ଦୁବାଇ,୨୧।୨: ଚାମ୍ପିଅନ୍ସ ଟ୍ରଫି ୨୦୨୫ର ସବୁଠାରୁ ବଡ଼ ମ୍ୟାଚ, ଭାରତ ବନାମ ପାକିସ୍ତାନ ଫେବୃଆରୀ ୨୩ରେ ଦୁବାଇରେ ଖେଳାଯିବ। ନ୍ୟୁଜିଲାଣ୍ଡଠାରୁ ହାରିବା ପରେ, ଆୟୋଜକ ପାକିସ୍ତାନ ଟୁର୍ନାମେଣ୍ଟରୁ ବାଦ ପଡ଼ିବାର ଆଶଙ୍କାର ସମ୍ମୁଖୀନ ହେଉଛି, ପାକିସ୍ତାନ ପାଇଁ ଭାରତକୁ ପରାସ୍ତ କରିବା ବହୁତ ଗୁରୁତ୍ୱପୂର୍ଣ୍ଣ। ଏହି ମ୍ୟାଚ ପୂର୍ବରୁ, ICC ପାକିସ୍ତାନ ଉପରେ ଜୋରିମନା ଲଗାଇଛି।
ଚାମ୍ପିଅନ୍ସ ଟ୍ରଫିର ପ୍ରଥମ ମ୍ୟାଚ୍ରେ ପାକିସ୍ତାନ ନ୍ୟୁଜିଲାଣ୍ଡଠାରୁ ୬୦ ରନ୍ରେ ପରାସ୍ତ ହୋଇଥିଲା। କରାଚୀରେ ଖେଳାଯାଇଥିବା ଏହି ମ୍ୟାଚ୍ରେ ସ୍ଲୋ ଓଭର ରେଟ ଯୋଗୁ୍ ପାକିସ୍ତାନ ଦଳକୁ ମ୍ୟାଚ ଫି’ର ପାଞ୍ଚ ପ୍ରତିଶତ ଜୋରିମନା କରାଯାଇଥିଲା।
ଗ୍ରାଉଣ୍ଡ ଅମ୍ପାୟାର ରିଚାର୍ଡ କେଟଲବରୋ ଏବଂ ଶାରଫୁଦ୍ଦୌଲା, ତୃତୀୟ ଅମ୍ପାୟାର ଜୋଏଲ ୱିଲସନ ଏବଂ ଚତୁର୍ଥ ଅମ୍ପାୟାର ଆଲେକ୍ସ ୱାର୍ଫ ଏହି ଅଭିଯୋଗ ଆଣିଥିଲେ। ମ୍ୟାଚ ରେଫରି ଆଣ୍ଡି ପାଇକ୍ରଫ୍ଟ ଏହି ଜରିମାନା ଲଗାଇଛନ୍ତି। ପାକିସ୍ତାନର ମ୍ୟାଚ ଫି’ର ୫ ପ୍ରତିଶତ ଜରିମାନା ଭାବରେ କାଟି ଦିଆଯାଇଥିଲା।
ICC ଆଚରଣ ସଂହିତାର ଧାରା ୨.୨୨ ଅନୁଯାୟୀ, ସ୍ଲୋ ଓଭର-ରେଟ ଅପରାଧ ସହିତ ଜଡିତ। ଏଥିରେ ଯଦି ଖେଳାଳିଙ୍କ ଦଳ ନିର୍ଦ୍ଧାରିତ ସମୟରେ ସମସ୍ତ ଓଭର ବୋଲିଂ କରି ନ ପାରିଲେ, ତେବେ ପ୍ରତି ଓଭର ପାଇଁ ସେମାନଙ୍କ ମ୍ୟାଚ ଫି’ର ପାଞ୍ଚ ପ୍ରତିଶତ ଜରିମାନା ଦେବାକୁ ପଡିବ।
ନ୍ୟୁଜିଲାଣ୍ଡ ହାତରୁ ପ୍ରଥମ ଇନିଂସ ପରାଜୟ ପରେ, ପାକିସ୍ତାନ ଗ୍ରୁପ ପର୍ଯ୍ୟାୟରୁ ହିଁ ବାଦ ପଡ଼ିବାର ଆଶଙ୍କା ରହିଛି। ପ୍ରଥମ ମ୍ୟାଚ୍ରେ ଭାରତ ବାଂଲାଦେଶକୁ ପରାସ୍ତ କରିଛି ଏବଂ ଦ୍ୱିତୀୟ ମ୍ୟାଚ ପାକିସ୍ତାନ ସହିତ ଅଛି। ଯଦି ଭାରତ ଏହି ମ୍ୟାଚ ଜିତିଯାଏ ତେବେ ପାକିସ୍ତାନ ଲଗାତାର ଦୁଇଟି ମ୍ୟାଚ ହାରିବ। ଏପରି ପରିସ୍ଥିତିରେ, ଯଦି ଏହା ତୃତୀୟ ମ୍ୟାଚ୍ରେ ବାଂଲାଦେଶକୁ ପରାସ୍ତ କରେ, ତେବେ ଏହା କେବଳ ୨ ପଏଣ୍ଟ ଅର୍ଜନ କରିପାରିବ। ୨୪ ଫେବ୍ରୁଆରୀରେ ବାଂଲାଦେଶ ବିପକ୍ଷରେ ମ୍ୟାଚ ଜିତିଲେ ଭାରତ ୪ ପଏଣ୍ଟ ପାଇବ ଏବଂ ନ୍ୟୁଜିଲାଣ୍ଡ ୪ ପଏଣ୍ଟ ପାଇବ। ଭାରତଠାରୁ ହାରିବା ପରେ ମଧ୍ୟ ନ୍ୟୁଜିଲାଣ୍ଡ ସେମିଫାଇନାଲରେ ପ୍ରବେଶ କରିବ। ସାମଗ୍ରିକ ଭାବରେ, ଭାରତଠାରୁ ହାରିବା ପରେ, ପାକିସ୍ତାନ ପ୍ରାୟ ଚାମ୍ପିଅନ୍ସ ଟ୍ରଫିରୁ ବାହାର ହୋଇଯିବ।
