କେନ୍ଦ୍ରାପଡା, ୧୧ା୪(ଜଗନ୍ନାଥ ଧଳ): ଗତ ସାଧାରଣ ନିର୍ବାଚନ ପୂର୍ବରୁ ଫାଙ୍କା ରହିଥିବା କେନ୍ଦ୍ରାପଡା ଜିଲା ପରିଷଦ ଉପାଧ୍ୟକ୍ଷ ପଦ ଶୁକ୍ରବାର ପୂରଣ ହୋଇଛି ା ଏହି ପଦ ପାଇଁ ନିର୍ବାଚନ ପରେ ଆଳି ଜୋନ ଅନ୍ତର୍ଗତ ୪ ନମ୍ବର ପରିଷଦ ସଭ୍ୟ ବିଜେଡିର ଭୀଷ୍ମ ମହାନ୍ତି ଶପଥ ଗ୍ରହଣ କରିଛନ୍ତି ା ନିର୍ବାଚନରେ ସେ ଅପ୍ରତିଦ୍ୱନ୍ଦ୍ୱୀ ପ୍ରାର୍ଥୀ ଥିଲେ ା ପୂର୍ବାହ୍ନ ୧୦ଟା ୪୨ ମିନିଟରେ ସେ ନିର୍ବାଚନ ପ୍ରାର୍ଥୀ ପତ୍ର ଦାଖଲ କରିଥିଲେ ା ଧାର୍ଯ୍ୟ ସମୟ ପୂର୍ବାହ୍ନ ଅନ୍ୟ କୌଣସି ପ୍ରାର୍ଥୀ ପତ୍ର ଆସି ନ ଥିବା ନିର୍ବାଚନ ପରିଚାଳନା ଅଧିକାରୀ ଏଡିଏମ ନିଲୁ ମହାାତ୍ର ସୂଚନା ଦେଇଛନ୍ତି। ସେ କହିଛନ୍ତି. ପ୍ରାର୍ଥୀପତ୍ର ଯାଂଚ ପରେ ମଧ୍ୟାହ୍ନରେ ପ୍ରାର୍ଥୀ ମହାନ୍ତିଙ୍କୁ ମଧ୍ୟାହ୍ନରେ ବିଜୟୀ ଘୋଷଣା କରା ଯାଇଥିବା ସହ ପଦର ଗୋପନୀୟତା ଶପଥ ପାଠ ହୋଇଥିଲା ା ଏହି ଜିଲା ପରିଷଦରେ ମୋଟ ୩୨ଟି ଜୋନ ା ଏଥିମଧ୍ୟରୁ ଭାଜପା ଗୋଟିଏ ଆସନ ପାଇଥିବା ବେଳେ ଅବଶିଷ୍ଠାଂଶ ୩୧ ସଭ୍ୟପଦ ଗତ ୨୦୨୨ମସିହା ତ୍ରିସ୍ତରୀୟ ପଂଚାୟତ ନିର୍ବାଚନରେ ବିଜେଡି ପ୍ରାର୍ଥୀ ଜିତିଥିଲେ। ତେବେ ଗତ ସାଧାରଣ ନିର୍ବାଚନ ପୂର୍ବରୁ ତତ୍କାଳୀନ ଜିଲା ପରିଷଦ ଅଧ୍ୟକ୍ଷା ଗୀତାଞ୍ଜଳୀ ସେଠୀ ଓ ଉପାଧ୍ୟକ୍ଷ ଅଶୋକ କୁମାର ପ୍ରତିହାରୀ ସଭ୍ୟପଦ ତ୍ୟାଗ କରିବା ସହିତ ବିଜେଡିକୁ ଛାଡିଥିଲେ ା ଗୀତାଞ୍ଜଳୀ ସାଧାରଣ ନିର୍ବାଚନରେ ଭାଜପାରୁ ଓ ଉପାଧ୍ୟକ୍ଷ ପ୍ରତିହାରୀ କଂଗ୍ରେସରୁ ବିଧାୟକ ପ୍ରାର୍ଥୀ ହୋଇଥିଲା ା ଇତିମଧ୍ୟରେ ଜିଲା ପରିଷଦ ଅଧ୍ୟକ୍ଷା ପଦ ପୂରଣ ହୋଇଥିଲା ା ଶୁକ୍ରବାର ନିର୍ବାଚନ ପୂର୍ବରୁ ଜୋନ ସଭ୍ୟ ଭୀଷ୍ମ ମହାନ୍ତି ଓ ପ୍ରମୋଦ ରଥଙ୍କ ମଧ୍ୟରୁ ଜଣଙ୍କୁ ଉପାଧ୍ୟକ୍ଷ ପଦବୀ ପାଇଁ ଜିଲାରେ ଆଲୋଚନା ହେଉଥିଲା ା ତେବେ ଦଳୀୟ ନିଷ୍ପତି କ୍ରମେ ଭୀଷ୍ମ ମହାନ୍ତି ପ୍ରାର୍ଥୀ ପତ୍ର ଦାଖଲ କରିଥିବା ଦଳୀୟ ପର୍ଯ୍ୟବେକ୍ଷକ କେନ୍ଦ୍ରାପଡା ବିଧାୟକ ଗଣେଶ୍ୱର ବେହେରା ସୂଚନା ଦେଇଛନ୍ତି ା
