ଭୁବନେଶ୍ୱର,୪।୧୦: ଆଗକୁ ଆସୁଛି ଶୀତ ଋତୁ। ଶୀତରେ କରୋନା ସଂକ୍ରମଣ ବଢିବା ଆଶଙ୍କା କରି ଭୁବନେଶ୍ୱର ମହାନଗର ନିଗମ(ବିଏମ୍ସି) ପୁଣି କୋଭିଡ୍ କଟକଣାକୁ କଠୋର କରିଛିି। ବିବାହ, ବ୍ରତ ଓ ଶୁଦ୍ଧି କାର୍ଯ୍ୟରେ ସର୍ବାଧିକ ୫୦ ଜଣଙ୍କୁ ଅନୁମତି ମିଳିବ ବୋଲି ସୋମବାର ବିଏମ୍ସି ପକ୍ଷରୁ ଏକ ଗାଇଡ୍ଲାଇନ୍ ଜାରି କରାଯାଇଛି। ଏପରି କି କାର୍ଯ୍ୟକ୍ରମ ଆୟୋଜକ ପ୍ରବେଶ ସ୍ଥାନରେ ଥର୍ମାଲ ସ୍କ୍ରିନିଂ ବ୍ୟବସ୍ଥା କରିବେ। କେବଳ ଖାଇବା ସମୟ ଛଡ଼ା ଅନ୍ୟ ସବୁଠି ମାସ୍କ ପିନ୍ଧିବାକୁ ବାଧ୍ୟତାମୂଳକ କରାଯାଇଛି। ଗାଇଡ୍ଲାଇନ ଉଲ୍ଲଂଘନ କଲେ ଆୟୋଜକ ଓ ମଣ୍ଡପ ମାଲିକଙ୍କୁ ଆଇନ ଅନୁଯାୟୀ କାର୍ଯ୍ୟନୁଷ୍ଠାନ ଗ୍ରହଣ ବିଏମ୍ସି ପକ୍ଷରୁ କୁହାଯାଇଛି।
ତେବେ ଆଗକୁ ପାର୍ବଣ ଓ ଶୀତ ଆସୁଥିବାରୁ କୋଭିଡ୍ କଟକଣାକୁ ପୁଣି କଡାକଡି କରାଯାଉଛି। ଦୋକାନ ବଜାର, ସପିଂ ମଲ ଓ ବାହାରେ ଭିଡ ନ କରିବାକୁ ବିଏମ୍ସି ପକ୍ଷରୁ ଜନସାଧାରଣଙ୍କୁ ନିବେଦନ କରାଯାଉଛି।
