ନୂଆଦିଲ୍ଲୀ,୨୬।୪ : ହେବାକୁ ଥିବା ବିଧାନସଭା ନିର୍ବାଚନକୁ ନେଇ କର୍ନାଟକରେ ରାଜନୈତିକ ଆରୋପ ପ୍ରତ୍ୟାରୋପ ଜାରି ରହିଛି। ଏଭଳି ପରିସ୍ଥିତିରେ ସମସ୍ତ ଦଳର ନେତାମାନେ ପରସ୍ପର ଉପରେ କଡ଼ା ବିବୃତ୍ତି ଦେବାର ସୁଯୋଗ ଛାଡୁ ନାହାଁନ୍ତି। ଏବେ କଂଗ୍ରେସ ପୁଣି ଥରେ ଭାଜପାକୁ ଟାର୍ଗେଟ କରିଛି। କଂଗ୍ରେସ ଏମପି ରଣଦୀପ ସୁରଜେୱାଲା ଭାଜପା ଲୋକଙ୍କୁ ଠକୁଥିବା ଅଭିଯୋଗ କରିଛନ୍ତି।
ସୁରଜେୱାଲା କହିଛନ୍ତି, ଗତକାଲି ସୁପ୍ରିମକୋର୍ଟରେ ଏକ ବିବୃତ୍ତି ମାଧ୍ୟମରେ ଭାଜପା ଏବଂ ମୁଖ୍ୟମନ୍ତ୍ରୀ ବାସବରା ବୋମାଇ ସରକାର ନିଜର ୨୭ ମାର୍ଚ୍ଚ ୨୦୨୩ର ସଂରକ୍ଷଣ ଉପରେ ରୋକ ଆଦେଶକୁ ଅଟକାଇ ରଖି ପାପ କରିଛନ୍ତି। ସଂରକ୍ଷଣ ନାମରେ ଭାଜପା ସମସ୍ତଙ୍କୁ ପ୍ରତାରଣା କରୁଛି। ଲୋକଙ୍କୁ ଭ୍ରମିତ କରି ଠକିବାରେ ଲାଗିଛି।
ସୂଚନାଯୋଗ୍ୟ, କର୍ନାଟକ ନିର୍ବାଚନ ମଧ୍ୟରେ ବରିଷ୍ଠ ନେତା କେ.ଏସ .ଇଶ୍ୱରପ୍ପା ମଙ୍ଗଳବାର କହିଥିଲେ ଭାଜପା ରାଷ୍ଟ୍ରୀୟ ମହାସଚିବ ସିଟି ରବି ରାଜ୍ୟର ମୁଖ୍ୟମନ୍ତ୍ରୀ ହୋଇପାରନ୍ତି। ମୁଖ୍ୟମନ୍ତ୍ରୀ ହେବା ପାଇଁ ତାଙ୍କର ସମସ୍ତ ଯୋଗ୍ୟତା ରହିଛି। ସେ ଜଣେ ଭଲ ନେତା। ସେ ଚିକକାମାଲୁରୁରେ ବହୁତ ଭଲ କାମ କରିଛନ୍ତି। ମୁଁ ଏହା କହୁ ନାହିଁ ଯେ ସେ ପରବର୍ତ୍ତୀ ମୁଖ୍ୟମନ୍ତ୍ରୀ ହେବେ। ଏସବୁ କହିବାର ମୋର ଶକ୍ତି ନାହିଁ, କିନ୍ତୁ ସେ ବହୁତ ଭଲ କାମ କରୁଛନ୍ତି। ଭବିଷ୍ୟତରେ ସେ ମୁଖ୍ୟମନ୍ତ୍ରୀ ହୋଇପାରିବେ। ମୁଁ ତାଙ୍କୁ ଭୋଟ ଦେବାକୁ ଜନସାଧାରଣଙ୍କୁ ନିବେଦନ କରୁଛି ।
ଏହି ବିବୃତ୍ତି ନେଇ ସିଟି ରବି କହିଛନ୍ତି, ଆମେ କର୍ନାଟକ ମୁଖ୍ୟମନ୍ତ୍ରୀ ବାସବରାଜ ବୋମରଇଙ୍କ ନେତୃତ୍ୱରେ ନିର୍ବାଚନରେ ପ୍ରତିଦ୍ୱନ୍ଦ୍ୱିତା କରୁଛୁ। ଆଜି କେତେକ ଲୋକ ମୋ ବିଷୟରେ କହୁଛନ୍ତି, ଯେଉଁ ଦିନ ସମଗ୍ର ରାଜ୍ୟର ଲୋକମାନେ ଏଭଳି କହିବେ, ସେଦିନ ମୁଁ ମୁଖ୍ୟମନ୍ତ୍ରୀ ହେବାକୁ ପ୍ରସ୍ତୁତ ହେବି। କିନ୍ତୁ ଆଜି ବୋମାଇ ହେଉଛନ୍ତିି ମୁଖ୍ୟମନ୍ତ୍ରୀ।
