ସୋରଡା,୨।୪(ଲମ୍ବୋଦର ପାଣିଗ୍ରାହୀ): ଭାଜପା ସୋରଡା ବିଧାୟକ ପ୍ରାର୍ଥୀ ଭାବେ ନୀଳମଣି ବିଶୋୟୀଙ୍କୁ ଟିକେଟ୍ ଦେଇଛି। ୩ ଥରର ବିଧାୟକ ପ୍ରାର୍ଥୀ ନୀଳମଣିଙ୍କୁ ମଙ୍ଗଳବାର ଦଳୀୟ ପ୍ରାର୍ଥୀ ଭାବେ ଘୋଷଣା ହେବାପରେ ଏଠାରେ ରାଜନୈତିକ ମାହୋଲ ସରଗରମ ହୋଇ ଉଠିଛି। ତାଙ୍କ ସମର୍ଥକମାନେ ଏଠାରେ ଆନନ୍ଦିତ ହୋଇ ବାଣ ଫୁଟାଇବା ସହ ସହ ମିଠା ବଣ୍ଟନ କରିଛନ୍ତି। ନୀଳମଣିଙ୍କ ଗାଙ୍ଗପୁର ବାସଭବନରେ ସମର୍ଥକ ମାନଙ୍କ ଭିଡ ଜମିଛି। ସୋରଡା ବିଧାନସଭା ନିର୍ବାଚନ ମଣ୍ଡଳୀ ସୋରଡା ଏନଏସିର ୧୧ଟି ୱାର୍ଡ ୨୬ ପଞ୍ଚାୟତ ଓ ବେଲଗୁନ୍ଥା ଏନଏସିର ୧୩ଟି ୱାର୍ଡ ଓ ୧୮ଟି ପଞ୍ଚାୟତକୁ ନେଇ ଗଠିତ। ନୀଳମଣିଙ୍କୁ ଦଳ ପୁଣି ଆସ୍ଥା ଭାଜନ କରିଥିବାରୁ ଏଠାରେ ମଣ୍ଡଳ ସଭାପତି ରାଧା ମୋହନ ସାଇଁ, ଶିବ ଦିଗାଲ ସମେତ ବହୁ ସମର୍ଥକ ରାଜ୍ୟ ସଭାପତି ମନ ମୋହନ ସାମଲ ଓ ରାଷ୍ଟ୍ରୀୟ ସଭାପତି ଜେପି ନଡା,ପ୍ରଧାମନ୍ତ୍ରୀ ନରେନ୍ଦ୍ର ମୋଦିଙ୍କୁ ସାଧୁବାଦ ସହ କୃତଜ୍ଞତା ଜଣାଇଛନ୍ତି ।
