ନୂଆଦିଲ୍ଲୀ,୩।୧: ବଜେଟ ଅଧିବେଶନର ତୃତୀୟ ଦିନରେ ସଂସଦରେ ପ୍ରବଳ ହଟ୍ଟଗୋଳ ଦେଖିବାକୁ ମିଳିଛି। ବିରୋଧୀ ଦଳ ନେତା ରାହୁଲ ଗାନ୍ଧୀ ସ୍ୱୀକାର କରିଛନ୍ତି ଯେ, ଦେଶରେ ବେରୋଜଗାର ଯୁବକ ମାନଙ୍କୁ ଚାକିରି ଦେବାରେ ଉଭୟ ୟୁପିଏ ଏବଂ ଏନଡିଏ ସରକାର ବିଫଳ ହୋଇଛନ୍ତି।
”ଏ ଦେଶର ଭବିଷ୍ୟତ ଭାରତର ଯୁବପିଢ଼ିଙ୍କ ଦ୍ୱାରା ନିର୍ଦ୍ଧାରିତ ହେବ। ମୁଁ ଭାବୁଛି ଆମେ ଯାହା କହୁଛୁ ତାହା ସେମାନଙ୍କୁ ସମ୍ବୋଧିତ କରାଯିବା ଉଚିତ। ଆମ ସମ୍ମୁଖରେ ପ୍ରଥମ କଥା ହେଉଛି, ଯଦିଓ ଆମେ ଅଭିବୃଦ୍ଧି କରିଛୁ ଏବଂ ଏପର୍ଯ୍ୟନ୍ତ କରୁଛୁ କିନ୍ତୁ ଆମେ ବେକାରୀର ସାର୍ବଜନୀନ ସମସ୍ୟାର ମୁକାବିଲା କରିପାରିନାହୁଁ, ବୋଲି ରାହୁଲ କହିଛନ୍ତି”। ସେ ଆହୁରି କହିଛନ୍ତି ଯେ UPA କିମ୍ବା NDA ଯୁବପିଢ଼ିଙ୍କୁ ନିଯୁକ୍ତି ବିଷୟରେ ସ୍ପଷ୍ଟ ଉତ୍ତର ଦେଇନାହାଁନ୍ତି।
ରାଷ୍ଟ୍ରପତିଙ୍କ ଅଭିଭାଷଣର ଧନ୍ୟବାଦ ପ୍ରସ୍ତାବରେ ଆଲୋଚନା ସମୟରେ ରାହୁଲ କହିଥିଲେ, ଆଜି ଚାଇନା ଆମର ଜାଗା ମାଡି ବସିଛି କିନ୍ତୁ ପ୍ରଧାନମନ୍ତ୍ରୀ ଏହାକୁ ଅସ୍ବୀକାର କରୁଛନ୍ତି। ଚାଇନା ଆମ ଅଞ୍ଚଳ ଭିତରେ ରହିବାର ଗୁରୁତ୍ୱପୂର୍ଣ୍ଣ କାରଣ ଲୋକମାନେ ଭାବନ୍ତି ଯେ ଯୁଦ୍ଧ ସେନା ଏବଂ ସେମାନଙ୍କର ଅସ୍ତ୍ରଶସ୍ତ୍ର ମଧ୍ୟରେ ଲଢ଼ାଯାଏ। କିନ୍ତୁ ବାସ୍ତବ କଥା ହେଉଛି ଯେ ଯୁଦ୍ଧଗୁଡ଼ିକ ଶିଳ୍ପ ବ୍ୟବସ୍ଥା ଦ୍ୱାରା ଲଢ଼ାଯାଏ। ବାସ୍ତବ କଥା ହେଉଛି ଚାଇନାର ଏକ ଶିଳ୍ପ ବ୍ୟବସ୍ଥା ଅଛି ଯାହା ଆମ ବ୍ୟବସ୍ଥା ଅପେକ୍ଷା ବହୁତ ଶକ୍ତିଶାଳୀ, ବଡ଼, ଏବଂ ସେଥିପାଇଁ ସେମାନଙ୍କର ଆମ ଦେଶ ଭିତରକୁ ଆସିବାର ସାହସ ଅଛି। ଚାଇନା ଭାରତର ସୀମା ଭିତରେ ବସିବାର କାରଣ ହେଉଛି ମେକ୍ ଇନ୍ ଇଣ୍ଡିଆ ବିଫଳ ହୋଇଛି।
