ଜେନେଭା,୧୧।୩ : ପାକିସ୍ତାନର ବୈଦେଶିକ ମନ୍ତ୍ରୀ ବିଲାୱାଲ ଭୁଟ୍ଟୋ ଜରଦାରୀ ସ୍ବୀକାର କରିଛନ୍ତି ଯେ ଭାରତର କୂଟନୈତିକ ଉଦ୍ୟମ ଯୋଗୁଁ କଶ୍ମୀର ପ୍ରସଙ୍ଗକୁ ମିଳିତ ଜାତିସଂଘର ଏଜେଣ୍ଡାର କେନ୍ଦ୍ରକୁ ଆଣିବା କଷ୍ଟକର ହୋଇପଡ଼ିଛି। ମିଳିତ ଜାତିସଂଘ କମିଶନ ଅଫ ଷ୍ଟାଟସ ଅଫ ମହିଳା (ସିଏସଡବ୍ଲ୍ୟୁ) ପକ୍ଷରୁ ଗଣମାଧ୍ୟମ ବ୍ୟକ୍ତିବିଶେଷଙ୍କ ସହ କଥାବାର୍ତ୍ତା କରି ଜରଦାରୀ କହିଛନ୍ତି, ଯେତେବେଳେ କଶ୍ମୀରର ପ୍ରସଙ୍ଗ ଉଠେ ଆମ ପଡୋଶୀ ଦେଶ ଦୃଢ଼ଭାବରେ ଆପତ୍ତି ଉଠାନ୍ତି ଏବଂ ସେମାନେ ଏକ ପୋଷ୍ଟ ଫାକ୍ଟୋ ବର୍ଣ୍ଣନା କରିଥାନ୍ତି।
ଜରଦାରୀ କହିଛନ୍ତି, ସେମାନେ ଦାବି କରିବାକୁ ଚେଷ୍ଟା କରନ୍ତି ଯେ ଏହା ମିଳିତ ଜାତିସଂଘ ପାଇଁ ବିବାଦ ନୁହେଁ। ଏହା ଅନ୍ତର୍ଜାତୀୟ ସମୁଦାୟ ଦ୍ୱାରା ସ୍ବୀକୃତିପ୍ରାପ୍ତ ବିବାଦୀୟ ଅଞ୍ଚଳ ନୁହେଁ ଏବଂ ସେମାନେ ଏହା ଉପରେ ଜୋର େrଦଇଥାନ୍ତି। ସତ୍ୟ, ବାସ୍ତବତାକୁ ବିରୋଧ କରନ୍ତି। ଯାହାକୁ ସେମାନଙ୍କୁ ସମର୍ଥନ କରିବା ଉଚିତ ତାହାକୁ ସେମାନେ ବିରୋଧ କରୁଛନ୍ତି। କଶ୍ମୀର ପ୍ରସଙ୍ଗରେ ସତ୍ୟ ପ୍ରକାଶ କରିବା ଆମ ପାଇଁ କଷ୍ଟସାଧ୍ୟ, କିନ୍ତୁ ଆମେ ଆମର ଉଦ୍ୟମ ଜାରି ରଖିଛୁ।
ନ୍ୟୁଜ ଏଜେନ୍ସି ଦ୍ୱାରା ପ୍ରକାଶିତ ରିପୋର୍ଟରେ ମଧ୍ୟ କୁହାଯାଇଛି ଯେ ଜରଦାରୀ ଭୁଲରେ ଭାରତକୁ “ବନ୍ଧୁ” ବୋଲି କହିଥିଲେ ଏବଂ ପରେ ଭାରତକୁ “ପଡୋଶୀ” ବୋଲି କହି ତାଙ୍କ ଭୁଲକୁ ସଂଶୋଧନ କରିଥିଲେ।
