ଲଣ୍ଡନ୍,୧୪ା୧୧: ବ୍ରିଟିଶ୍ ଲେଖିକା ସାମନ୍ଥା ହାର୍ଭେ ଚଳିତ ବର୍ଷର ସମ୍ମାନଜନକ ବୁକର ପୁରସ୍କାର ପାଇଛନ୍ତି। ସାମନ୍ଥା ତାଙ୍କର ମହତ୍ତ୍ୱାକାଂକ୍ଷୀ ତଥା ସୁନ୍ଦର ଉପନ୍ୟାସ ‘ଅର୍ବିଟାଲ’ ପାଇଁ ୨୦୨୪ ବୁକର ପ୍ରାଇଜ୍ ହାତେଇଛନ୍ତି। ପୁରସ୍କାର ରାଶି ବାବଦକୁ ତାଙ୍କୁ ୫୦,୦୦୦ ପାଉଣ୍ଡ ପ୍ରଦାନ କରାଯାଇଛି। ବ୍ରିଟେନ୍ରେ ସର୍ବାଧିକ ବିକ୍ରି ଉପନ୍ୟାସଗୁଡ଼ିକ ମଧ୍ୟରୁ ଅନ୍ୟତମ ‘ଅର୍ବିଟାଲ’ ଅନ୍ତର୍ଜାତୀୟ ମହାକାଶ କେନ୍ଦ୍ର (ଆଇଏସ୍ଏସ୍)ରେ ୬ ମହାକାଶଚାରୀ ଅତିବାହିତ କରିଥିବା ଗୋଟିଏ ଦିନର କାହାଣୀକୁ ନେଇ ଗତିଶୀଳ ହୋଇଛି। ଲଣ୍ଡନ୍ର ଓଲ୍ଡ ବିଲିଙ୍ଗ୍ସଗେଟ୍ରେ ଆୟୋଜିତ ଏକ ବର୍ଣ୍ଣାଢ଼୍ୟ ଉତ୍ସବରେ ବିଚାରକମଣ୍ଡଳୀ ୧୩୬ ପୃଷ୍ଠା ସମ୍ବଳିତ ‘ଅର୍ବିଟାଲ୍’କୁ ଏକ ସୁନ୍ଦର ଉପନ୍ୟାସ ଭାବେ ଅଭିହିତକରି ଏଥିରେ ମାନବୀୟ ମୂଲ୍ୟବୋଧର ପ୍ରରିପ୍ରକାଶ ହୋଇଥିବା ଦର୍ଶାଇଛନ୍ତି। ଏହି ଅବସରରେ ସାମନ୍ଥା ଖୁସିବ୍ୟକ୍ତ କରିବା ସହ ବୁକର ପୁରସ୍କାର ତାଙ୍କୁ ଲେଖନୀ ଚାଳନାରେ ଆହୁରି ପ୍ରେରଣା ଦେବ ବୋଲି କହିଛନ୍ତି।
