ଦୁବାଇ,୧୭।୨: ଟିମ ଇଣ୍ଡିଆ ୨୦୨୫ ଚାମ୍ପିଅନ୍ସ ଟ୍ରଫି ପାଇଁ ପ୍ରସ୍ତୁତି ଆରମ୍ଭ କରିଦେଇଛି। ଭାରତର ପ୍ରଥମ ମ୍ୟାଚ ବାଂଲାଦେଶ ସହ ୨୦ ଫେବୃଆରୀରେ ଦୁବାଇରେ ଖେଳାଯିବ। ସୋମବାର ଦୁବାଇରେ ଅଧିନାୟକ ରୋହିତ ଶର୍ମା ଏବଂ ବିରାଟ କୋହଲିଙ୍କ ସହିତ ଟିମ ଇଣ୍ଡିଆର ସମସ୍ତ ଖେଳାଳି ଅଭ୍ୟାସ ପାଇଁ ପଡ଼ିଆକୁ ଓହ୍ଲାଇଥିଲେ। ଏହି ସମୟରେ ରୋହିତ ଏବଂ ପାଣ୍ଡ୍ୟା ଅନେକ ପ୍ରକାରର ସଟ ଖେଳିଥିଲେ। ଭାରତ ଫେବୃଆରୀ ୨୩ରେ ପାକିସ୍ତାନକୁ ଭେଟିବ। ଏହି ମ୍ୟାଚ୍କୁ ଧ୍ୟାନରେ ରଖି ଖେଳାଳିମାନେ ଜୋରଦାର ଅଭ୍ୟାସ କରିଥିଲେ।
ବିସିସିଆଇ ଏକ୍ସରେ ଏକ ଭିଡିଓ ଶେୟାର କରିଛି। ଏଥିରେ ଟିମ ଇଣ୍ଡିଆର ଖେଳାଳିମାନେ ଅଭ୍ୟାସ କରିବା ସହିତ ମଜା କରୁଥିବାର ଦେଖାଯାଇଥିଲା। ରୋହିତ ଶର୍ମା ନେଟ୍ସରେ ବହୁତ ଝାଳ ବୁହାଇଥିଲେ। ସେ ଅନେକ ବୋଲରଙ୍କ ସାମ୍ନା ମଧ୍ୟ କରିଥିଲେ। ରୋହିତଙ୍କୁ ସ୍ପିନ ଏବଂ ଦ୍ରୁତ ବୋଲରମାନଙ୍କ ବିପକ୍ଷରେ ଖେଳୁବାର ଦେଖାଯାଇଥିଲା। ବ୍ୟାଟିଂ ଅଭ୍ୟାସ ସମୟରେ ସ୍ପିନର କୁଲଦୀପ ଯାଦବ ତାଙ୍କ ବୋଲିଂ ମାଧ୍ୟମରେ ଅନେକ ଖେଳାଳିଙ୍କୁ ସାହାଯ୍ୟ କରିଥିଲେ।
ନେଟ ସେସନରେ କୋହଲି ଗିଲଙ୍କୁ ଅନେକ ଟିପ୍ସ ମଧ୍ୟ ଦେଇଥିଲେ। ବିସ୍ଫୋରକ ବ୍ୟାଟସମ୍ୟାନ ଶ୍ରେୟସ ଆୟର ମଧ୍ୟ ଅଭ୍ୟାସ କରିଥିଲେ। ହାର୍ଦ୍ଦିକ ପାଣ୍ଡ୍ୟା ଫର୍ମରେ ନଜର ଆସିଥିଲେ। ସେ ବ୍ୟାଟିଂ କରିବା ସମୟରେ ବଡ଼ ହିଟ ଉପରେ ଧ୍ୟାନ ଦେଉଥିଲେ। ସେ ଚୌକା ଛକା ବର୍ଷା କରିଥିଲେ।
ବ୍ୟାଟିଂ ଏବଂ ବୋଲିଂ ସହିତ, ଖେଳାଳିମାନେ ଫିଲ୍ଡିଂ ଉପରେ ମଧ୍ୟ ଧ୍ୟାନ ଦେଇଥିଲେ। ବରୁଣ ଚକ୍ରବର୍ତ୍ତୀ, ମହମ୍ମଦ ଶାମି ଏବଂ ହର୍ଷିତ ରାଣାଙ୍କୁ ପଡ଼ିଆରେ ଏକାଠି ଦେଖିବାକୁ ମିଳିଥିଲା। ରୋହିତ ଖେଳାଳିମାନଙ୍କୁ କ୍ୟାଚ ଧରିବା ଅଭ୍ୟାସ ମଧ୍ୟ କରାଇଥିଲେ।
Raw mode 🔛
Presenting 𝙎𝙤𝙪𝙣𝙙𝙨 𝙤𝙛 𝙏𝙧𝙖𝙞𝙣𝙞𝙣𝙜 🔊 from #TeamIndia‘s first practice session of #ChampionsTrophy 2025 in Dubai 😎
WATCH 🎥🔽
— BCCI (@BCCI) February 17, 2025
