ଭୁବନେଶ୍ୱର,୧୧ା୯: ଚାନ୍ଦା ଓ ବଟି ପାଇଁ ରାଜଧାନୀରେ ଏକ କାଫେରେ ଅପରାଧୀମାନେ ଆତଙ୍କରାଜ ଘଟାଇଛନ୍ତି। ଇନ୍ଫୋସିଟି ଥାନା ଅନ୍ତର୍ଗତ ପଥରଗାଡିଆ ଅଞ୍ଚଳରେ ଥିବା ଏକ କାଫେ ଆଣ୍ଡ୍ ରେସ୍ତୋରାରେ ଦୁର୍ବୃତ୍ତମାନେ ଭଙ୍ଗାରୁଜା କରିବା ସହ ମାଲିକଙ୍କୁ ଆକ୍ରମଣ କରିଛନ୍ତି।
ସ୍ଥାନୀୟ ଅଞ୍ଚଳର କେତେଜଣ ଯୁବକ ଏହି ଘଟଣା ଘଟାଇଛନ୍ତି। ଆକ୍ରମଣରେ କାଫେ ମାଲିକ ଆହତ ହୋଇଛନ୍ତି। ସେ ଚିକିତ୍ସିତ ହେବା ପରେ ଏନେଇ ଇନ୍ଫୋସିଟି ଥାନାରେ ଗୁରୁବାର ଏତଲା ଦେଇଛନ୍ତି। ପୋଲିସ ଏକ ମାମଲା ରୁଜୁ କରି ତଦନ୍ତ ଚଳାଇଛି। ତେବେ କମିଶନରେଟ୍ ପୋଲିସ ଚାନ୍ଦା ମଗା ଘଟଣାରେ ଅଧିକ ତତ୍ପରତା ଦେଖାଉଥିବା କହୁଥିବା ବେଳେ ଏଭଳି ଘଟଣା ପ୍ରଶ୍ନବାଚୀ ସୃଷ୍ଟି କରିଛି।
