ପୁରୁଷୋତ୍ତମପୁର,୧୩ା୮(ସୀମାଞ୍ଚଳ ମିଶ୍ର): ଗଞ୍ଜାମ ଜିଲା ପୁରୁଷୋତ୍ତମପୁର ଥାନା ଅନ୍ତର୍ଗତ ବ୍ରହ୍ମପୁର-ତାରାତାରିଣୀ ମୁଖ୍ୟ ରାସ୍ତାର ଭାଟକୁମରଡ଼ା ବାଇଧର ମନ୍ଦିର ନିକଟରେ ରାସ୍ତାପାଶର୍ବରେ ଥିବା ସାଇନ୍ବୋର୍ଡରେ ପିଟି ଜଣେ ବାଇକ୍ଆରୋହୀଙ୍କ ମୃତ୍ୟୁ ଘଟିଛି। ସେହେଲେ ହିଞ୍ଜିଳି ଥାନା ଅନ୍ତର୍ଗତ ଶାଶନ ଆମ୍ବଗାଁର କାହ୍ନୁ ପରିଡ଼ା। ଖବରପାଇ ପୁରୁଷୋତ୍ତମପୁର ଥାନା ଏସ୍ଆଇ ଆଦିତ୍ୟ ନାରାୟଣ ପାତ୍ର ଘଟଣାସ୍ଥଳକୁ ଯାଇ ଉଦ୍ଧାର କରି ପୁରୁଷୋତ୍ତମପୁର ସ୍ବାସ୍ଥ୍ୟକେନ୍ଦ୍ରକୁ ଆଣିବା ସହ ମୃତଦେହ ବ୍ୟବଚ୍ଛେଦ କରାଇଛନ୍ତି। କେସ୍ ନଂ ୬୩୪/୨୫ରେ ଏକ ମାମଲା ରୁଜୁ କରାଯାଇଛି। ଘଟଣାରୁ ଜାଣିବାକୁ ମିଳିଛି ଯେ, ମଙ୍ଗଳବାର ରାତିରେ କାହ୍ନୁ ମୋଟରସାଇକେଲ ଯୋଗେ ଯାଉଥିବାବେଳେ ଭାରସାମ୍ୟ ହରାଇ ସାଇନ୍ବୋର୍ଡରେ ଧକ୍କାଦେଇ ରାସ୍ତାପାଶର୍ବ କେନାଲ ମଧ୍ୟକୁ ଛିଟିକି ପଡ଼ିଥିଲେ। ସକାଳୁ ଲୋକେ ଏହା ଦେଖି ପୋଲିସକୁ ଖବର ଦେଇଥିଲେ। ପୋଲିସ ଘଟଣାସ୍ଥଳକୁ ଯାଇ ମୃତଦେହ ସହ ମୋଟରସାଇକେଲକୁ ଜବତ କରିଛନ୍ତି।
