ନୂଆଦିଲ୍ଲୀ,୨୩।୧: ରେସଲିଂ ଫେଡେରେସନ ଅଫ ଇଣ୍ଡିଆ (ଡବ୍ଲୁଏଫଆଇ) ଅଧ୍ୟକ୍ଷ ତଥା ଭାଜପା ଏମ୍ପି ବ୍ରଜଭୂଷଣ ଶରଣ ସିଂଙ୍କ ନାଁରେ ଯୌନ ଉତ୍ପୀଡ଼ନ ସମେତ ଅନେକ ଅଭିଯୋଗ ଆସିଛି। ଏହି ବିବାଦ ମଧ୍ୟରେ ସୋସିଆଲ ମିଡିଆରେ କୌଣସି ଆପତ୍ତିଜନକ ପୋଷ୍ଟ ନ କରିବାକୁ ସେ ତାଙ୍କ ସମର୍ଥକ ତଥା ଶୁଭେଚ୍ଛୁମାନଙ୍କୁ ନିବେଦନ କରିଛନ୍ତି। ସେ କହିଛନ୍ତି, ଏଭଳି ପୋଷ୍ଟରେ ମୁଁ ସହମତ ନୁହେଁ। ମୁଁ ଦଳଠାରୁ ବଡ ନୁହେଁ।
ଉତ୍ତରପ୍ରଦେଶର ଗୋଣ୍ଡାଠାରେ ରେସଲିଂ ଫେଡେରେସନ ଅଫ ଇଣ୍ଡିଆର ଜରୁରୀକାଳୀନ ସାଧାରଣ ପରିଷଦ ବୈଠକ ଘୁଞ୍ଚତ୍ବାର କିଛି ଘଣ୍ଟା ପରେ ବ୍ରଜଭୂଷଣ ସମର୍ଥକଙ୍କ ନିକଟରେ ଏପରି ନିବେଦନ କରିଛନ୍ତି।
ବ୍ରଜଭୂଷଣ ଟୁଇଟ୍ କରି କହିଛନ୍ତି, ଅନୁରୋଧ, ସୋସିଆଲ ମିଡିଆରେ କିଛି ଆପତ୍ତିଜନକ ସ୍ଲୋଗାନ, ଗ୍ରାଫିକ୍ସ, ହ୍ୟାସଟ୍ୟାଗ ରିପୋର୍ଟ କରାଯାଇଛି। କୌଣସି ରାଜନୈତିକ ଦଳ, ସାମାଜିକ ସଂଗଠନ, ସମ୍ପ୍ରଦାୟ କିମ୍ବା ଜାତି-ଧର୍ମର ସମ୍ମାନକୁ କ୍ଷତି ପହଞ୍ଚାଉଥିବାରୁ ମୁଁ ଏଥିରେ ସହମତ ନୁହେଁ।
ମୁଁ ଏଭଳି ପୋଷ୍ଟ ଏବଂ ଟ୍ରେଣ୍ଡକୁ ଖଣ୍ଡନ କରୁଛି। ମୁଁ ଦଳଠାରୁ ବଡ ନୁହେଁ, ମୋର ଉତ୍ସର୍ଗୀକୃତ, ମୋର ବିଶ୍ୱସ୍ତତା ପ୍ରାମାଣିକ ଅଟେ। ମୋର ଶୁଭେଚ୍ଛୁ ଏବଂ ସମର୍ଥକମାନେ ଦୟାକରି ଏହିପରି ପୋଷ୍ଟଗୁଡିକ ଠାରୁ ଦୂରରେ ରୁହନ୍ତୁ, ଆପଣ ଚାହିଁଲେ ମଧ୍ୟ ମନ୍ତବ୍ୟ ଦିଅନ୍ତୁ ନାହିଁ।
ସୂଚନାଯୋଗ୍ୟ, ଅଲିମ୍ପିକ ପଦକ ବିଜେତା ସାକ୍ଷୀ ମଲିକ, ବଜରଙ୍ଗ ପୁନିଆଙ୍କ ସମେତ ବହୁ ସଂଖ୍ୟକ ରେସଲର୍ ବ୍ରଜଭୂଷଣଙ୍କ ନାଁରେ ଯୌନ ଉତ୍ପୀଡ଼ନ ଆଣି ଦିଲ୍ଲୀରେ ଏକ ବିକ୍ଷୋଭ ପ୍ରଦର୍ଶନ କରିଥିଲେ। ମାମଲା ବଢିବା ସହିତ କେନ୍ଦ୍ର କ୍ରୀଡ଼ା ମନ୍ତ୍ରୀ ଅନୁରାଗ ଠାକୁର ଏବଂ ରେସ୍ଲରଙ୍କ ମଧ୍ୟରେ ଏକ ବୈଠକ ଅନୁଷ୍ଠିତ ହୋଇଥିଲା। ଯେଉଁଥିରେ ବ୍ରଜଭୂଷଣଙ୍କ ବିରୋଧରେ ଆସିଥିବା ଅଭିଯୋଗର ଯାଞ୍ଚ ନ ହେବା ପର୍ଯ୍ୟନ୍ତ ତାଙ୍କୁ ଇସ୍ତଫା ଦେବାକୁ କୁହାଯାଇଥିଲା।
