ନୂଆଦିଲ୍ଲୀ,୪।୧ : ତିବ୍ଦତର ନିର୍ବାସିତ ସରକାରଙ୍କ ମୁଖ୍ୟ ୟା ସିକିୟୋଙ୍ଗ, ପେନପା ଶେରିଙ୍ଗ ଭାରତ-ତିବ୍ଦତୀୟ ସୀମାରେ ଅନୁପ୍ରବେଶ ପାଇଁ ଚାଇନାକୁ ଦାୟୀ କରିଛନ୍ତି। ସେ କହିଛନ୍ତି, ସୀମାରେ ଥିବା ସମସ୍ତ ଅନୁପ୍ରବେଶ ଏକପାଖିଆ ଏବଂ କେବଳ ଚାଇନା ଦ୍ୱାରା ହିଁ ଦ୍ୱାରା କରାଯାଇଛି। ଶେରିଙ୍ଗ ଉଲ୍ଲେଖ କରିଛନ୍ତି ଯେ ତିବ୍ଦତ ୧୮୨୪ ଚୁକ୍ତିନାମା ସ୍ବାକ୍ଷର କରିଛି, ଯାହା ମ୍ୟାକମୋହନ ଲାଇନରେ ଏହା ଏବଂ ଭାରତ ମଧ୍ୟରେ ସୀମା ସ୍ଥିର କରିଛି। ସେ କହିଛନ୍ତି ଯେ ସେବେଠାରୁ ତୱାଙ୍ଗ ଭାରତର ଏକ ଅବିଚ୍ଛେଦ୍ୟ ଅଙ୍ଗ।
ତୱାଙ୍ଗ ଏବଂ ଲଦାଖରେ ଭାରତୀୟ ଏବଂ ଚାଇନା ସୈନ୍ୟ ବାହିନୀ ମଧ୍ୟରେ ହୋଇଥିବା ସଂଘର୍ଷ ଉପରେ ସେ କହିଛନ୍ତି ଯେ ୧୯୫୯ ପର୍ଯ୍ୟନ୍ତ ଭାରତ ଏବଂ ଚାଇନ ମଧ୍ୟରେ କୌଣସି ସୀମା ନ ଥିଲା, ଏହା ତିବ୍ଦତ ସହିତ ଥିଲା। ସେ କହିଛନ୍ତି ଯେ ଆମେ ୧୯୧୪ ର ଶିମଲା ଚୁକ୍ତିନାମା ସହ ଜଡିତ ଏବଂ ମ୍ୟାକମୋହନ ଲାଇନକୁ ଆଇନଗତ ସୀମା ଭାବରେ ବିବେଚନା କରୁଛୁ। ସେ କହିଛନ୍ତି, ’ଭାରତ ବିରୋଧରେ ଚାଇନାର ଆକ୍ରୋଶ କୌଣସି ଉତ୍ତେଜନା ବିନା ଜାରି ରହିଛି। ଭାରତ ନିଜ ଆଭିମୁଖ୍ୟରେ ଦୃଢ଼ ରହି ଏବଂ ଚାଇନାକୁ ଏକ ଶକ୍ତିଶାଳୀ ବାର୍ତ୍ତା ଦେଉଛି।
ଶେରିଙ୍ଗ କହିଛନ୍ତି ଯେ ଅନେକ ଏସୀୟ ଦେଶ ସହ ଚାଇନା ଦୀର୍ଘ ଦିନ ଧରି ବିବାଦ ଜାରି ରଖିଛି ଏବଂ ଏହାର ସମାଧାନ କରିବାକୁ ଚାହୁଁ ନାହିଁ। ଚାଇନା ଅଭିଯୋଗ କରିଛି ଯେ ଆମେରିକା-ଚାଇନା ସମ୍ପର୍କକୁ ନେଇ ସେମାନଙ୍କୁ ସମାନ ବ୍ୟବହାର କରାଯାଏ ନାହିଁ, କିନ୍ତୁ ଏସିଆର ଅନ୍ୟ ଦେଶମାନଙ୍କ ବିଷୟରେ ଯେତେବେଳେ ପ୍ରଶ୍ନ ଉଠେ ସେତେବେଳେ ସମାନ ବ୍ୟବହାର ପାଇଁ ଦାବି ହୋଇଥାଏ। ସେ କହିଛନ୍ତି, ତାଇୱାନ ଏବଂ ତୱାଙ୍ଗ ଭଳି ପ୍ରସଙ୍ଗକୁ ଗୁରୁତ୍ୱ ପ୍ରଦାନ କରି ନିଜର ବିଫଳତାର ପ୍ରତି ବିଶ୍ୱର ଧ୍ୟାନ ହଟାଇବାକୁ ଚାଇନା ଉଦ୍ୟମ କରୁଛି।
