ଚଣ୍ଡିଗଡ,୧୯।୪: ଶିରୋମଣି ଅକାଳୀ ଦଳର ବରିଷ୍ଠ ନେତା ତଥା ପଞ୍ଜାବ ବିଧାନସଭାର ପୂର୍ବତନ ଅଧ୍ୟକ୍ଷ ଚରଣଜିତ୍ ସଂ ଅଟଓ୍ବାଲା ବୁଧବାର ଦଳର ପ୍ରାଥମିକ ସଦସ୍ୟତାରୁ ଇସ୍ତଫା ଦେଇଛନ୍ତି। କିଛି ଦିନ ପୂର୍ବରୁ ତାଙ୍କ ପୁଅ ଇନ୍ଦର ଇକବାଲ ଅଟୱାଲ ଭାଜପାରେ ଯୋଗ ଦେଇଥିଲେ। ତେବେ ଅକାଳୀ ଦଳ ଛାଡି ଭାଜପାରେ ମିଶିବା ପରେ ଜଳନ୍ଦର ଲୋକ ସଭା ଉପ-ନିର୍ବାଚନ ପାଇଁ ଭାଜପା ଇନ୍ଦର ଇକବାଲ ସିଂ ଅଟୱାଲଙ୍କୁ ପ୍ରାର୍ଥୀ କରିଛି।
ଚରଣଜିତ୍ ସିଂ ଅଟୱାଲ ୨୦୦୪ରୁ ୨୦୦୯ ପର୍ଯ୍ୟନ୍ତ ଲୋକ ସଭାର ଉପବାଚସ୍ପତି ଥିଲେ। ଏଥିସହ ତାଙ୍କୁ ପଞ୍ଜାବର ପୂର୍ବତନ ମୁଖ୍ୟମନ୍ତ୍ରୀ ପ୍ରକାଶ ସିଂ ବାଦଲଙ୍କ ପାଖ ଲୋକ ବୋଲି କୁହାଯାଏ। ପୁଅ ଇନ୍ଦର ଇକବାଲ ସିଂ ଏବଂ ପରିବାରର ଅନ୍ୟ ସଦସ୍ୟମାନେ ଭାଜପାରେ ଯୋଗ ଦେବା ପରେ ଚରଣଜିତ୍ ସିଂ ଦଳ ଛାଡିଥିବା କହିଛନ୍ତି।
