ପିଲାଙ୍କ ମନୋବଳ ବଢ଼ାଇବାକୁ ପଡ଼ିବ: ଶ୍ରୀରାମ ପଣ୍ଡା

କୋଭିଡ୍‌ ଯୋଗୁ ଅଫ୍‌ଲାଇନ୍‌ ଶିକ୍ଷା ବନ୍ଦ ହେବାରୁ ଅନ୍‌ଲାଇନ୍‌ ଶିକ୍ଷା ପିଲାଙ୍କୁ ଅଳସୁଆ କରିଦେଇଛି । ଗତ ୨ ବର୍ଷରୁ ଊର୍ଦ୍ଧ୍ୱ ସମୟ ହେବ ଶିକ୍ଷାନୁଷ୍ଠାନର ପରିବେଶ, ଶିକ୍ଷକ, ସାଙ୍ଗସାଥୀମାନଙ୍କଠାରୁ ଦୂରେଇ ରହିଥିବା ପିଲାମାନଙ୍କୁ ପୁଣିଥରେ ନିଜ ଶିକ୍ଷାନୁଷ୍ଠାନ ସହିତ ଭଲ ଭାବରେ ଜଡ଼ିତ ହେବାକୁ କିଛି ସମୟ ଲାଗିବ। ଅଫ୍‌ଲାଇନ୍‌ କ୍ଲାସ୍‌ ଏବଂ ଅଫ୍‌ଲାଇନ୍‌ ପରୀକ୍ଷା ନିଶ୍ଚିତ ଭାବରେ ସେମାନଙ୍କ ପାଇଁ ଚ୍ୟାଲେଞ୍ଜିଂ ରହିବ। ତେବେ ଏଭଳି ସମୟରେ ଉଭୟ ଶିକ୍ଷକ, ଅଭିଭାବକ ବିଦ୍ୟାର୍ଥୀଙ୍କ ମନୋବଳ ଦୃଢ଼ କରିବା ପାଇଁ ସେମାନଙ୍କୁ ସହଯୋଗ କରିବା ଆବଶ୍ୟକ ବୋଲି ଧରିତ୍ରୀକୁ ସ୍ବତନ୍ତ୍ର ସାକ୍ଷାତକାର ଦେଇ ଏମ୍‌ଆଇଟିଏସ୍‌ ଗ୍ରୁପ୍‌ ଚିଫ୍‌ ଏକ୍‌ଜିକ୍ୟୁଟିଭ୍‌ ଶ୍ରୀରାମ ପଣ୍ଡା କହିଛନ୍ତି।

ଆପଣଙ୍କ ଶିକ୍ଷାନୁଷ୍ଠାନ ପିଲାଙ୍କ ଆବଶ୍ୟକତାକୁ କିପରି ପୂରଣ କରୁଛି?
ଆମ ଶିକ୍ଷାନୁଷ୍ଠାନ ବିଶେଷକରି ସାଇନ୍ସ ଏଜୁକେଶନ, ଇଞ୍ଜିନିୟରିଂ, ଏଗ୍ରିକଲ୍ଚରାଲ୍‌ ଶିକ୍ଷା ପ୍ରଦାନ କରେ। ଏମ୍‌ଆଇଟିଏସ୍‌ ଗ୍ରୁପ୍‌ର ୪ଟି ଶିକ୍ଷାନୁଷ୍ଠାନ ଅଛି। ସେଗୁଡ଼ିକ ହେଉଛି ମିଟ୍ସ ଇନ୍‌ଷ୍ଟିଚ୍ୟୁଟ୍‌ ଅଫ୍‌ ପ୍ରଫେଶନାଲ୍‌ ଷ୍ଟଡିଜ୍‌, ମଝିଘରିଆଣୀ ଇନ୍‌ଷ୍ଟିଚ୍ୟୁଟ୍‌ ଅଫ୍‌ ଟେକ୍ନୋଲୋଜି ଆଣ୍ଡ୍‌ ସାଇନ୍ସ, ମିଟ୍ସ ସ୍କୁଲ୍‌ ଅଫ୍‌ ଇଞ୍ଜିନିୟରିଂ ଏବଂ ମିଟ୍ସ ସ୍କୁଲ୍‌ ଅଫ୍‌ ବାୟୋଟେକ୍ନୋଲୋଜି। ଆମେ ପିଲାମାନଙ୍କର ଆବଶ୍ୟକତା ପୂରଣ ଦିଗରେ ବିଶେଷ ଧ୍ୟାନ ଦେଇଥାଉ ଏବଂ କମ୍‌ ଖର୍ଚ୍ଚରେ ସେମାନେ ଉତ୍ତମ ଶିକ୍ଷା ପାଇପାରନ୍ତି। ଶିକ୍ଷା ସମାପ୍ତ ପରେ ଅଧିକାଂଶ ଛାତ୍ରୀଛାତ୍ରଙ୍କୁ ଚାକିରି ଆବଶ୍ୟକତା ଥାଏ। ତେଣୁ ଆମେ ଭଲ ଅନୁଷ୍ଠାନରେ ପିଲାମାନଙ୍କର ପ୍ଲେସ୍‌ମେଣ୍ଟ କରାଇବା ଦିଗରେ ପ୍ରୟାସ କରୁ।

ଅନ୍ୟ ଶିକ୍ଷାନୁଷ୍ଠାନଠାରୁ ଆପଣଙ୍କ ଶିକ୍ଷାନୁଷ୍ଠାନର କି ସ୍ବତନ୍ତ୍ରତା ରହିଛି?
ଆମେ ପିଲାମାନଙ୍କୁ ପ୍ରାକ୍ଟିକାଲ୍‌ ଓରିଏଣ୍ଟେଡ୍‌ କରିବାକୁ ଚେଷ୍ଟା କରିଥାଉ, ଯାହା ଫଳରେ ସେମାନେ ନିଜ ଚାକିରି ଜୀବନରେ ଏହାର ସଦୁପଯୋଗ କରିପାରିବେ। ଏହାଛଡ଼ା ଛାତ୍ରୀଛାତ୍ରଙ୍କ ଏକାଡେମିକ୍‌ ଫଳାଫଳ ଉପରେ ମଧ୍ୟ ବିଶେଷ ଗୁରୁତ୍ୱ ଦେଉ। ସେମାନଙ୍କ ଉପସ୍ଥାନ ଏବଂ ପରୀକ୍ଷା ପ୍ରଣାଳୀ ଉପରେ ଜୋର୍‌ ଦେଇଥାଉ। ଏକାଡେମିକ୍‌ ସମ୍ପର୍କିତ ପ୍ରଶିକ୍ଷଣ ସହିତ ସେମାନଙ୍କ ସଫ୍ଟ ସ୍କିଲ୍‌ ବୃଦ୍ଧି ପାଇଁ ଆମେ ତାଲିମ ପ୍ରଦାନ କରୁଛୁ।
ପିଲା ଓ ଅଭିଭାବକମାନେ ଆପଣଙ୍କ ଶିକ୍ଷାନୁଷ୍ଠାନକୁ କାହିଁକି ଚୟନ କରିବାକୁ ଇଚ୍ଛୁକ ହେବେ ବୋଲି ଭାବୁଛନ୍ତି?
ଶିକ୍ଷାନୁଷ୍ଠାନର ମାର୍କେଟିଂ ଦିଗରେ ଆମେ କେବେ ବି ଜୋର୍‌ ଦେଉନାହୁଁ। କିନ୍ତୁ ସର୍ବଦା ପିଲା ଏବଂ ଅଭିଭାବକଙ୍କର ଆମ ଉପରେ ଥିବା ବିଶ୍ୱାସ ବଜାୟ ରଖିବାକୁ ପ୍ରୟାସ କରିଥାଉ। ଗୋଟିଏ ପିଲା ପଢ଼ିବା ପରେ ଯେପରି ଅଭିଭାବକମାନେ ଆମ ଅନୁଷ୍ଠାନଠାରୁ ନିରାଶ ନ ହୋଇ ଅନ୍ୟ ପିଲାକୁ ପଢ଼ାଇବାକୁ ଆଗ୍ରହୀ ହେବେ ଆମେ ସେ ଦିଗରେ ଚେଷ୍ଟା କରୁ। ଏଥିପାଇଁ ପିଲା, ଅଭିଭାବକ ଓ ପୁରାତନ ଛାତ୍ରୀଛାତ୍ର ଆମ ଅନୁଷ୍ଠାନର ଉନ୍ନତି ପ୍ରତି ସତତ ଚେଷ୍ଟିତ।

କୋଭିଡ୍‌ ମହାମାରୀ ସମୟରେ ଆପଣଙ୍କ ଶିକ୍ଷାନୁଷ୍ଠାନ ପିଲାଙ୍କ ସୁବିଧା ପାଇଁ କି କି ପଦକ୍ଷେପ ନେଇଛି?
୨୦୨୦ ମାର୍ଚ୍ଚରେ କୋଭିଡ୍‌ ମହାମାରୀ ଆରମ୍ଭ ହୋଇଥିଲା। ହେଲେ ପିଲାଙ୍କ ସୁବିଧାକୁ ଦୃଷ୍ଟିରେ ରଖି ସଂଯୋଗବଶତଃ ଆମେ ପଢ଼ାଉଥିବା କୋର୍ସଗୁଡ଼ିକ ପାଇଁ ଅନ୍‌ଲାଇନ୍‌ କଣ୍ଟେଣ୍ଟ ବ୍ୟବସ୍ଥା ଆରମ୍ଭ କରିଥିଲୁ। ଏହା ଆମ ପାଇଁ ସୁବିଧା ହୋଇଥିଲା। ଲକ୍‌ଡାଉନ୍‌ ଆରମ୍ଭ ହେବା ପରେ ଆମେ ପିଲାଙ୍କ ଅନ୍‌ଲାଇନ୍‌ ଶିକ୍ଷାଦାନ ଆରମ୍ଭ କରିଦେଇଥିଲୁ। ଶ୍ରେଣୀର ସମସ୍ତ ପିଲା ସବୁ ପ୍ରକାର ପାଠ ବୁଝିବାକୁ ସକ୍ଷମ ହୁଅନ୍ତି ନାହିଁ। ତେବେ ଅନ୍‌ଲାଇନ୍‌ କଣ୍ଟେଣ୍ଟ ଦ୍ୱାରା ଛାତ୍ରୀଛାତ୍ରମାନେ ଯେକୌଣସି ସମୟରେ ତାକୁ ଦେଖିପାରିବେ ଏବଂ ନିଜ ସନ୍ଦେହ ମୋଚନ କରିପାରିବେ।

ଅନ୍‌ଲାଇନ୍‌ ଶିକ୍ଷାର କି କି ସୁବିଧା ଓ ଅସୁବିଧା ରହିଛି?
ଅନ୍‌ଲାଇନ୍‌ ଶିକ୍ଷା ବ୍ୟବସ୍ଥା ନ ଥିଲେ ଦୁଇବର୍ଷ ଧରି ପିଲାମାନେ ପାଠପଢ଼ାରୁ ଦୂରରେ ଥାଆନ୍ତେ। ତେବେ ଅନ୍‌ଲାଇନ୍‌ରେ କିପରି ଶିକ୍ଷାଦାନ କଲେ କିମ୍ବା କିଭଳି କଣ୍ଟେଣ୍ଟ୍‌ ଡେଭେଲପ୍‌ ହେଲେ ପିଲାମାନେ ସହଜରେ ବୁଝିପାରିବେ ସେ ଦିଗରେ ଆମକୁ ଚେଷ୍ଟା କରିବାକୁ ପଡ଼ିବ। କେତେଜଣ ପିଲା ଇନ୍‌ଟ୍ରୋଭର୍ଟ ଥାଆନ୍ତି ଏବଂ ସେମାନେ ଶ୍ରେଣୀରେ ପ୍ରଶ୍ନ କରିବାକୁ ଇଚ୍ଛାପ୍ରକାଶ କରନ୍ତି ନାହିଁ। କିନ୍ତୁ ସେମାନେ ଜାଣିବାକୁ ଆଗ୍ରହୀ ଥାଆନ୍ତି। ସେଭଳି ପିଲାଙ୍କ ପାଇଁ ଅନ୍‌ଲାଇନ୍‌ ଶିକ୍ଷା ବେଶି ଲାଭଦାୟକ। ଏହାଛଡା ପିଲାମାନେ ନିଜେ ବିଷୟଗୁଡିକର ରିଭିଜନ୍‌ ମଧ୍ୟ କରିପାରିବେ। କିନ୍ତୁ ଅନ୍‌ଲାଇନ୍‌ ଦ୍ୱାରା ସେମାନେ ଅଳସୁଆ ହୋଇଯାଇଛନ୍ତି। ନିଜ ସାମାଜିକ ସମ୍ପର୍କଠାରୁ ଦୂରେଇ ଯାଇଛନ୍ତି। ପିଲାମାନେ ଶ୍ରେଣୀ ଶିକ୍ଷା ଦ୍ୱାରା ସାଙ୍ଗସାଥୀ, ଶିକ୍ଷକ ଏବଂ ବିଦ୍ୟାଳୟ ପରିବେଶରୁ ଯାହା ଶିକ୍ଷାଲାଭ କରନ୍ତି, ତାହା ସାରା ଜୀବନ ସେମାନଙ୍କ କାମରେ ଆସେ। ତେଣୁ ଏଠାରେ କୁହାଯାଇପାରେ, ‘ବ୍ଲାକ୍‌ବୋର୍ଡ ଶିକ୍ଷାର ବିକଳ୍ପ ନାହିଁ, କିନ୍ତୁ ଅନ୍‌ଲାଇନ୍‌ ଶିକ୍ଷା ହେଉଛି ତାହାର ଏକ ଉତ୍ତମ ବିକଳ୍ପ’।
ପ୍ରାୟ ଦୁଇବର୍ଷ ପରେ ଏବେ ଶିକ୍ଷାନୁଷ୍ଠାନ ଖୋଲିଛି? ପିଲାମାନେ ଅଫଲାଇନ୍‌ ଶିକ୍ଷା ପଦ୍ଧତିକୁ ସହଜରେ ଗ୍ରହଣ

କରିପାରିବେ ବୋଲି ଭାବୁଛନ୍ତି କି?
ଗତ ଦୁଇବର୍ଷ ଧରି ପିଲାମାନେ ଅନ୍‌ଲାଇନ୍‌ ଶିକ୍ଷା ସହିତ ଜଡ଼ିତ ଥିଲେ। ତେଣୁ ପୁଣିଥରେ ଶ୍ରେଣୀ ଶିକ୍ଷାକୁ ଫେରିବା ଏବଂ ବିଦ୍ୟାଳୟ ସହିତ ପୁନଃ ଜଡ଼ିତ ହେବା ସେମାନଙ୍କ ପାଇଁ ଚ୍ୟାଲେଞ୍ଜ ରହିବ। ସେମାନେ ଅତି ସହଜରେ ଅଭିଭାବକଙ୍କ ସହାୟତା ନେଇ ଅନ୍‌ଲାଇନ୍‌ ପରୀକ୍ଷା ଦେଇପାରୁଥିଲେ। ଅଫ୍‌ଲାଇନ୍‌ ପରୀକ୍ଷା ମଧ୍ୟ ସେମାନଙ୍କୁ ବିଶେଷ ଅସୁବିଧାରେ ପକାଇବ। ସବୁକିଛି ପୂର୍ବ ଭଳି ହେବାକୁ ସମୟ ଲାଗିବ ଏବଂ ଏହି ସମୟରେ ପିଲାଙ୍କୁ ଶିକ୍ଷକ ଏବଂ ଅଭିଭାବକମାନେ ପ୍ରେରଣା ଦେବା ଦରକାର।


Enter your email to get our daily news in your inbox.

All Right Reserved By Dharitri.Com

ଦୁଇ ଦିନ୍‌ ଉତାରୁ ନୂଅଁ।ଖାଇ:ଘର ସଜାବାରେ ସଭେ ବାଇ

ଘଣ୍ଟାପଡା, ୩୧।୮ (ଡି.ଏନ୍‌.ଏ.): ଦୁଇ ଦିନ୍‌ ଉତାରୁ ଗଁାଗଁଲିରୁ ସହର ତକ୍‌ ସବୁନେ ଜାକ୍‌ଜମକରେ ପାଲନ ହେବା ପଶ୍ଚିମ ଓଡ଼ିଶାର ସିଘା ପରବ୍‌ ନୂଅଁାଖାଇ। ସେଥିରଲାଗି...

ଖୋର୍ଦ୍ଧାରେ ଏନ୍‌କାଉଣ୍ଟର : ୨ ଅପରାଧୀ ଗୁରୁତର

ଖୋର୍ଦ୍ଧା ଅଫିସ/ବେଗୁନିଆ,୧୮ା୫ (ଡି.ଏନ.ଏ.): ଖୋର୍ଦ୍ଧା ଜିଲା ପୋଲିସ ପକ୍ଷରୁ ବେଗୁନିଆ ଥାନା ଅନ୍ତର୍ଗତ ତାଳଚୁଆ ପାହାଡ଼ ନିକଟରେ ଶନିବାର ପୋଲିସ ଏବଂ ଅପରାଧୀଙ୍କ ମଧ୍ୟରେ ଗୁଳି...

ବରଗଡ଼ ଧନୁଯାତ୍ରା: କଂସ ଚୟନକୁ ନେଇ ଉଠିଲା ବିରୋଧର ସ୍ବର, ଜିଲାପାଳଙ୍କୁ ସ୍ମାରକପତ୍ର ପ୍ରଦାନ

ବରଗ ଅଫିସ,୫।୧୧- ବୃହତ ମୁକ୍ତାକାଶ ରଙ୍ଗମଞ୍ଚ ବରଗଡ଼ ଧନୁଯାତ୍ରା ମହୋତ୍ସବ ଆସନ୍ତା ଡିସେମ୍ବର ୩୧ ତାରିଖରୁ ଆରମ୍ଭ ହୋଇ ୨୦୨୦ ଜାନୁଆରୀ ୧୦ ପର୍ଯ୍ୟନ୍ତ ଚାଲିବ।...

ବନ୍ୟପ୍ରାଣୀ ସଂରକ୍ଷଣ ଆଇନ: ସଂଶୋଧନ ପାଇଁ କେନ୍ଦ୍ର ତରବର

ନୂଆଦିଲ୍ଲୀ/ଭୁବନେଶ୍ୱର,୧୩ା୨(ବ୍ୟୁରୋ): ଗତବର୍ଷ ଭାରତ ସରକାର ଲୋକଙ୍କ ପରାମର୍ଶ ନ ନେଇ ପାର୍ଲାମେଣ୍ଟରେ ଦୁଇଟି ବିଲ୍‌ ଆଗତ କରିଥିଲେ। ଜୈବିକ ଉତ୍ସଗୁଡ଼ିକୁ ନିୟନ୍ତ୍ରଣ କରୁଥିବା ଜୈବ ବିବିଧତା...

ଆସନ୍ତାକାଲି ୩ ଜିଲାରେ ଅତିପ୍ରବଳ ବର୍ଷା

ଭୁବନେଶ୍ୱର, ୫।୭(ବ୍ୟୁରୋ)- ସାରା ରାଜ୍ୟରେ ମୌସୁମୀବାୟୁ ସକ୍ରିୟ ରହିଛି। ଉତ୍ତର-ପଶ୍ଚିମ ବଙ୍ଗୋପସାଗର ଆଖପାଖରେ ଏକ ଲଘୁଚାପ କେନ୍ଦ୍ର ସୃଷ୍ଟି ହୋଇଛି। ଏହା ପ୍ରଭାବରେ ୯ ତାରିଖ...

ପର ଘର ପ୍ରତିବନ୍ଧକ

ବଇଣ୍ଡା,୧୨ା୧୨: ମା’ ପେଟରେ ଥିବା ପିଲାଟି ଯେପରି ଅପପୁଷ୍ଟିର ଶିକାର ନ ହେବ ଏବଂ ଏକ ସୁରକ୍ଷିତ ଭବିଷ୍ୟତ ଦିଗରେ ଅଗ୍ରସର ହେବ ସେଥିପାଇଁ ଅଙ୍ଗନଓ୍ବାଡି...

ମୟୂରଭଞ୍ଜକୁ ଛୁଇଁଲା କରୋନା: ଜିଲାରେ ୩ ପଜିଟିଭ୍‌ ଚିହ୍ନଟ

ଭୁବନେଶ୍ୱର,୭।୫(ବ୍ୟୁରୋ): ମୟୂରଭଞ୍ଜକୁ ଛୁଇଁଲା କରୋନା। ପ୍ରଥମ ଥର ପାଇଁ ଗୁରୁବାର ଜିଲାରେ ୩ଜଣ କରୋନା ପଜିଟିଭ୍‌ ଚିହ୍ନଟ ହୋଇଛନ୍ତି। ଏହାକୁ ମିଶାଇ ଏବେ ରାଜ୍ୟର ୧୮...

ନିର୍ମାଣ ନ ସରୁଣୁ ଫାଟିଲା କଂକ୍ରିଟ୍‌

ରୂପ୍‌ସା, ୧୩।୧୨(ଡି.ଏନ.ଏ.)-ବାଲେଶ୍ୱର ସଦର ବ୍ଲକ ୬୦ନଂ. ଜାତୀୟ ରାଜପଥରୁ ମୟୂରଭଞ୍ଜର ୧୮ନଂ. ଜାତୀୟ ରାଜପଥର ବୈଶିଙ୍ଗାକୁ ସଂଯୋଗ ହୋଇଥିବା ରାସ୍ତା ଅତ୍ୟନ୍ତ ଗୁରୁତ୍ୱପୂର୍ଣ୍ଣ। ଗମନାଗମନ କ୍ଷେତ୍ରରେ...

Advertisement
Archives

Model This Week