ଜାଣିବା।
ଚନ୍ଦ୍ରଚୂଡଙ୍କ ସେବା ନିବୃତ ତାରିଖରୁ ଆଗାମୀ ୬ମାସ ଅବଧି ପର୍ଯ୍ୟନ୍ତ ଦିଲ୍ଲୀର ଟାଇପ୍-vii ଘରେ ରହିବେ। ଯେଉଁଠି ତାଙ୍କୁ ଭଡା ଦେବାକୁ ପଡିବ ନାହିଁ। ବର୍ତ୍ତମାନ ବରିଷ୍ଠ ଏମପି ଓ ପୂର୍ବ କେନ୍ଦ୍ରୀୟ ମନ୍ତ୍ରୀଙ୍କୁ ଏହି ଘରେ ରହିବାକୁ ମିଳିଥାଏ। ତେବେ ଚନ୍ଦ୍ରଚୂଡ ଅବସର ନେବା ପରଠାରୁ ସେ ଏହି ଘରେ ରହିବେ। ଚନ୍ଦ୍ରଚୂଡଙ୍କ ସହ ତାଙ୍କ ପରିବାରକୁ କେନ୍ଦ୍ରୀୟ ସିଭିଲ ସର୍ଭିସର କ୍ଲାସ ୧ ଅଫିସର ଓ ବିଭିନ୍ନ ଚିକିତ୍ସା ସୁବିଧା ମଧ୍ୟ ପ୍ରଦାନ କରାଯିବ।
ଅବସର ପରେ ଆଜୀବନ ସେବା ଯୋଗାଇ ଦେବା ପାଇଁ ଜଣେ ଚାକର, ଡ୍ରାଇଭର ଓ ସହାୟକ ମିଳିବ। ଏଥିସହ ଦେଶର ସବୁ ଏୟାରଲାଇନ୍ସରେ ଔପଚାରିକ ଲାଉନ୍ଜ ସୁବିଧା ମଧ୍ୟ ମିଳିବ। ଅବସରର ୫ବର୍ଷ ଯାଏଁ ତାଙ୍କୁ 24×7 Personal Security Guard ମିଳିବ। ଏହା ବ୍ୟତୀତ ତାଙ୍କ ଘରେ ୨୪ଘଣ୍ଟା ସୁରକ୍ଷାକର୍ମୀ ମୁତୟନ ରହିବେ। ମାଗଣା ଟେଲିଫୋନ ସୁବିଧା ସହ ମୋବାଇଲ ଓ ବ୍ରଡବ୍ୟାଣ୍ଡର ସୁବିଧା ପାଇବେ। ମୋବାଇଲ ଡାଟା ପାଇଁ ମାସକୁ ୪୨୦୦ଟଙ୍କା ମିଳିବ। ଏହିସବୁ ଖର୍ଚ୍ଚ ସୁପ୍ରିମକୋର୍ଟ ବହନ କରିବ।
cji dy chandrachud ଙ୍କୁ ବର୍ଷକୁ ୧୬ଲକ୍ଷ ୮୦ହଜାର ଟଙ୍କା ପେନଶନ ମିଳିବ। ଅର୍ଥାତ୍ ମାସକୁ ୧ଲକ୍ଷ ୪୦ହଜାର ଟଙ୍କା ମିଳିବ। ପେନଶନ ବ୍ୟତୀତ ଭତ୍ତା Dearness Allowance ମଧ୍ୟ ମିଳିବ। ଏଥିସହ ଅବସରବେଳେ ୨୦ଲକ୍ଷ ଟଙ୍କାର ଗ୍ରାଚ୍ୟୁଇଟ ମଧ୍ୟ ମିଳିବ।
କିନ୍ତୁ ଆଇନ୍ ମନ୍ତ୍ରଣାଳୟ ଅନୁସାରେ, ସିଜେଆଇ ଅବସର ପରେ ଯଦି ଅନ୍ୟ କୌଣସି ପଦ ଗ୍ରହଣ କରନ୍ତି ତେବେ ସିଜେଆଇ ରୂପେ ମିଳୁଥିବା ସବୁ ସୁବିଧା ଆଉ ମିଳିିବ ନାହିଁ।
