ମୁମ୍ବାଇ,୨୬।୧୨: ଶେୟାର ମାର୍କେଟରେ ଧମାକାଦାର ଏଣ୍ଟ୍ରି କରିଛି ମୋତିସନ୍ସ ଜୁଏଲର୍ସ। ନ୍ୟାସନାଲ ଷ୍ଟକ ଏକ୍ସଚେଞ୍ଜ(ଏନଏସଇ)ରେ କମ୍ପାନୀର ଶେୟାର ୯୮.୧୮% ପ୍ରିମିୟମ ସହିତ ୧୦୯ ଟଙ୍କାରେ ତାଲିକାଭୁକ୍ତ ହୋଇଥିଲା। ସେହିଭଳି ବମ୍ବେ ଷ୍ଟକ ଏକ୍ସଚେଞ୍ଜ(ବିଏସଇ)ରେ ୧୦୩.୯୦ ଟଙ୍କାରେ ତାଲିକାଭୁକ୍ତ ହୋଇଥିଲା। ପୂର୍ବରୁ ବିଶେଷଜ୍ଞମାନେ ଆକଳନ କରିଥଲେ କି ଏହି ଶେୟାର ପ୍ରାୟ ୧୧୫ ରୁ ୧୨୫ ଟଙ୍କାରେ ତାଲିକାଭୁକ୍ତ ହୋଇପାରେ।
ଆଶାଠାରୁ କମ୍ ଥିଲା ମଧ୍ୟ ନିବେଶକମାନେ ତଥାପି ବିପୁଳ ଲାଭ ପାଇଛନ୍ତି। ଏହି ଆଇପିଓ ସମସ୍ତ ବର୍ଗରେ ଜବରଦସ୍ତ ପ୍ରତିକ୍ରିୟା ପାଇଛି। ସବସ୍କ୍ରିପସନର ତୃତୀୟ ଦିନରେ, ମୋତିସନ୍ସ ଜୁଏଲର୍ସ ଆଇପିଓ ସମସ୍ତ ବର୍ଗରୁ ଜବରଦସ୍ତ ପ୍ରତିକ୍ରିୟା ପାଇଛି। ଶେଷ ଦିନରେ ମୋଟ ସବସ୍କ୍ରିପସନ ସଂଖ୍ୟା ୧୫୯.୬୧ ଗୁଣା ଥିଲା। ଦ୍ୱିତୀୟ ଦିନ ଶେଷରେ ମୋତିସନ୍ସ ଆଇପିଓ ସବସ୍କ୍ରିପସନ୍ ସ୍ଥିତି ୫୧.୫୦ ଥର ଥିଲା। ପ୍ରଥମ ଦିନ ଶେଷରେ ମୋଟିସନ୍ ଆଇପିଓ ୧୫.୦୨ ଥର ସବସ୍କ୍ରିପସନ୍ ହୋଇଥିଲା।
Congratulations Motisons Jewellers Limited on getting listed on NSE today at our Exchange @NSEIndia. Motisons Jewellers Limited , sells gold, diamond and kundan jewellery as well as other jewellery products. The Public issue price was of INR 151.09 Cr#NSEIndia #listing #IPO… pic.twitter.com/bgOq8Suxn1
— NSE India (@NSEIndia) December 26, 2023
ଡିସେମ୍ବର ୧୮ ତାରିଖ ସୋମବାର ମୋତିସନ୍ସ ଜୁଏଲର୍ସ ଆଇପିଓ ଖୋଲିଥିବା ବେଳେ ୨୦ ତାରିଖ ବୁଧବାର ବନ୍ଦ ହୋଇଥିଲା। ମୋତିସନ୍ସ ଜୁଏଲର୍ସ ଶୁକ୍ରବାର, ଡିସେମ୍ବର ୧୫ ରେ ଆଙ୍କର୍ ନିବେଶକମାନଙ୍କଠାରୁ ୩୬.୩ କୋଟି ଟଙ୍କା ହାସଲ କରିଥିଲା। ମୋଟିସନ୍ ଜୁଏଲର୍ସ ଆଇପିଓ ପ୍ରାଇସ୍ ଇକ୍ୱିଟି ସେୟାର ପ୍ରତି ୫୨ ରୁ ୫୫ ଟଙ୍କା ମଧ୍ୟରେ ଥିଲା।
ମୋତିସନ୍ସ ଜୁଏଲର୍ସ ଆଇପିଓର ଆକାର ୧୫୧ କୋଟି ଟଙ୍କା ଥିଲା। ଏହି ଆଇପିଓରେ ଯୋଗ୍ୟ ଅନୁଷ୍ଠାନ କ୍ରେତାମାନଙ୍କ ପାଇଁ ୫୦ ପ୍ରତିଶତ ଅଂଶ, ଅଣ-ଅନୁଷ୍ଠାନିକ କ୍ରେତାମାନଙ୍କ ପାଇଁ ୧୫ ପ୍ରତିଶତ ଏବଂ ଖୁଚୁରା ନିବେଶକାରୀଙ୍କ ପାଇଁ ୩୫ ପ୍ରତିଶତ ଅଂଶ ସଂରକ୍ଷିତ କରାଯାଇଥିଲା।
ମୋତିସନ୍ସ ଜୁଏଲର୍ସ ଜୟପୁରର ଏକ ପ୍ରସିଦ୍ଧ ଅଳଙ୍କାର ବ୍ରାଣ୍ଡ, ଯାହା ସୁନା, ହୀରା ଏବଂ କୁନ୍ଦନ ଅଳଙ୍କାରରେ କାରବାର କରେ। ୧୯୯୭ ରେ କମ୍ପାନୀ ପ୍ରତିଷ୍ଠା ହୋଇଥିଲା। ଆଇପିଓ ମାଧ୍ୟମରେ ପାଇଥିବା ଟଙ୍କା କମ୍ପାନୀ ପୁଞ୍ଜି ଏବଂ ସାଧାରଣ କର୍ପୋରେଟ୍ ଉଦ୍ଦେଶ୍ୟ ପୂରଣ ପାଇଁ ବ୍ୟବହାର କରିବ। ଏହା ସହିତ କିଛି ପାଣ୍ଠି ଋଣ ପରିଶୋଧ କରିବାକୁ ବ୍ୟବହୃତ ହେବ।
