ଜୟପୁର,୨୩।୧: ଭାଜପା ରାଷ୍ଟ୍ରୀୟ ଅଧ୍ୟକ୍ଷ ଜେ.ପି. ନଡ୍ଡା ପୁଣି ରାଜସ୍ଥାନରୁ ବୋହୂ ଆଣିବାକୁ ଯାଉଛନ୍ତି। ବଡ଼ ପୁଅ ପରେ ଏବେ ରାଜସ୍ଥାନ ଝିଅ ରିଦ୍ଧି ସହ ସାନପୁଅ ହରିଶଙ୍କ ବିବାହ କରାଇବାକୁ ଯାଉଛନ୍ତି ନଡ୍ଡା। ଏଥିପାଇଁ ସମସ୍ତ ପ୍ରସ୍ତୁତି ଶେଷ ହୋଇଛି। ଆସନ୍ତା ଜାନୁଆରୀ ୨୫ରେ ହରିଶ ଏବଂ ରିଦ୍ଧିଙ୍କ ବିବାହ ଜୟପୁରର ‘ରାଜମହଲ ପ୍ୟାଲେସ ହୋଟେଲ’ରେ ରାଜକୀୟ ଶୈଳୀରେ ଅନୁଷ୍ଠିତ ହେବ।
ରିଦ୍ଧି ଜୟପୁରର ଏକ ହୋଟେଲ ଗ୍ରୁପ ସହିତ ଜଡିତ ଜଣେ ଜଣାଶୁଣା ବ୍ୟବସାୟୀ ରମାକାନ୍ତ ଶର୍ମାଙ୍କ ଝିଅ ଏବଂ ଉମାଶଙ୍କର ଶର୍ମାଙ୍କ ନାତୁଣୀ। ୨୪ ଜାନୁଆରୀରେ ବିବାହ ସମାରୋହର ବିଭିନ୍ନ ରୀତିନୀତି ଆରମ୍ଭ ହେବ। ବିବାହ ସମାରୋହ ୨୫ ଜାନୁଆରୀ ସାରେ ହେବ। ରାତି ୮ଟାରୁ ବିବାହ ରିସେପ୍ସନ କାର୍ଯ୍ୟକ୍ରମ ହେବ। ବହୁ ରାଜନେତା, ବ୍ୟବସାୟୀ ଏବଂ ସେଲିବ୍ରିଟି ହରିଶଙ୍କ ବିବାହ ଉତ୍ସବରେ ଯୋଗଦେବେ।
ଫେବୃଆରୀ ୨୦୨୦ରେ ଜେପି ନଡ୍ଡାଙ୍କ ବଡ ପୁଅ ଗିରିଶ ରାଜସ୍ଥାନର ବ୍ୟବସାୟୀ ଅଜୟ ଜୟନୀଙ୍କ ଝିଇ ପ୍ରାଚିଙ୍କୁ ବିବାହ କରିଥିଲେ। ହିମାଚଳ ପ୍ରଦେଶ ଏବଂ ରାଜସ୍ଥାନ ରୀତିନୀତି ଅନୁଯାୟୀ ପୁଷ୍କର ଗୁଲାବ ବାଗ ପ୍ୟାଲେସରେ ଏହି ବିବାହ ହୋଇଥିଲା। ଏହି ବିବାହ ପରେ ମଧ୍ୟ ଦିଲ୍ଲୀରେ ରିସେପ୍ସନ ଅନୁଷ୍ଠିତ ହୋଇଥିଲା।
