ବେଙ୍ଗାଲୁରୁ,୪ା୧୧: ରେଣୁକାସ୍ବାମୀ ହତ୍ୟା ମାମଲାରେ ବେଙ୍ଗାଲୁରୁର ୬୪ତମ ସେସନ୍ସ କୋର୍ଟ ସୋମବାର କନ୍ନଡ଼ ଅଭିନେତା ଦର୍ଶନ ଓ ଅଭିନେତ୍ରୀ ପବିତ୍ରା ଗୌଡ଼ାଙ୍କ ସମେତ ୧୭ ଜଣଙ୍କ ବିରୋଧରେ ଚାର୍ଜଫ୍ରେମ୍ କରିଛନ୍ତି। ହତ୍ୟା, ଆପରାଧିକ ଷଡ଼ଯନ୍ତ୍ର, ଅପହରଣ ଏବଂ ବେଆଇନ ଭାବେ ଏକାଠି ହେବା ଆଦି ଅଭିଯୋଗରେ ସେମାନଙ୍କୁ ଆନୁଷ୍ଠାନିକ ଭାବେ ଅଭିଯୁକ୍ତ କରାଯାଇଛି। ଅଭିଯୁକ୍ତମାନେ ନିଜକୁ ନିର୍ଦ୍ଦୋଷ ବୋଲି କହୁଥିବାବେଳେ ଆସନ୍ତା ୧୦ରୁ ଶୁଣାଣି ଆରମ୍ଭ ହେବ। ଦର୍ଶନଙ୍କ ପ୍ରଶଂସକ ଚିତ୍ରଦୁର୍ଗ ଅଞ୍ଚଳର ରେଣୁକାସ୍ବାମୀ(୩୩)ଙ୍କ ମୃତଦେହ ୨୦୨୪ ଜୁନ୍ ୯ରେ ଏକ ଡ୍ରେନ୍ ନିକଟରୁ ମିଳିଥିଲା। ଦର୍ଶନଙ୍କ ସହଯୋଗୀ ପବିତ୍ରା ଗୌଡ଼ାଙ୍କୁ ରେଣୁକାସ୍ବାମୀ ଅପମାନଜନକ ବାର୍ତ୍ତା ପଠାଇଥିଲେ। ଏହି ଘଟଣାରେ ତାଙ୍କୁ ଅପହରଣ କରାଯାଇ ନିର୍ଯାତନା ଦିଆଯିବାରୁ ମୃତ୍ୟୁ ଘଟିଥିବା ଅଭିଯୋଗ ହୋଇଥିଲା।
Dharitri – The Largest & Most Trusted Odia Daily
