ଟୟୋଟାର କୁଲ ନ୍ୟୁ ଗ୍ଲାନଜାର ବୁକିଂ ଆରମ୍ଭ
9:54 amMarch 12, 2022March 12, 2022

ନୂଆଦିଲ୍ଲୀ,୧୨ ।୩ ଟୟୋଟା କିଲୋସ୍କର ମୋଟରର ବହୁ ପ୍ରତୀକ୍ଷିତ ଷ୍ଟାଇଲିଶ ଏବଂ ସ୍ପୋର୍ଟି କୁଲ୍‌ ନ୍ୟୁ ଟୟୋଟା ଗ୍ଲାନ୍‌ଜା ପାଇଁ ବୁକିଂ ଆରମ୍ଭ ସମ୍ପର୍କରେ ଘୋଷଣା କରାଯାଇଛି। ନିକଟରେ ଏହାର ବୁକିଂ ଆରମ୍ଭ ହୋଇଯାଇଛି। ଟୟୋଟାର ନିଜସ୍ବ କାର୍‌ ଟେକ୍ନୋଲୋଜି ଦ୍ୱାରା ଏହା ନିର୍ମିତ। ଶକ୍ତିଶାଳୀ ଏବଂ ଇନ୍ଧନ ଦକ୍ଷତାଯୁକ୍ତ ଇଞ୍ଜିନ ଦ୍ୱାରା କୁଲ୍‌ ନ୍ୟୁ ଗ୍ଲାନ୍‌ଜା ଲିଟର ପିଛା ୨୨କି.ମି.ରୁ ଅଧିକ ମାଇଲେଜ୍‌ ଉପଲବ୍ଧ କରାଇବ। ଏଥିରେ ଟୟୋଟା ସିଗ୍ନେଚର ଷ୍ଟାଇଲିଶ ଫ୍ରଣ୍ଟ ଗ୍ରିଲ୍‌ ଏବଂ ବମ୍ପର ରହିଛି। ଏହାର ସୁରକ୍ଷା ବ୍ୟବସ୍ଥାରେ ୬ଟି ଏୟାରବ୍ୟାଗ୍‌ ,ହେ ଟୟୋଟା ଭଏସ୍‌ ଆସିଷ୍ଟାଣ୍ଟ, ହେଡ୍‌ ଅପ୍‌ ଡିସ୍‌ପ୍ଲେ ଏବଂ ୩୬୦ ଡିଗ୍ରୀ କ୍ୟାମେରା ଭଳି ବୈଶିଷ୍ଟ୍ୟ ରହିଛି। ଏହାର ବୁକିଂ ରାଶି ୧୧,୦୦୦ ଟଙ୍କା ରହିଛି। ଗ୍ରାହକଙ୍କ ସୁବିଧାକୁ ଦୃଷ୍ଟିରେ ରଖି ବୁକିଂ ଉଭୟ ଅନ୍‌ଲାଇନ ଏବଂ ନିକଟବର୍ତ୍ତୀ ଟୟୋଟା ଡିଲରଶିପ୍‌ରେ ମଧ୍ୟ କରାଯିବାର ବ୍ୟବସ୍ଥା ହୋଇଛି। ଏ ସମ୍ପର୍କରେ ଟୟୋଟା କିଲୋସ୍କର ମୋଟରର ବିକ୍ରୟ ଏବଂ ଷ୍ଟ୍ରାଟେଜିକ ମାର୍କେଟିଂ ଆସୋସିଏଟ ଉପାଧ୍ୟକ୍ଷ ଅତୁଲ ସୁଦ୍‌ କହିଛନ୍ତି, କୁଲ୍‌ ନ୍ୟୁ ଗ୍ଲାନ୍‌ଜାର ବଜାର ପ୍ରବେଶ କରାଇଥିବାରୁ ଆମେ ବେଶ୍‌ ଆନନ୍ଦିତ। ଗ୍ରାହକ ସେମାନଙ୍କର ବିଶ୍ୱାସ ଆମ ଉପରେ ରଖିଥିବାରୁ ଆମେ ସେମାନଙ୍କୁ ହୃଦୟରୁ ଧନ୍ୟବାଦ ଜଣାଉଛୁ।