ଭୁବନେଶ୍ୱର,୧୫।୭: ଦେଶର ପ୍ରମୁଖ ଅଟୋମୋବାଇଲ କମ୍ପାନୀ ତଥା ବଜାଜ ଅଟୋର ପ୍ରିମିୟମ ବ୍ରାଣ୍ଡ୍ ଚେତକର ଏକ୍ସପେରିଏନ୍ସ ସେଣ୍ଟର ଶୁକ୍ରବାର ଭୁବନେଶ୍ୱର ରସୁଲଗଡ଼ ଛକ ନିକଟରେ ଉଦ୍ଘାଟିତ ହୋଇଯାଇଛି। ଏପରିକି ବଜାଜ ଅଟୋର ସ୍ବୀକୃତିପ୍ରାପ୍ତ ଚେତକ ଡିଲର ସନ୍ଥାଲିଆ ମୋର୍ଟସ ଆନୁକୂଲ୍ୟରେ ଉଭୟ ଚେତକ ଏକ୍ସପେରିଏନ୍ସ ସେଣ୍ଟର ଆଣ୍ଡ ଏକ୍ସକ୍ଲୁସିଭ ଶୋ’ରୁମ୍ର ଶୁଭାରମ୍ଭ କରାଯାଇଛି। ଏହି ଅବସରରେ ସନ୍ଥାଲିଆ ମୋଟର୍ସର ଏମ୍ଡି ସୌରଭ ଅଗ୍ରଓ୍ବାଲ ସମ୍ମାନିତ ଅତିଥି ଭାବେ ଯୋଗ ଦେଇ ଏହାର ଉଦ୍ଘାଟନ କରିଥିଲେ। ଚେତକ ଟେକ୍ନୋଲୋଜି ଲିମିଟେଡ୍ର ଏଏସ୍ଏମ୍ (ସେଲ୍ସ ଆଣ୍ଡ ସର୍ଭିସ୍) ଗୋପାଳ ଶ୍ରୀବାସ୍ତବଙ୍କ ସମେତ ଉଭୟ ଚେତକ ଓ ସନ୍ଥାଲିଆ ମୋଟର୍ସର ବହୁ ବରିଷ୍ଠ ଅଧିକାରୀ ଓ ଅନ୍ୟମାନେ ଉପସ୍ଥିତ ଥିଲେ। ବିଶେଷକରି ଉକ୍ତ ସେଣ୍ଟର ଓ ଶୋ’ରୁମ୍ ଜରିଆରେ ଗ୍ରାହକମାନେ ଚେତକର ବିଭିନ୍ନ ଭାରିଆଣ୍ଟର ଇ ସ୍କୁଟର ଓ ଅନ୍ୟ ସୁବିଧା ଓ ସେବା ପାଇପାରିବେ। ସନ୍ଥାଲିଆ ମୋଟର୍ସର ଏମ୍ଡି ଅଗ୍ରଓ୍ବାଲ କହିଛନ୍ତି, ଗତ କିଛି ମାସ ମଧ୍ୟରେ ଚେତକର ଚାହିଦା ଓ ଗ୍ରାହକଙ୍କ ଆବଶ୍ୟକତାକୁ ନଜରରେ ରଖି ଆମେ ଏହି ଏକ୍ସପେରିଏନ୍ସ ସେଣ୍ଟର ସହ ଏକ୍ସକ୍ଲୁସିଭ ଶୋ’ରୁମ୍ର ଶୁଭାରମ୍ଭ କରିଛୁ। ଏହା ଜରିଆରେ ଓଡ଼ିଶାର ଗ୍ରାହକଙ୍କ ଆବଶ୍ୟକତା ପୂରଣ ସହ ବିକ୍ରି ପରବର୍ତ୍ତୀ ସେବା ଯୋଗାଇଦେବୁ ବୋଲି ଅଗ୍ରଓ୍ବାଲ ମତପ୍ରକାଶ କରିଛନ୍ତି।
