ଗୁଣାତ୍ମକ ସାମଗ୍ରୀ ପାଇଁ ବ୍ୟବସାୟ ତିଷ୍ଠିରହେ

ପାରିବାରିକ ବ୍ୟବସାୟରୁ ପର୍ସନାଲ ବିଜ୍‌ନେସର ଯାତ୍ରା କିଭଳି ଜାରି ରହିଛି?
ଭଦ୍ରକରେ ବାପାଙ୍କ ବ୍ୟବସାୟିକ ପ୍ରତିଷ୍ଠାନ ଥିଲା। ଉଚ୍ଚଶିକ୍ଷା ଶେଷ ପରେ ବାପାଙ୍କୁ ସହଯୋଗ କରିବା ପାଇଁ ବ୍ୟବସାୟରେ ସାମିଲ ହୋଇଥିଲି। ବେପାର ଅଭିଜ୍ଞତା ହାସଲ ପରେ ୯୦ ଦଶକରେ ଆଉ ଏକ ସୁଯୋଗ ମିଳିଥିଲା। ଆରମ୍ଭ ହୋଇଥିଲା ନିଜସ୍ବ ଇଲୋକ୍ଟ୍ରୋନିକ୍ସ ବ୍ୟବସାୟ। ଏଲ୍‌ଜି ପକ୍ଷରୁ ବ୍ୟବସାୟ ପାଇଁ ଆବଶ୍ୟକ ସ୍ବୀକୃତି ପାଇ ଭଦ୍ରକ ସହରରେ ଏଲ୍‌ଜି ବେଷ୍ଟ ଶପ୍‌-ପ୍ରୋ ଭିଜୁଆଲ ଖୋଲିଥିଲି। ସେବେଠୁ ବ୍ୟବସାୟର ଯାତ୍ରା ଆଗକୁ ବଢ଼ିଚାଲିଛି। ପରିବାର ସହଯୋଗ ଓ ଗ୍ରାହକଙ୍କ ଭଲ ପାଇବା ଯୋଗୁ କାରବାର ଭଲ ରହିଛି। ଆଗକୁ ମଧ୍ୟ ଏହି ଧାରା ଜାରି ରହିବ ବୋଲି ଆଶାବାଦୀ।
ବାଣିଜ୍ୟର ଛାତ୍ର ହୋଇ ବ୍ୟବସାୟ ପାଇଁ ମନବଳାଇଲେ, ନିଷ୍ପତ୍ତି କେତେ ଦୂର ଠିକ୍‌ ଥିଲା ବୋଲି ଭାବୁଛନ୍ତି?
ବ୍ୟବସାୟ କରିବା ପାଇଁ ବିଭାଗର ଆବଶ୍ୟକତା ନାହିଁ। ହେଲେ କଠିନ ପରିଶ୍ରମ ଓ ଲୋକସମ୍ପର୍କ ଜରୁରୀ। ବାଣିଜ୍ୟରେ ଉଚ୍ଚଶିକ୍ଷା ଶେଷ ପରେ ନିଯୁକ୍ତି ପାଇଁ କିଛି ସୁବିଧା ନ ଥିଲା। ବାହାର ରାଜ୍ୟକୁ ନ ଯାଇ ନିଜ ଅଞ୍ଚଳରେ କିଛି କରିବା ପାଇଁ ବହୁ ଲୋକ ପରାମର୍ଶ ଦେଇଥିଲେ। ଫଳରେ ପାରିବାରିକ ବ୍ୟବସାୟରେ ଯୋଗଦେବା ସହ ବ୍ୟବସାୟ କ୍ଷେତ୍ରରେ ପାରଦର୍ଶିତା ହାସଲ କରିବାକୁ ଚେଷ୍ଟା କଲି। ଅଭିଜ୍ଞତା ହାସଲ ଏବଂ ବ୍ୟବସାୟୀ ହେବାର କଳା ମଧ୍ୟ ଗ୍ରହଣ କରି ଜଣାଶୁଣା କମ୍ପାନୀ ଏଲ୍‌ଜି ସହଯୋଗରେ ଏଲ୍‌ଜି ଉତ୍ପାଦ ବିକ୍ରି କରିବାକୁ ସୁଯୋଗ ପାଇଲି। ବଜାରରେ ଏକ ପ୍ରତିଷ୍ଠିତ ଇଲେକ୍ଟ୍ରୋନିକ୍ସ ପ୍ରତିଷ୍ଠାନ ଭାବେ ପରିଚୟ ସୃଷ୍ଟି ହେଲା। ବାପାଙ୍କ ପ୍ରେରଣା ଓ ପରିବାରର ସହଯୋଗ ଫଳରେ ଉଦ୍ଦେଶ୍ୟ ସାଧିତ ହୋଇଛି।
ବର୍ତ୍ତମାନ ବଜାରରେ ଇଲେକ୍ଟ୍ରୋନିକ୍ସ ବ୍ୟବସାୟ କିଭଳି ରହିଛି?
କୋଭିଡ୍‌ ପୂର୍ବରୁ ଇଲେକ୍ଟ୍ରୋନିକ୍ସ ବ୍ୟବସାୟ ଆଶାନୁରୂପ ଥିଲା। କିନ୍ତୁ ୨୦୨୦ ପ୍ରଥମ ଭାଗରୁ ଆଜି ପର୍ଯ୍ୟନ୍ତ ଆଶା ଓ ଆଶଙ୍କା ମଧ୍ୟରେ ସଂଘର୍ଷ କରୁଛି। ବିଶେଷକରି ଅନ୍‌ଲାଇନ୍‌ ବ୍ୟବସାୟର ପ୍ରବେଶ ପରଠାରୁ ଅଫ୍‌ଲାଇନ୍‌ ବ୍ୟବସାୟ କ୍ଷେତ୍ରରେ ଅନେକ ସମସ୍ୟା ସୃଷ୍ଟି ହୋଇଛି। ଉପଯୁକ୍ତ ଦରଠାରୁ କମ୍‌ ଦାମ୍‌ ଓ ହୋମ୍‌ ଡେଲିଭରି ସହ ଆକର୍ଷଣୀୟ ଅଫର୍‌ ଆଦି ପ୍ରତ୍ୟକ୍ଷ ବ୍ୟବସାୟକୁ ବ୍ୟାପକ କ୍ଷତି ପହଞ୍ଚାଇଛି। ଗୁଣାତ୍ମକ ସାମଗ୍ରୀ ଓ ସୁବିଧା ପ୍ରଦାନ ସହ ଲୋକସମ୍ପର୍କ ଯୋଗୁଁ ବ୍ୟବସାୟିକ ପ୍ରତିଷ୍ଠାନ ତିଷ୍ଠିରହିଛି। ଏସବୁ ପରେ ବ୍ୟବସାୟ କରିବାକୁ ହେଲେ ପରିଶ୍ରମ ସାଙ୍ଗକୁ ସାଧୁତା ରକ୍ଷା କରିବାକୁ ପଡ଼ିବ।
ଆପଣଙ୍କ ବ୍ୟବସାୟରେ ଟାର୍ଗେଟ କଷ୍ଟମର କିଏ ଏବଂ ସର୍ବାଧିକ ବିକ୍ରୟ ସାମଗ୍ରୀ କ’ଣ?
ଭଦ୍ରକ ଏକ କୃଷିଭିତ୍ତିକ ଜିଲା। ଏହାର ବଜାରଗୁଡ଼ିକ ମଧ୍ୟ ଗ୍ରାମୀଣ ଓ ସହରଭିତ୍ତିକ ବଜାର। ଭଦ୍ରକ ଜିଲା ସହ ଏହାର ପଡ଼ୋଶୀ ଜିଲାର ଗ୍ରାହକମାନେ ମଧ୍ୟ ଭଦ୍ରକ ସହରକୁ ଆସିଥାନ୍ତି। ଏହି ବଜାର ବିଶେଷକରି ମଧ୍ୟମବର୍ଗଙ୍କ ଦ୍ୱାରା ପରିଚାଳିତ। ଏଠାରେ ସବୁପ୍ରକାରର ଇଲେକ୍ଟ୍ରୋନିକ୍ସ ଉତ୍ପାଦର ଚାହିଦା ରହଛି। ବିଶେଷକରି ୩୨ ଇଞ୍ଚ ଏଲ୍‌ଇଡି ଟିଭି ସହ ରେଫ୍ରିଜରେଟର ଓ ୱାଶିଂମେଶିନ ଭଳି ସାମଗ୍ରୀ ସର୍ବାଧିକ ବିକ୍ରି ହେଉଛି। ଏସି, ମାଇକ୍ରୋ ଓଭେନ୍‌ ଭଳି ଉତ୍ପାଦର ଡିମାଣ୍ଡ ମଧ୍ୟ ରହୁଛି।
ବର୍ତ୍ତମାନ ଇଲେକ୍ଟ୍ରୋନିକ୍ସ ବଜାରରେ କ’ଣ ସବୁ ସମସ୍ୟା ରହିଛି ଏବଂ ତାହା ବ୍ୟବସାୟ କ୍ଷେତ୍ରରେ କିଭଳି ଅସୁବିଧା ସୃଷ୍ଟି କରୁଛି?
କୋଭିଡ୍‌ର ପ୍ରଥମ ଲହରଠାରୁ ଅଦ୍ୟାବଧି ଅନେକ ସମସ୍ୟାର ସମ୍ମୁଖୀନ ହୋଇଛି। ପ୍ରାୟ ୪୦% ବେପାର ହ୍ରାସ ପାଇଛି। ବ୍ୟବସାୟରେ ସଙ୍ଘୀୟ ବ୍ୟବସ୍ଥା ସହ ଆନ୍ତର୍ଜାତୀୟ ବାଣିଜ୍ୟ ଚୁକ୍ତି ମଧ୍ୟ ବାଧକ ସାଜିଛି। ଇଲେକ୍ଟ୍ରୋନିକ୍ସ ସାମଗ୍ରୀ ଉତ୍ପାଦନ ଓ ଆମଦାନୀରେ ବଡ଼ ସମସ୍ୟା ରହିଥିବାବେଳେ କମ୍ପାନୀଗୁଡ଼ିକ ମଧ୍ୟ ଆବଶ୍ୟକତା ଅନୁସାରେ ସାମଗ୍ରୀ ଯୋଗାଇ ପାରୁନାହାନ୍ତି। ଇଲେକ୍ଟ୍ରୋନିକ୍ସ ସାମଗ୍ରୀ ଉତ୍ପାଦନ ପାଇଁ ଆବଶ୍ୟକ ପ୍ରମୁଖ ଉପାଦାନ ସହ ଚାଇନାରୁ ସାମଗ୍ରୀ ଆସି ପାରୁ ନ ଥିବାରୁ ଉଭୟ କମ୍ପାନୀ ଓ ଡିଲରମାନେ ଗ୍ରାହକଙ୍କ ଚାହିଦା ପୂରଣ କରିପାରୁନାହାଁନ୍ତି।
ଅବସର ସମୟରେ କ’ଣ କରିବାକୁ ଭଲ ପାଆନ୍ତି?
ବ୍ୟବସାୟ କ୍ଷେତ୍ରରେ ପ୍ରତିଯୋଗିତା ରହିଥିବାରୁ ସମୟ ବାହାର କରିବା କଷ୍ଟକର। ତଥାପି ସାଙ୍ଗସାଥୀ ବନ୍ଧୁ ପରିଜନଙ୍କ ସହ ସମୟ ବିତାଇବାକୁ ଚାହେଁ। ବିଭିନ୍ନ ଅନୁଷ୍ଠାନ ସହ ଜଡ଼ିତ ଥିବାରୁ ଉଭୟ ସାମାଜିକ ଓ ସାଂସ୍କୃତିକ କାର୍ଯ୍ୟକ୍ରମରେ ଉପସ୍ଥିତ ନ ରହିଲେ ମଧ୍ୟ ଆବଶ୍ୟକ ସହଯୋଗ ପାଇଁ ପ୍ରଚେଷ୍ଟା ଜାରି ରହିଛି।


Enter your email to get our daily news in your inbox.

All Right Reserved By Dharitri.Com

ଭାଜପା ଛାଡ଼ିବା କାରଣ କହିଲେ ପ୍ରକାଶ

ଭୁବନେଶ୍ୱର,୨୯।୩: ଭାଜପା ଛାଡ଼ିବା ପରେ ମୁହଁ ଖୋଲିଛନ୍ତି ସାଲେପୁରର ପୂର୍ବତନ ବିଧାୟକ ପ୍ରକାଶ ବେହେରା। ସେ କହିଛନ୍ତି, ଲୋକଙ୍କ ସେବା କରିବା ସହ ସଙ୍ଗଠନକୁ ମଜଭୁତ...

ଭାଜପା ଛାଡ଼ିଲେ ନୀଳଗିରି ବିଧାୟକ ସୁକାନ୍ତ ନାୟକ, ବିଜେଡିରେ ହୋଇପାରନ୍ତି ସାମିଲ

ନୀଳଗିରି, ୨୯।୩(ପ୍ରଶାନ୍ତ କୁମାର ବିଶ୍ବାଳ): ସବୁ କଳ୍ପନା ଜଳ୍ପନାର ଅନ୍ତ ଘଟାଇ ଭାରତୀୟ ଜନତା ପାର୍ଟି(ଭାଜପା)ରୁ ଇସ୍ତଫା ଦେଇଛନ୍ତି ନୀଳଗିରି ବିଧାୟକ ଛାଡିଲେ ସୁକାନ୍ତ। ଶୁକ୍ରବାର...

ନିର୍ବାଚନ ପୂର୍ବରୁ ବିବାଦୀୟ କୋଟିଆରେ ଡିଜିଟାଲ ମିଟର ବଣ୍ଟନ ଆରମ୍ଭ କଲା ଆନ୍ଧ୍ର

ଭୁବନେଶ୍ୱର,୨୯।୩: ଓଡ଼ିଶାର କୋରାପୁଟ ଜିଲାର ପଟାଙ୍ଗୀ ବ୍ଲକ ଅନ୍ତର୍ଗତ କୋଟିଆ ଅଂଚଳରେ ଆନ୍ଧ୍ରପ୍ରଦେଶ ବିବାଦୀୟ ଅଞ୍ଚଳରେ କ୍ରମାଗତ ଭାବରେ ଅନୁପ୍ରବେଶ କରୁଛି ଏବଂ ସ୍ଥାନୀୟ ବାସିନ୍ଦାଙ୍କୁ...

ବିଜେଡିରେ ସାମିଲ ହେଲେ କଂଗ୍ରେସର ପୂର୍ବତନ ବିଧାୟକ

ଭୁବନେଶ୍ୱର/ବଲାଙ୍ଗୀର,୨୯ା୩: ବିଧାନସଭା ନିର୍ବାଚନ ପୂର୍ବରୁ ବଲାଙ୍ଗୀର ଜିଲା ଟିଟିଲାଗଡ଼ର ପୂର୍ବତନ ବିଧାୟକ ସୁରେନ୍ଦ୍ର ସିଂ ଭୋଇ କଂଗ୍ରେସରୁ ଇସ୍ତଫା ଦେଇ ଗୁରୁବାର ଶଙ୍ଖଭବନରେ ବିଜେଡିରେ ସାମିଲ...

ମା’ ସମଲେଶ୍ୱରୀଙ୍କ ଦର୍ଶନ କରି ଆଶୀର୍ବାଦ ନେଲେ ବବି

ସମ୍ବଲପୁର,୨୯ା୩: ସମ୍ବଲପୁର ଲୋକ ସଭା ଆସନରୁ ବିଜେଡି ସୁପ୍ରିମୋ ନବୀନ ପଟ୍ଟନାୟକ ବିଜେଡି ସାଂଗଠନିକ ସମ୍ପାଦକ ପ୍ରଣବ ପ୍ରକାଶ ଦାସ(ବବି)ଙ୍କ ନାଁ ଘୋଷଣା କରିବା ପରେ...

ବିଳମ୍ବିତ ରାତି ପର୍ଯ୍ୟନ୍ତ ଚାଲିଲା ଭାଜପା କୋର କମିଟି ବୈଠକ, ଖୁବଶୀଘ୍ର ଘୋଷଣା ହେବ ଲୋକ ସଭା-ବିଧାନସଭା ପ୍ରାର୍ଥୀ ତାଲିକା

ଭୁବନେଶ୍ୱର,୨୯ା୩: ଆଗାମୀ ବିଧାନସଭା ପାଇଁ ଭାଜପାର ପ୍ରାର୍ଥୀ ତାଲିକା ଏବଂ ଓଡିଶାରେ ଅବଶିଷ୍ଟ ଲୋକସଭା ଆସନ ଖୁବ ଶୀଘ୍ର ପ୍ରକାଶ ପାଇବ। ସୂତ୍ରରୁ ପ୍ରକାଶ ଯେ...

ଶ୍ୱଶୁରଙ୍କୁ ଛୁରି ଭୁସି ହତ୍ୟା କଲେ ଜ୍ୱାଇଁ

କୋରାପୁଟ,୨୯ା୩: ଶ୍ୱଶୁରଙ୍କୁ ଛୁରି ଭୁସି ଜ୍ୱାଇଁ  ହତ୍ୟା କରିଥିବା ଅଭିଯୋଗ ହୋଇଛି। ଏମିତି ଏକ ଦୁଃଖଦ ଘଟଣା ଦେଖିବାକୁ ମିଳିଛି କୋରାପୁଟ ଜିଲା ନାରାୟଣପାଟଣା ଥାନା...

ଭାଜପା ଆଶାୟୀ ପ୍ରାର୍ଥୀଙ୍କ ନିଦ ଗାଏବ

ଅନୁଗୋଳ,୨୯ା୩(ଅମିତ କୁମାର ସାମଲ): ବିଜେଡି-ଭାଜପା ମଧ୍ୟରେ ମେଣ୍ଟ ହେବ ବୋଲି ପ୍ରଥମେ ଶୁଣାଗଲା। ଏହାକୁ ନେଇ ଉଭୟ ଦଳ ପକ୍ଷରୁ ଘନ ଘନ ବୈଠକ ହେଲା।...

Advertisement

ଧରିତ୍ରୀ କାର୍ଟୁନ

Archives
Model This Week

ପିଲାଙ୍କ ଧରିତ୍ରୀ

Why Dharitri