ଆଳି,୧୩ା୨(ବନମାଳୀ ସେନାପତି ): କେନ୍ଦ୍ରାପଡ଼ା ଜିଲା ଆଳି ଥାନା କଣ୍ଟିପୁର ଗ୍ରାମର ମାନସ ସାହୁଙ୍କ ପୁଅ ଅନନ୍ତ(୩୭)ଦୁବାଇରେ ପାଣି ପାଇପ ମିସ୍ତ୍ରି କାମ କରୁଥିବା ବେଳେ ଫେବୃଆରୀ ୧୦ରେ ଘରକୁ ଫେରିବା ନିମନ୍ତେ ଟିକେଟ କାଟିଥିଲେ। କିନ୍ତୁ ଫେବୃଆରୀ ୧୦ ତାରିଖ ବଦଳରେ ୧୩ ତାରିଖ ଶୁକ୍ରବାର ଘରେ ତାଙ୍କ ମୃତଦେହ ପହଞ୍ଚତ୍ଛି। ରାଜ୍ୟ ସରକାର, ଜିଲା ପ୍ରଶାସନ ଓ କେନ୍ଦ୍ରାପଡ଼ା ଏମ୍ପି ବୈଜୟନ୍ତ ପଣ୍ଡାଙ୍କ ଉଦ୍ୟମ ଯୋଗୁ ଦୁବାଇରୁ ଅନନ୍ତଙ୍କ ମୃତଦେହ ୨୩ ଦିନ ପରେ ଆସି ପାରିଛି। ଏକ ଶୋକାକୁଳ ପରିବେଶରେ ଗ୍ରାମ ଶ୍ମଶାନରେ ତାଙ୍କ ଶେଷକୃତ୍ୟ ସମ୍ପନ୍ନ ହୋଇଛି।
ସୂଚନା ଅନୁଯାୟୀ ଅନନ୍ତ ପ୍ରାୟ ୧୦ବର୍ଷ ହେବ ଦୁବାଇରେ ପାଣିପାଇପ କାମ କରି ପରିବାର ପ୍ରତିପୋଷଣ କରୁଥିଲେ। ଘରେ ତାଙ୍କର ମା’ବାପା, ସ୍ତ୍ରୀ ଓ ସାନଭାଇ ରୁହନ୍ତି। ଅନନ୍ତ ଦୁବାଇର ସୋନାପୁର ଏକ କମ୍ପାନୀରେ ପାଣି ପାଇପ ମିସ୍ତ୍ରି ଭାବେ କାମ କରୁଥିଲେ। ୨୦୨୩ ମସିହାରେ ଅନନ୍ତ ବିବାହ କରି କିଛିଦିନ ରହି ପୁଣି ସେ ଦୁବାଇ ପଳାଇ ଯାଇଥିଲେ। ପ୍ରାୟ ଅଢେଇ ବର୍ଷ ହେବ ସେ ଘରକୁ ଆସି ନ ଥିବାରୁ ଫେବୃଆରୀ ୧୦ରେ ଘରକୁ ଆସିବେ ବୋଲି ଟିକେଟ କରି ପରିବାର ଲୋକଙ୍କୁ ଜଣାଇଥିଲେ । ଅନନ୍ତ ଦୀର୍ଘଦିନ ପରେ ଫେରୁଥିବାରୁ ପରିବାର ଲୋକେ ଖୁସିରେ ଥିଲେ। କିନ୍ତୁ ଜାନୁୟାରୀ ୨୨ରେ ଅନନ୍ତ ତାଙ୍କ ମା’, ସ୍ତ୍ରୀ ଓ ସାନଭାଇଙ୍କ ସହ ଫୋନରେ କଥା ହେବା ପରଠୁ ତାଙ୍କ ସହ ଆଉ ଯୋଗାଯୋଗ ହୋଇପାରି ନ ଥିଲା। ଅନନ୍ତଙ୍କ ମୋବାଇଲ ସୁଇଚ ଅଫ ହୋଇଯାଇଥିଲା। ପରିବାର ଲୋକେ କମ୍ପାନୀକୁ ଫୋନକରି ମଧ୍ୟ କିଛି ସନ୍ଧାନ ପାଇ ପାରି ନ ଥିଲେ। ଦୁବାଇରେ ରହୁଥିବା ବିଭିନ୍ନ ଲୋକଙ୍କ ଜରିଆରେ ଅନନ୍ତ ରହୁଥିବା ଅଞ୍ଚଳର ଖବର ନେଉଥିଲେ ମଧ୍ୟ ତାଙ୍କ ସନ୍ଧାନ ନ ପାଇ ତାଙ୍କ ସାନଭାଇ ପ୍ରଶାନ୍ତ ଫେବୃଆରୀ ୧ରେ ଆଳି ଥାନାରେ ଏକ ଲିଖିତ ଅଭିଯୋଗ କରିଥିଲେ। ଅଭିଯୋଗ କରିବା ସହ ଆଳି ଭାଜପା ନେତା କୃଷ୍ଣଚନ୍ଦ୍ର ପଣ୍ଡାଙ୍କ ଜରିଆରେ କେନ୍ଦ୍ରାପଡ଼ା ଏମ୍ପି ବୈଜୟନ୍ତ ପଣ୍ଡାଙ୍କ ସହ ଯୋଗାଯୋଗ କରିଥିଲେ। ପରେ ଏମ୍ପି ପଣ୍ଡାଙ୍କ ଅଫିସ ପକ୍ଷରୁ ଏମ୍ବାସିଙ୍କ ସହ ଯୋଗାଯୋଗ କରିବା ପରେ ସେଠାରେ ଏକ ସଡ଼କ ଦୁର୍ଘଟଣାରେ ଅନନ୍ତଙ୍କ ମୃତ୍ୟୁ ହୋଇଥିବା ନେଇ ସୂଚନା ମିଳିଥିଲା। ପରେ ଏମ୍ପିଙ୍କ ଉଦ୍ୟମ ଯୋଗୁ ତାଙ୍କ ମୃତଦେହ ଦୁବାଇରୁ ବିମାନରେ ଆସିବା ପରେ ବାରାଣସୀରୁ ଏକ ଆମ୍ବୁଲାନ୍ସରେ କଣ୍ଟିପୁର ଗ୍ରାମରେ ଶୁକ୍ରବାର ପହଞ୍ଚତ୍ଥିଲା। ଅନନ୍ତଙ୍କ ମୃତଦେହ ପହଞ୍ଚତ୍ବା ପରେ ତାଙ୍କ ଶେଷ ଦର୍ଶନ କରିବା ନିମନ୍ତେ ଭାଜପା ନେତା କୃଷ୍ଣଚନ୍ଦ୍ର ପଣ୍ଡାଙ୍କ ସମେତ ଅନ୍ୟମାନେ ପହଞ୍ଚତ୍ଥିଲେ। ଅନନ୍ତଙ୍କ ମୃତ୍ୟୁରେ ପରିବାର ଲୋକ ସମ୍ପୂର୍ଣ୍ଣ ଭାବେ ଭାଙ୍ଗି ପଡ଼ିଛନ୍ତି।
