ଭୁବନେଶ୍ୱର,୩।୧: ବ୍ୟାଙ୍କ ଅଫ ଇଣ୍ଡିଆ (ବିଓଆଇ)ର ନୂତନ ସେବା ‘ନ୍ୟାଶନାଲ ବ୍ୟାଙ୍କିଙ୍ଗ ଗ୍ରୁପ’ (ଏନବିଜି) ବିଓଆଇର ଜୟଦେବ ବିହାରସ୍ଥିତ ପ୍ରମୁଖ ଶାଖା (ଷ୍ଟାର ହାଉସ)ର ପ୍ରଥମ ମହଲାରେ ଉଦଘାଟିତ ହୋଇଯାଇଛି। ଏହି ଅବସରରେ ବିଓଆଇର ଏମଡି ତଥା ସିଇଓ ଏ.କେ. ଦାସ ସମ୍ମାନିତ ଅତିଥି ଭାବେ ଯୋଗ ଦେଇ ଏହାର ଉଦଘାଟନ କରିଥିଲେ। ଏହି ପରିପ୍ରେକ୍ଷୀରେ ସେ କହିଥିଲେ ଓଡିଶା ବର୍ତ୍ତମାନ ଏକ ବିକଶିତ ରାଜ୍ୟରେ ପରିଣତ ହୋଇଛି। ଏଠାକାର ପରିବେଶ ଓ ପ୍ରଶାସନ ବିଶେଷ ବ୍ୟବସାୟିକ ମନୋଭାବ ପ୍ରଦର୍ଶନ କରୁଥିବାରୁ ନୂଆ ସମ୍ଭାବନା ସୃଷ୍ଟି ହୋଇଛି। ରାଜ୍ୟର ବିକାଶ ଓ ବ୍ୟବସାୟିକ ପରିସ୍ଥିତିର ସମ୍ଭାବନାକୁ ଆଖି ଆଗରେ ରଖି ବ୍ୟାଙ୍କ ଓଡିଶାର ଭୁବନେଶ୍ୱରଠାରେ ଏହି ନୂତନ ସେବା ଏନବିଜିର ଶୁଭାରମ୍ଭ କରିଥିବା ବିଷୟରେ ଦାସ ବିସ୍ତୃତ ଆଲୋକପାତ କରିଥିଲେ। ବିଶେଷ କରି ବିଓଆଇ ରିଟେଲ, ଏମଏସଏମଇ, କୃଷି ଓ କର୍ପୋରେଟ କ୍ଷେତ୍ରକୁ ଅଧିକ ଗୁରୁତ୍ୱାରୋପ କରୁଥିବା ଦାସ ମତବ୍ୟକ୍ତ କରିଛନ୍ତି। ଅନ୍ୟମାନଙ୍କ ମଧ୍ୟରେ ବିଓଆଇ ବହୁ ବରିଷ୍ଠ ଅଧିକାରୀ ଓ ଅନ୍ୟମାନେ ଉପସ୍ଥିତ ଥିଲେ।
