ମୁମ୍ବାଇ,୧୭।୪ : ସୋମବାର ଦିଲ୍ଲୀ ବିଧାନସଭାର ଏକ ଦିନିକିଆ ସ୍ବତନ୍ତ୍ର ଅଧିବେଶନ ଡକାଯାଇଛି। ଏକ୍ସାଇଜ ନୀତି ପ୍ରସଙ୍ଗରେ ଦିଲ୍ଲୀ ମୁଖ୍ୟମନ୍ତ୍ରୀ ଅରବିନ୍ଦ କେଜରିୱାଲଙ୍କୁ ପଚରାଉଚରା କରାଯିବାର ଗୋଟିଏ ଦିନ ପରେ ଏହି ସ୍ବତନ୍ତ୍ର ଅଧିବେଶନକୁ ଡକାଯାଇଛି। ଏହି ଅଧିବେଶନ ଆରମ୍ଭରେ, ଏଏପି ବିଧାୟକ ସଞ୍ଜୀବ ଝା ନିଜର ମତ ରଖିଥିଲେ। ସେ କହିଛନ୍ତି ଗଣମାଧ୍ୟମରେ ଖବର ଆସୁଛି ଉପରାଜ୍ୟପାଳ କହୁଛନ୍ତି ଗୃହର ଅଧିବେଶନ ଡକାଯାଇପାରିବ ନାହିଁ। ଯେତେବେଳେ ଉପରାଜ୍ୟପାଳ ଏଭଳି ଦ୍ୱନ୍ଦ୍ୱପୂର୍ଣ୍ଣ କଥାବାର୍ତ୍ତା କରନ୍ତି ତାହା ଚିନ୍ତା କରିବାର ବିଷୟ। ଏହା ଜଣେ ବ୍ୟକ୍ତିର ବିଷୟ ନୁହେଁ, ଏହା ଏକ ସାମ୍ବିଧାନିକ ପଦବୀ ଏବଂ ସାମ୍ବିଧାନିକ ପଦର ସମ୍ମାନ ରହିଛି। ଏଭଳି ମନ୍ତବ୍ୟ ସାମ୍ବିଧାନିକ ଅନୁଷ୍ଠାନକୁ ଏକ ପ୍ରକାର ପରିହାସ କରୁଛି। ଦିଲ୍ଲୀକୁ ପରିହାସ କରାଯାଇଛି। ମୁଁ ଭାବୁଛି ଉପରାଜ୍ୟପାଳ ଦିଲ୍ଲୀକୁ ବୁଛନ୍ତି ନାହିଁ। ତେଣୁ ଦିଲ୍ଲୀ ଜାଣିଥିବା ଜଣେ ବ୍ୟକ୍ତିଙ୍କୁ ଉପରାଜ୍ୟପାଳ କରାଯିବା ଉଚିିତ।
ଉପରାଜ୍ୟପାଳଙ୍କର ସମ୍ବିଧାନ ଏବଂ ଗଣତାନ୍ତ୍ରିକ ମୂଲ୍ୟବୋଧ ବିଷୟରେ ଜ୍ଞାନ ରହିବା ଉଚିତ। ଯାହା ବର୍ତ୍ତମାନର ଉପରାଜପାଳଙ୍କ ପାଖରେ ନାହିଁ। ସେ ସିଧାସଳଖ ଗୃହକୁ କୌଣସି ବାର୍ତ୍ତା ଦେଇପାରିବେ ନାହିଁ।
ଉପରାଜ୍ୟପାଳ ପଦର ସମ୍ମାନକୁ ସମ୍ମାନ ଦିଆଯିବା ଉଚିତ କିନ୍ତୁ ଜଣେ ବ୍ୟକ୍ତି ଯିଏ ବିଭାଜନ ପାଇଁ ନିରନ୍ତର କାର୍ଯ୍ୟ କରୁଛନ୍ତି, ସେ ଦଳର ଏଜେଣ୍ଟ ଭାବରେ କାର୍ଯ୍ୟ କରୁଛନ୍ତି। ଏଭଳି ମନ୍ତବ୍ୟ ପ୍ରଦାନ କରୁଥିବା ବ୍ୟକ୍ତିଙ୍କୁ କିପରି ବିଶ୍ୱାସ କରାଯିବ?
ଦିଲ୍ଲୀ ସରକାରଙ୍କୁ ଅସ୍ଥିର କରିବା ପାଇଁ ଭାଜପା ଷଡ଼ଯନ୍ତ୍ର କରିଛି। ସେଥିପାଇଁ ମୁଖ୍ୟମନ୍ତ୍ରୀ ଅରବିନ୍ଦ କେଜରିଓ୍ବାଲଙ୍କୁ ପଚରାଉଚରା କରାଯାଉଛି।
