ମନୁଷ୍ୟ ଜୀବନକୁ ସରଳ କରିବାକୁ ନେଇ ‘ଚାଣକ୍ୟ ନୀତି’ଅନେକ ପ୍ରସଙ୍ଗ ବିଷୟରେ ବର୍ଣ୍ଣନା କରାଯାଇଛି। ଏହି କାରଣରୁ ଆଜି ବି ଲୋକେ ଏହାକୁ ଅଧ୍ୟୟନ କରିବା ସହ ଦିଆଯାଇଥିବା ପରାମର୍ଶ ଏବଂ ପ୍ରତିକାରକୁ ନିଜ ଜୀବନରେ କାର୍ଯ୍ୟକାରୀ କରିଥାନ୍ତି। ଏହି କ୍ରମରେ ଯେକୌଣସି ବ୍ୟକ୍ତି ଅଫିସ ଏବଂ ବ୍ୟବସାୟରେ ସଫଳତା ହାସଲ କରିବାକୁ ନେଇ ଚାଣକ୍ୟ ଚାରୋଟି ମୂଳମନ୍ତ୍ର ଦେଇଛନ୍ତି। ଆସନ୍ତୁ ଜାଣିବା:
-ଚାଣକ୍ୟ କୁହନ୍ତି ସଫଳତା ପାଇବାର ପ୍ରଥମ ମୂଳମନ୍ତ୍ର ହେଲା କେବେ ବି ଅସଫଳତାକୁ ନେଇ ଭୟଭୀତ ନ ହେବା। ଯଦି କେହି ଗୋଟିଏ କାମ ଆରମ୍ଭ କରୁଛନ୍ତି ତେବେ ବିଫଳ ହେବା ଭୟ କରି ଅଧାରୁ ତାକୁ ଛାଡ଼ନ୍ତୁ ନାହିଁ। ସଫଳ ଏବଂ ବିଫଳ ହେବା ଜୀବନର ଚକ୍ର। ଯଦି ସଚ୍ଚୋଟତାର ସହ ନିଜ କାର୍ଯ୍ୟ କରିବେ ତେବେ ସଫଳତା ନିଶ୍ଚୟ ମିଳିବ।
-ଚାଣକ୍ୟ କୁହନ୍ତି ଯଦି କେବେ ସୁଯୋଗ ମିଳେ ତେବେ ହାତଛଡ଼ା କରିବା ଉଚିତ ନୁହେଁ। ମନୁଷ୍ୟକୁ ନିଜର ପ୍ରତିଭା ଦେଖାଇବାକୁ ଚେଷ୍ଟା କରିବା ଉଚିତ। ଯଦି ଦ୍ୱନ୍ଦ୍ୱ ଅଥବା ଆଳସ୍ୟ କଲେ ତେବେ ହାତରେ କିଛି ରହିବ ନାହିଁ। ଏଣୁ ବ୍ୟକ୍ତିକୁ ସୁଯୋଗ ମିଳିଲେ ଆଗକୁ ବଢ଼ିବାର ଚେଷ୍ଟା କରିବା ଉଚିତ।
-ପ୍ରଶ୍ନ ପଚାରିଲେ ସଙ୍କୋଚ କରନ୍ତୁ ନାହିଁ। ଚାଣକ୍ୟ କୁହନ୍ତି ଅନେକ ସମୟରେ ଲୋକଙ୍କୁ ଅଫିସରେ ନିଜ ମାଲିକଙ୍କୁ ପ୍ରଶ୍ନ ପଚାରିବାରେ ସଙ୍କୋଚ କରିଥାନ୍ତି। ଏପରି କରୁଥିବା ବ୍ୟକ୍ତି ଆଗକୁ ବଢ଼ିପାରେ ନାହିଁ। କାରଣ ସେମାନଙ୍କ ପାଖରେ ଜ୍ଞାନର ଅଭାବ ଥାଏ। ସେ ପଛରେ ରହିଯାଇଥାନ୍ତି।
-ଚାଣକ୍ୟ କୁହନ୍ତି ବ୍ୟକ୍ତିର ସବୁଠାରୁ ବଡ଼ ଶତ୍ରୁ ହେଉଛି ରାଗ। ରାଗ ବ୍ୟକ୍ତିର ବୁଝିବା-ଚିନ୍ତା କରିବା ଶକ୍ତିକୁ ଶେଷ କରିଦେଇଥାଏ। ଏଥିପାଇଁ କରିଥିବା କାମ ମଧ୍ୟ ଖରାପ କରିଦେଇଥାଏ। ଏଭଳି ଲୋକ ଅଫିସରେ ନୁହେଁ କି ବ୍ୟବସାୟରେ ସଫଳ ହୁଅନ୍ତି ନାହିଁ। ଏଥିପାଇଁ ସବୁବେଳେ ରାଗଠାରୁ ଦୂରରେ ରହିବା ଉଚିତ।
