ବେଜିଂ,୪।୨ : ଆଗାମୀ ଦିନରେ ଚାଇନାର ଇଣ୍ଟରନେଟ ଅଫ ଥିଙ୍ଗସ (ଆଇଓଟି) ସମଗ୍ର ବିଶ୍ୱ ପାଇଁ ଏକ ବଡ଼ ବିପଦ ସୃଷ୍ଟି କରିବାରେ। ଏକ ରିପୋର୍ଟ ଅନୁଯାୟୀ, ଜାତୀୟ ସୁରକ୍ଷା ତଥା ଗୁରୁତ୍ୱପୂର୍ଣ୍ଣ ଶିଳ୍ପରେ ଚାଇନାର ଏହି କୌଶଳ ସ୍ମାର୍ଟ ସହରରେ ଗୁପ୍ତଚରୀର ଏକ ମାଧ୍ୟମ ହୋଇପାରେ ବୋଲି ଆଶଙ୍କା କରାଯାଉଛି। କେବଳ ଏତିକି ନୁହେଁ, ଏହାକୁ ହ୍ୟାକରମାନଙ୍କ ଦ୍ୱାରା ମଧ୍ୟ ବ୍ୟବହାର କରାଯିବାର ଆଶଙ୍କା ରହିଛି। ଚାଇନାର ଏହି ଟେକ୍ନୋଲୋଜି ବିଶ୍ୱ ପାଇଁ ଏକ ବଡ଼ ବିପଦ ସୃଷ୍ଟି କରିବ ବୋଲି ବିଶେଷଜ୍ଞ ମତ ଦେଇଛନ୍ତି।
ଇଣ୍ଟରନେଟ ଅଫ ଥିଙ୍ଗସ ହେଉଛି ଟେକ୍ନୋଲୋଜିର ବିକାଶ ଯେଉଁଥିରେ ନେଟୱାର୍କିଂ ମାଧ୍ୟମରେ ଅନେକ ଗ୍ୟାଜେଟ ଏକତ୍ର ଲିଙ୍କ ହେବ। ଇଣ୍ଟରନେଟ ଅଫ ଥିଙ୍ଗସକୁ ଆଇଓଟି ମଧ୍ୟ କୁହାଯାଏ। ଏଥିରେ, ସମସ୍ତ ଗ୍ୟାଜେଟଗୁଡ଼ିକ ଏକତ୍ର ସଂଯୋଗ ହୋଇ ପରସ୍ପର ସହିତ ତଥ୍ୟ ବିନିମୟ କରନ୍ତି, ଯାହା ସମସ୍ତ ଉପକରଣଗୁଡ଼ିକ ମଧ୍ୟରେ ଏକୀକରଣ ଆଣିଥାଏ।
ଇଣ୍ଟରନେଟ ଅଫ ଥିଙ୍ଗସ ଅଧୀନରେ, ସମଗ୍ର ବିଶ୍ୱରେ ଏପରି ସ୍ମାର୍ଟ ସହର ହୋଇପାରେ, ଯେଉଁଥିରେ ସମସ୍ତ ଉପକରଣ ପରସ୍ପର ସହିତ ସଂଯୁକ୍ତ ହେବ। ତଥାପି, ଏହାର ଅପବ୍ୟବହାର ମଧ୍ୟ ସମ୍ଭବ। ଧରାଯାଉ ଜଣେ କବାଟ ଏବଂ କ୍ୟାମେରା ବନ୍ଦ କରି ଏକ ଇଣ୍ଟେଲିଜେନ୍ସ ଲ୍ୟାବକୁ ଯାଇଥାନ୍ତି। କିନ୍ତୁ ଇଣ୍ଟରନେଟ ଅଫ ଥିଙ୍ଗସ୍ ମାଧ୍ୟମରେ ଲ୍ୟାବର କୃତ୍ରିମ ମସ୍ତିଷ୍କ(ଏଆଇ) ଏହି କବାଟ ଏବଂ କ୍ୟାମେରାକୁ ନିୟନ୍ତ୍ରଣ କରିବାରେ ସକ୍ଷମ ହେବ। ବର୍ତ୍ତମାନ ଯଦି ଏହି କୃତ୍ରିମ ମସ୍ତିଷ୍କ ଚାଇନାର ନେଟୱାର୍କ ସହିତ କୌଣସି ପ୍ରକାରେ ସଂଯୁକ୍ତ ହେଲେ ଏହା ଗୁପ୍ତଚରୀର ଏକ ମାଧ୍ୟମ ମଧ୍ୟ ହୋଇପାରିବ।
