ନୂଆଦିଲ୍ଲୀ,୧୭।୮: ବ୍ୟାଙ୍କ ଅଫ୍ ଇଣ୍ଡିଆ (ବିଓଆଇ)ର ଭୁବନେଶ୍ୱର ଅଞ୍ଚଳ ପକ୍ଷରୁ ଆୟୋଜିତ ଏକ ଗ୍ରାହକ ସଂଯୋଗୀକରଣ କାର୍ଯ୍ୟକ୍ରମ ନିକଟରେ ଅନୁଷ୍ଠିତ ହୋଇଯାଇଛି। ଉକ୍ତ କାର୍ଯ୍ୟକ୍ରମରେ ବିଓଆଇର ମୁମ୍ବାଇସ୍ଥିତ ମୁଖ୍ୟ କାର୍ଯ୍ୟାଳୟର ମୁଖ୍ୟ ମହାପ୍ରବନ୍ଧକ ସୁଧୀରଞ୍ଜନ ପାଢ଼ୀ ସମ୍ମାନିତ ଅତିଥି ଭାବେ ଯୋଗଦେବା ସହ ଗ୍ରାହକମାନଙ୍କୁ ସେମାନଙ୍କର ବ୍ୟାଙ୍କ ପ୍ରତି ଥିବା ସମର୍ଥନ ପାଇଁ କୃତଜ୍ଞତା ଜଣାଇବା ସହିତ ଆର୍ଥିକ ଅଭିବୃଦ୍ଧି ପାଇଁ ବିଓଆଇ ବ୍ୟବସାୟ ତଥା ବ୍ୟକ୍ତିବିଶେଷଙ୍କୁ ସହାୟତା ପ୍ରଦାନ କରିବା ଜାରି ରଖିବ ବୋଲି ପ୍ରତିଶ୍ରୁ୍ରତି ଦେଇଥିଲେ।
ସେହିଭଳି ସାମାଜିକ ସୁରକ୍ଷା ଯୋଜନା ଏହଂ ବିଭିନ୍ନ ଡିଜିଟାଲ ଉପତ୍ାଦ ଯଥା ପ୍ରଧାନମନ୍ତ୍ରୀ ସୁରକ୍ଷା ବୀମା ଯୋଜନା (ପିଏମ୍ଏସ୍ବିୱାଇ), ପ୍ରଧାନମନ୍ତ୍ରୀ ଜୀବନଜ୍ୟୋତି ବୀମା ଯୋଜନା (ପିଏମ୍ଜେଜେବିୱାଇ ), ଅଟଳ ପେନ୍ସନ ଯୋଜନା (ଏପିୱାଇ), ମୋବାଇଲ ବ୍ୟାଙ୍କିଙ୍ଗ୍, କ୍ୟୁ ଆର୍ କୋଡ୍, ପିଓଏସ୍ ଆଦିକୁ କାର୍ଯ୍ୟକାରୀ କରାଇବାରେ ବିଓଆଇ ପ୍ରମୁଖ ଭୂମିକା ଗ୍ରହଣ କରିଛି। ଅପରପକ୍ଷରେ ବ୍ୟାଙ୍କ ପକ୍ଷରୁ ୧୦୦ କୋଟି ଟଙ୍କାର ଋଣ ଅନୁମୋଦନ କରାଯାଇଥିବା ବେଳେ ସରକାରୀ ଯୋଜନାର ହିତାଧିକାରୀମାନଙ୍କୁ ଋଣ ମଞ୍ଜୁରୀ ପତ୍ର ପ୍ରଦାନ କରାଯାଇଥିଲା। ବିଶେଷକରି ଏମ୍ଏସ୍ଏମ୍ଇ, କୃଷି, ରିଟେଲ୍, ପ୍ରଧାନମନ୍ତ୍ରୀ ମୁଦ୍ରା ଯୋଜନା, ସ୍ବୟଂ ସହାୟକ ଗୋଷ୍ଠୀ ଋଣ, ଷ୍ଟାଣ୍ଡ୍ ଅପ୍ ଇଣ୍ଡିଆ, ପ୍ରଧାନ ମନ୍ତ୍ରୀ ସ୍ବନିଧି ଯୋଜନା ଅଧୀନ ଋଣ ଏହି ଗ୍ରାହକ ସଂଯୋଗୀକରଣ କାର୍ଯ୍ୟକ୍ରମରେ ଅନ୍ତର୍ଭୁକ୍ତ କରାଯାଇଥିଲା।
ଏହି ଅବସରରେ ବ୍ୟାଙ୍କ ଅଫ୍ ଇଣ୍ଡିଆ ଏନ୍ବିଜି-ଓଡିଶାର ମହାପ୍ରବନ୍ଧକ ବିକ୍ରମ କେଶରୀ ମିଶ୍ର,ଏନ୍ବିଜି-ଓଡ଼ିଶାର ଉପ-ମହାପ୍ରବନ୍ଧକ ଆର୍.ଏନ୍ . ସରକାର, ବ୍ୟାଙ୍କର ଭୁବନେଶର ଅଞ୍ଚଳର ଆଞ୍ଚଳିକ ପ୍ରବନ୍ଧକ ଏସ୍.ମଳୟ ଦାସ ପ୍ରମୁଖ ଉପସ୍ଥିତ ଥିଲେ। ବ୍ୟାଙ୍କ ଅଫ୍ ଇଣ୍ଡିଆର ଏହି ଗ୍ରାହକ ସଂଯୋଗୀକରଣ କାର୍ଯ୍ୟକ୍ରମ ଗ୍ରାହକମାନଙ୍କ ପ୍ରତି ଥିବା ବ୍ୟାଙ୍କର ପ୍ରତିବଦ୍ଧତାକୁ ଦର୍ଶାଉଛି। ବ୍ୟାଙ୍କର ଏହି ପଦକ୍ଷେପ ଗ୍ରାହକମାନଙ୍କ ବିଶ୍ୱାସକୁ ଦୃଢୀଭୂତ କରିବା ସହ ବ୍ୟାଙ୍କକୁ ଏକ ଉତ୍ତମ ବ୍ୟାଙ୍କିଙ୍ଗ୍ ପାର୍ଟନର ରୂପେ ଅବସ୍ଥାପିତ କରିପାରିବ। ଉକ୍ତ କାର୍ଯ୍ୟକ୍ରମରେ ୧୨୦ଜଣରୁ ଊର୍ଦ୍ଧ୍ୱ ଗ୍ରାହକ ଯୋଗ ଦେଇଥିଲେ।
