ନୂଆଦିଲ୍ଲୀ,୧୮।୪: ଲୋକ ସଭା ନିର୍ବାଚନ ୨୦୧୯ ପାଇଁ ଗୁରୁବାର ସକାଳ ୭ଟାରୁ ମତଦାନ ଆରମ୍ଭ ହୋଇଛି। ଦେଶରେ ପ୍ରାୟ ୧୨ଟି ରାଜ୍ୟରେ ୯୫ଟି ଲୋକ ସଭା ଆସନ ପାଇଁ ଏହି ପର୍ଯ୍ୟାୟରେ ମତଦାନ କରାଯାଉଛି। ଏଥର ବହୁ ବଡ ବଡ ରାଜନେତାଙ୍କର ଭାଗ୍ୟ ପରୀକ୍ଷା ହେଉଛି। ତେବେ ସକାଳୁ ସକାଳୁ ମତଦାନ କେନ୍ଦ୍ରରେ କେତେଜଣ ବଲିଉଡ୍ ସେଲିବ୍ରିଟିଙ୍କୁ ଦେଖିବାକୁ ମିଳିଛି। ଅଭିନେତାରୁ ରାଜନେତା ପାଲଟିଥିବା ସାଉଥ୍ ସୁପରଷ୍ଟାର ରଜନୀକାନ୍ତ ସକାଳୁ ସକାଳୁ ନିଜର ମତଦାନ କରିବା ସହ ସାଧାରଣ ଜନତାଙ୍କୁ ମତଦାନ କରିବାକୁ ଉତ୍ସାହିତ କରିଛନ୍ତି। ସେହିଭଳି କମଲ ହାସନ ଓ ତାଙ୍କ ଝିଅ ଶ୍ରୁତି ହାସନ ମଧ୍ୟ ସକାଳୁ ସକାଳୁ ଲାଇନ୍ରେ ରହି ଭୋଟ ଦେଇଥିବା ଦେଖିବାକୁ ମିଳିଛି।
