କୋକସରା,୫ା୧୨ (ଦୁଷ୍ମନ୍ତ କୁମାର ପାଟ୍ଟଯୋଷୀ): ମେଗାଲିଫ୍ଟ କେନାଲରୁ କଳାହାଣ୍ଡି ଜିଲାର ଜୟପାଟଣା, କୋକସରା ଓ ଧର୍ମଗଡ ବ୍ଲକ୍କୁ ରବି ଚାଷ ପାଇଁ ଜଳସେଚନ ଦାବିରେ ଚାଷୀମାନେ ଆନ୍ଦୋଳନ କରିଥିଲେ। ଗତ ୩ ତାରିଖରେ ସଚେତନ କୃଷକ ମଞ୍ଚ ଆବାହନରେ ୩ ବ୍ଲକ୍ର ଚାଷୀନେତା ଓ ଚାଷୀମାନେ କୋକସରା ବ୍ଲକ ମୋଟେର ଛକରେ ୨୬ନଂ. ଜାତୀୟ ରାଜପଥ ଅବରୋଧ କରିଥିଲେ। ଫଳରେ ଦିନତମାମ ଜାତୀୟ ରାଜପଥ ଉପରେ ଗାଡି ଚଳାଚଳ ବ୍ୟାହତ ହୋଇଥିଲା।
ସାରେ ଧର୍ମଗଡ଼ ଉପ ଜିଲାପାଳ ଧିମାନ ଚକମା ପହଞ୍ଚି ଚଳିତ ବର୍ଷ ଇନ୍ଦ୍ରାବତୀ ଜଳଭଣ୍ଡାରରେ ଜଳସ୍ତର ହ୍ରାସ ଥିବା କାରଣରୁ ଜଳସେଚନ ସମ୍ଭବପର ନୁହେଁ ବୋଲି କହିବା ସହ ଚାଷୀଙ୍କୁ ଆନ୍ଦୋଳନରୁ ହଟିବା ପାଇଁ ଅନୁରୋଧ କରିଥିଲେ। ପରେ ସା ୬ଟାରେ ରାସ୍ତା ଅବରୋଧ ହଟିଥିଲା। ଏହି ଘଟଣାରେ ରାସ୍ତା ଅବରୋଧ କରି ନିୟମ ଉଲ୍ଲଂଘନ କରିଥିବା କାରଣରୁ କୋକସରା ପୋଲିସ ପକ୍ଷରୁ ୧୦୦ଜଣ ଚାଷୀନେତା ଓ ଚାଷୀଙ୍କ ନାଁରେ କୋକସରା ଥାନାରେ ମାମଲା (ନଂ.୨୫୭/୨୪) ରୁଜୁ ହୋଇଥିବା ପୋଲିସ ସୂଚନା ଦେଇଛି।
