ନୂଆଦିଲ୍ଲୀ, ୧୩।୦୭: ଅଯୋଧ୍ୟା ଆସନ ହରାଇ ଚର୍ଚ୍ଚାରେ ଥିବା ଭାରତୀୟ ଜନତା ପାର୍ଟି ଆଉ ଗୋଟିଏ ଧାର୍ମିକ ସ୍ଥଳ ଆସନ ହରାଇ ଏବେ ପୁଣିଥରେ ଚର୍ଚ୍ଚାକୁ ଆସିଛି । ଭାଜପା ଉତ୍ତରାଖଣ୍ଡରେ ହୋଇଥିବା ଉପ-ନିର୍ବାଚନରେ ବଦ୍ରିନାଥ ଆସନ ହରାଇଛି । ମଙ୍ଗଲୋର ସିଟ୍ ଉପରେ ଭାଜପାର କେବେ ବି କବ୍ଜା ନଥିବା ବେଳେ ବଦ୍ରିନାଥ ସିଟ୍ ଭାଜପା ପାଇଁ ଖାସ୍ ଥିଲା । ହେଲେ ଉତ୍ତରାଖଣ୍ଡ ଉପନିର୍ବାଚନରେ ଭାଜପାକୁ ଶକ୍ତ ଧକ୍କା ଲାଗିଛି । ଦଳ ମଙ୍ଗଲୋର ସହ ବଦ୍ରିନାଥ ଆସନ ମଧ୍ୟ ହରାଇଛି ।
ମଙ୍ଗଲୋର ଆସନରୁ ଦଳ କରତାର ସିଂ ଭଡ଼ାନାଙ୍କୁ ପ୍ରାର୍ଥୀ କରିଥିଲା । ହେଲେ ଭଡ଼ାନା କଂଗ୍ରେସ ପ୍ରାର୍ଥୀ ମହମ୍ମଦ ନିଜାମୁଦ୍ଦିନଙ୍କ ଠାରୁ ପରାସ୍ତ ହୋଇଛନ୍ତି । ଅନ୍ୟପଟେ ବଦ୍ରିନାଥ ଆସନରେ ଭାଜପା ରାଜେନ୍ଦ୍ର ଭଣ୍ଡାରୀଙ୍କ ଉପରେ ଭରସା କରି ଟିକେଟ୍ ଦେଇଥିବା ବେଳେ ଦଳକୁ ପରାଜୟର ସାମ୍ନା କରିବାକୁ ପଡ଼ିଛି । କଂଗ୍ରେସର ଲଖପତ ସିଂ ବୁଟେଲାଙ୍କ ନିକଟରୁ ରାଜେନ୍ଦ୍ର ହାରି ଯାଇଛନ୍ତି । ଏହି ଦୁଇ ଆସନରେ ଜିତିବା ନେଇ କଂଗ୍ରେସ ନିଜ ଉପରେ ଭରସା ରଖିଥିଲା । କଂଗ୍ରେସ ସହ ଲମ଼୍ବା ସମୟ ଧରି ରହିଥିବା ଦୁଇ ନେତାଙ୍କୁ ଦଳ ପ୍ରାର୍ଥୀ କରିଥିଲା ଏବଂ ଏବେ ଦୁଇ ଆସନ ହାସଲ କରିଛି ।
