ବଲିଉଡ୍ର କୁଲ୍ ହିରୋ ସିଦ୍ଧାର୍ଥ ମଲହୋତ୍ରା। ଖୁବ୍ କମ୍ ଦିନ ମଧ୍ୟରେ ସେ ବଲିଉଡ୍ରେ ବେଶ୍ ନାଁ କରିସାରିଛନ୍ତି। ପରଦା ଉପରେ ଦର୍ଶକ ତାଙ୍କୁ ପସନ୍ଦ ମଧ୍ୟ କରୁଛନ୍ତି। ଏବେ ସେ ଫିଲ୍ମ ‘ମରଜାଓ୍ବା’ କୁ ନେଇ ଚର୍ଚ୍ଚାରେ। ତେବେ ସିଦ୍ଧାର୍ଥ ଷ୍ଟାରଡମ୍ କାରଣରୁ ନିଜ ମନ ପସନ୍ଦର କାମ କରିପାରୁ ନାହାନ୍ତି। ଯାହାକୁ ସେ ସବୁବେଳେ କରିବାକୁ ଚାହାନ୍ତି ବୋଲି ନିକଟରେ ଏକ ସାକ୍ଷାତକାରରେ କହିଛନ୍ତି।
ଆଜି ସିଦ୍ଧାର୍ଥ ଯେଉଁ ସଫଳତା ପାଇଛନ୍ତି ସେଥିପାଇଁ ତାଙ୍କୁ କଠିନ ପରିଶ୍ରମ କରିବାକୁ ପଡ଼ିଥିଲା। ମାତ୍ର ଯେତେବେଳେ ସେ ପଛକୁ ଫେରି ଚାହାନ୍ତି, ତାହା ତାଙ୍କୁ ବହୁତ ଦୁଃଖ ଦେଇଥାଏ। କାରଣ ସଫଳତା ପାଇବା ପରେ ପୂର୍ବଭଳି ତାଙ୍କର ଆଉ ସ୍ବାଧୀନତା ନାହିଁ। ମୁମ୍ବାଇର କୌଣସି ରେଷ୍ଟୁରାଣ୍ଟରେ ବସି ଆଉ ଚା’ ପିଇପାରୁ ନାହାନ୍ତି। ଏଥିସହ ପ୍ରତିଦିନ ସେ ନିଜ କୁକୁରକୁ ବାହାରକୁ ବୁଲାଇବା ପାଇଁ ନେଇ ଯାଉଥିଲେ। ସେମାନେ ଅନେକ ସମୟ ପର୍ଯ୍ୟନ୍ତ ଏକତ୍ର ବାହାରେ ବୁଲୁଥିଲେ। ମାତ୍ର ଏଥିପାଇଁ ଏବେ ତାଙ୍କୁ ରାତି ଅଧରେ ଘରୁ ବାହାରିବାକୁ ପଡ଼ୁଛି ବୋଲି ସିଦ୍ଧାର୍ଥ କହିଛନ୍ତି।
