ନୂଆଦିଲ୍ଲୀ,୧୦।୮ : ଶାସକ ଦଳ ଭାଜପା ପକ୍ଷରୁ ରାହୁଲ ଗାନ୍ଧୀଙ୍କ ଫ୍ଲାଇଙ୍ଗ କିସ୍ ଅଭିଯୋଗ ନେଇ ଶିବସେନା (ୟୁବିଟି) ମୁହଁ ଖୋଲିଛି। ଶିବସେନା (ୟୁବିଟି) ରାଜ୍ୟସଭା ଏମପି ପ୍ରିୟଙ୍କା ଚତୁର୍ବେଦୀ ଭାଜପାକୁ ସମାଲୋଚନା କରିଛନ୍ତି। ସେ ରାହୁଲଙ୍କୁ ସମର୍ଥନ କରି କହିଛନ୍ତି ରାହୁଲ କେବଳ ଏକ ପ୍ରେମପୂର୍ଣ୍ଣ ଅଙ୍ଗଭଙ୍ଗୀ କରିଛନ୍ତି। ଏଥିରେ କାହାର କାହିଁକି ଆଉ କେଉଁଠି ଅସୁବିଧା ରହିଲା।
ମୁଁ ବୁଝିପାରୁ ନାହିଁ ସେ କହୁଥିବା ସମୟରେ ସମସ୍ତ ମନ୍ତ୍ରୀ ଛିଡା ହୋଇଥିଲେ। ମନ୍ତ୍ରୀମାନେ ବାଧା ସୃଷ୍ଟି କରୁଥିଲେ। ସେ ଏକ ପ୍ରେମପୂର୍ଣ୍ଣ ଅଙ୍ଗଭଙ୍ଗୀ କରିଥିଲେ, ଏଥିରେ ଆପଣଙ୍କର ଅସୁବିଧା କଣ? ଭାଜପା ଦେଶରେ ଘୃଣା ଦୋକାନ ଖୋଲିଛି। ଦଳ ଘୃଣାଭାବରେ ଏତେ ଅଭ୍ୟସ୍ତ ହୋଇଛି ଯେ ଏହାର ନେତାମାନେ କୌଣସି ପ୍ରେମ, ସ୍ନେହ ଭାବନା ବୁଝିିବାରେ ବିଫଳ ହୋଇଛନ୍ତି। ସେ କହିଛନ୍ତି, ଆପଣ ରାହୁଲ ଗାନ୍ଧୀଙ୍କୁ ଏମପି ଭାବେ ଅଯୋଗ୍ୟ କରି ତାଙ୍କୁ ବାସଭବନରୁ ତଡ଼ି ଦେଇଥିଲେ। ସେ ମାମଲା ଜିତିବା ପରେ ପୁଣି ଫେରି ଆସିଛନ୍ତି। ତଥାପି, ଘୃଣା ମନୋଭାବ ନେଇ ସେ ତୁମ ମାନଙ୍କ ସହିତ କଥାବାର୍ତ୍ତା କରୁନାହାଁନ୍ତି । ସେ ପ୍ରେମର ଇସାରା କରୁଛନ୍ତି ।
ଯଦି ଆପଣଙ୍କର କ କୌଣସି ଅସୁବିଧା ଅଛି, ତେବେ ଏହା ଆପଣଙ୍କର ସମସ୍ୟା, ଅନ୍ୟ କାହାର ନୁହେଁ। ୨୦ ରୁ ଅଧିକ ମହିଳା ଏମପିଙ୍କ ଦସ୍ତଖତ ହୋଇଥିବା ଅଭିଯୋଗରେ ଦର୍ଶାଯାଇଛି ସରକାରଙ୍କ ବିରୋଧରେ ଅନାସ୍ଥା ପ୍ରସ୍ତାବ ଉପରେ ବିତର୍କ ସମୟରେ ରାହୁଲ ଗାନ୍ଧୀ ଏକ ଅନୁପଯୁକ୍ତ ଅଙ୍ଗଭଙ୍ଗୀ କରିଛନ୍ତି। ଗୃହରେ କଥା ହେବାବେଳେ କେନ୍ଦ୍ର ମନ୍ତ୍ରୀ ସ୍ମୃତି ଇରାନୀଙ୍କ ପ୍ରତି ସେ ଫ୍ଲାଇଙ୍ଗ କିସ୍ ଇସାରା କରିଛନ୍ତି । ଇରାନୀଙ୍କ ପୂର୍ବରୁ ରାହୁଲ ମଣିପୁରରେ ମଦର ଇଣ୍ଡିଆକୁ ହତ୍ୟା କରିଥିବା ଅଭିଯୋଗ କରିଥିଲେ ଏବଂ ଶାସକ ଭାଜପାର ସଦସ୍ୟମାନଙ୍କୁ ଦେଶଦ୍ରୋହୀ ବୋଲି କହିଥିଲେ।
