ମୁମ୍ବାଇ,୨୫।୪: ମହାରାଷ୍ଟ୍ର ଭାରତୀୟ ଜନତା ପାର୍ଟି(ଭାଜପା)ର ଅଧ୍ୟକ୍ଷ ଚନ୍ଦ୍ରଶେଖର ବାଓ୍ବନକୁଲେ କହିଛନ୍ତି, ଭାଜପା କର୍ମୀ ଚାହୁଁଛନ୍ତି କି ଦେବେନ୍ଦ୍ର ଫଡନବିଶ ମୁଖ୍ୟମନ୍ତ୍ରୀ ହେବା ଦରକାର। ହେଲେ ଆଜିର ସତ୍ୟତା ହେଉଛି, କି ଆଜି ଏକନାଥ ଶିନ୍ଦେ ରହିଛନ୍ତି ଓ ସେ ଆମର ନେତା ଅଟନ୍ତି।
ଇତି ମଧ୍ୟରେ ନାଗପୁରରେ ଫଡନବିଶଙ୍କୁ ଭାବି ମୁଖ୍ୟମନ୍ତ୍ରୀ କହି ପୋଷ୍ଟର ଲଗାଯାଇଛି। ସୂଚନାଯୋଗ୍ୟ, ଏବେ ଦେବେନ୍ଦ୍ର ଫଡନବିଶ ମହାରାଷ୍ଟ୍ରର ଉପ ମୁଖ୍ୟମନ୍ତ୍ରୀ ଅଛନ୍ତି। ଭାଜପା ଅଧ୍ୟକ୍ଷଙ୍କ ବୟାନ ଏମିତି ସମୟରେ ଆସିଛି ଯେତେବେଳେ ଏନସିପି ନେତା ଅଜିତ ପାଓ୍ବାରଙ୍କୁ ନେଇ ବିଭିନ୍ନ ପ୍ରକାର କଳ୍ପନା କରାଯାଉଛି। ଏବେ ଭାଜପା ଅଧ୍ୟକ୍ଷଙ୍କ ବୟାନକୁ ନେଇ ପୁଣି ରାଜନୀତି ସରଗରମ ହୋଇପାରେ ବୋଲି କୁହାଯାଉଛି।
