ନୂଆଦିଲ୍ଲୀ,୨।୮: ଦେଶର ଅଣୁ,କ୍ଷୁଦ୍ର ଏବଂ ମଧ୍ୟମ ଉଦ୍ୟୋଗ(ଏମ୍ଏସ୍ଏମ୍ଇ)ଗୁଡିକ ଲାଗି ସରକାର ଘୋଷଣା କରିଥିବା ୩ ଲକ୍ଷ କୋଟିର ଋଣ ଗ୍ୟାରେଣ୍ଟି ଯୋଜନାରେ କିଛିଟା ପରିବର୍ତ୍ତନ କରିଛନ୍ତି। ନିୟମରେ ପରିବର୍ତ୍ତନ ପରେ ସୀମାକୁ ବଢାଯିବା ସହ ୫୦ କୋଟି ଟଙ୍କା ପର୍ଯ୍ୟନ୍ତ ଋଣ ବକେୟା ରଖିଥିବା କମ୍ପାନୀଗୁଡିକ ଏହାର ପରିସରଭୁକ୍ତ କରାଯାଇଛି। ଏହା ପୂର୍ବରୁ ୨୫ କୋଟି ଟଙ୍କା ରହିଥିଲା। ଯେଉଁ କମ୍ପାନୀଗୁଡିକ ୨୫ କୋଟି ଟଙ୍କା ଋଣ ନେଇଥିଲେ ସେମାନଙ୍କୁ ସରକାର ଋଣରେ ଗ୍ୟାରେଣ୍ଟି ଦେଉଥିଲେ। ଏହା ବାଦ୍ ଯୋଜନା ମଧ୍ୟରେ ବ୍ୟବହାରିକ ଉଦ୍ଦେଶ୍ୟ ଲାଗି ଡାକ୍ତର, ଓକିଲ ଏବଂ ଚାର୍ଟାର୍ଡ ଆକାଉଣ୍ଟାଣ୍ଟଙ୍କୁ ପ୍ରଦାନ କରାଯାଇଥିବା ବ୍ୟକ୍ତିଗତ ଋଣକୁ ଏହାର ପରିସରଭୁକ୍ତ କରାଯାଇଥିବା ଜଣାପଡିଛି। ବ୍ୟବସାୟିକ ଉଦ୍ଦେଶ୍ୟ ଲାଗି ଦିଆଯାଉଥିବା ବ୍ୟକ୍ତିଗତ ଋଣକୁ ଏହାର ପରିସରଭୁକ୍ତ କରାଯାଉଥିବା ଅର୍ଥମନ୍ତ୍ରୀ ନିର୍ମଳା ସୀତାରାମନ କହିଛନ୍ତି। ନୂଆପଦକ୍ଷେପ ଦ୍ୱାରା ଅଧିକ କମ୍ପାନୀ ଋଣ ଗ୍ୟାରେଣ୍ଟି ଯୋଜନାର ଲାଭ ଉଠାଇ ପାରିବେ ବୋଲି ଆର୍ଥତ୍କ ସେବା ସଚିବ ଦେବାଶିଷ ପଣ୍ଡା କହିଛନ୍ତି।
